ER HJARTA- OG ÆÐAKERFIÐ UNDIR ÁLAGI?

september 6, 2018 - 6:17 e.h.

Fæst okkar vita reyndar hvenær þessi kerfi eru undir álagi og hvenær ekki, en til að tryggja að þau virki vel er gott að taka reglulega inn bætiefni sem styrkja þau. Ég skrifaði nýlega greinina OMEGA-3 FYRIR HEILSUNA, þar sem ég fjallaði um mikilvægi fjölómettaðra fitusýra fyrir líkamann. Margir halla sér að gamla lýsinu, en þeir sem þola ekki lýsisbragð og vilja frekar taka inn OFUR-OMEGA til að bæta hjarta- og æðaheilsuna ættu að lesa áfram.

AstaCARDIO ER OFUR-OMEGA

Ef þú þolir ekki lýsisbragð er AstaCARDIO fyrir þig. Þetta frábæra OFUR-OMEGA-3 er í hylkjum, auðvelt til inntöku og innheldur andoxunarefnið astaxanthin, vegan Omega-3 (bæði DHA og EPA) og E-vítamín. Ef þú vilt lesa meira um astaxanthin geturðu kíkt á greinina um ASTAXANTHIN FYRIR HÚÐ, HEILA OG HJARTA.

Þessi blanda er því algjört dúndur, því öll þessi efni búa yfir mikilvægum heilsueflandi eiginleikum. Axtaxanthin er eins og fram hefur komið í fyrri greinum mínum eitt af öflugustu andoxunarefnum sem völ er á og Omega-3 fitusýrur hafa margvíslega lífvirkni á líkamann. Að auki stuðla efnin að samvirkni, því fiturnar í Omega-3 stuðla að góðri upptöku astaxanthins og astaxanthinið varðveitir hinar viðkvæmu Omega-3 fitusýrur fyrir þránun.

FYRIR HJARTA, ÆÐAKERFI, HÚÐ, HEILA OG AUGU

DHA og EPA fitusýrurnar eru líkamanum mikilvægar. DHA er mikilvæg byggingareining fyrir hjarta- og æðakerfið – og hefur jafnframt góð áhrif á húð, heila og augun okkar. Allar rannsóknir sem gerðar hafa verið ýta sterklega undir mikilvægi þess að taka inn Omega-3 fitusýrur til að viðhalda heilbrigðum blóðþrýstingi – sjá greinina ER ÞRÝSTINGURINN Í LAGI HJÁ ÞÉR – heilbrigðu hjarta, eðlilegri blóðfitu og til að draga úr bólgum.

ASTAXANTHIN NÆR Í GEGNUM ALLA FRUMUHIMNUNA

Þetta öfluga andoxunarefni hefur verið notað í áratugi, er vel þekkt og í miklum metum vegna andoxandi eiginleika sinna. Astaxanthin er efnið sem gefur laxinum og rækjunni sinn rauða lit. Rannsóknir á astaxanthini sýna jákvæða virkni þess á sjónina, hjartað og æðakerfið. Að auki stuðlar efnið að aukinni virkni í heila og viðheldur teygjanleika og raka í húð.

Astaxanthin er eina andoxunarefnið sem nær í gegnum alla frumuhimnuna og nær að grípa stakeindir (oxandi efni) og gera þær óskaðlegar hvar sem þær eru í frumuhimnunni. Á myndinni sést hvernig astaxanthin, ólíkt C-, B- og E-vítamínum nær í gegnum alla frumuhimnuna

EINSTÖK VARA, FRAMLEIDD Á ÍSLANDI

Omega-3 úr þörungum er hið upprunalega Omega-3, því í fiskum finnst Omega-3 vegna þess að þeir hafa fengið það úr þörungum. Fiskar eru hins vegar oft mengaðir þungmálmum, sem safnast saman í fiskiholdi. Því er metýlerað kvikasilfur í fiski algengasta ástæða kvikasilfursmengunar í mönnum, en þungmálmar geta haft margvísleg skaðleg áhrif á mannslíkamann.

Framleiðandi á AstaCARDIO er fyrirtækið KeyNatura, sem sérhæfir sig í ræktun á smáþörungi sem kallaður er Haematococcus Pluvialis en hann framleiðir astaxanthin. Þessir þörungar eru hrein og náttúruleg uppspretta astaxanthins, en hjá KeyNatura eru þörungarnir ræktaðri með hreinu íslensku vatni og lofti, í lokuðum kerfum.

HVERS VEGNA ÆTTIRÐU AÐ VELJA AstaCARDIO?

Einfaldlega vegna þess að blandan er einstaklega virk til að draga úr bólgum og stuðla að heilbrigðu hjarta-og æðakerfi, þar sem bæði astaxanthinið og Omega-3 fitusýrurnar hafa slíka virkni. Saman draga astaxanthinið og Omega-3 úr magni bólguprótína (CRP=C-reactive protein) og Omega-3 dregur líka úr styrk annarra bólguefna eins og eicosanoids, cytokines, chemokines o.fl.

AstaCARDIO er sérstaklega virkt í að lækka blóðfitu, þar sem bæði astaxanthinið og Omega-3 fitusýrurnar hafa slíka virkni. Að auki stuðla bæði efnin að heilbrigðari sjón.

Astaxanthin er karótenóíð, en það er talið eitt öflugasta andoxunarefni sem finnst í náttúrunni. Það ver húðina fyrir útfjólubláum geislum sólarinnar en leiðir jafnframt til þess að maður verður mun fyrr fallega brúnn í sól. Astaxanthin er að auki þúsund sinnum virkara en E-vítamín gegn fituoxun.

Neytendaupplýsingar: Þú finnur AstaCARDIO í helstu apótekum, Hagkaup, Netto, Fræinu í Fjarðarkaupum, Mamma veit best, Heilsuveri og Heilsuhúsinu.

Mynd: CanStockPhoto/focalpoint