HVAÐ ER VERIÐ AÐ FELA?

nóvember 29, 2020 - 10:19 e.h.

HVAÐ ER VERIÐ AÐ FELA?

Plánetan Neptúnus stöðvaðist í himinhvolfinu í gær og byrjaði að snúa sér við til að fara beint áfram. Plánetan dregur nafn sitt af sjávarguðinum og því getur öflugri stöðu hennar fylgt þoka eins og stundum verður á sjó. Sú þoka virðist ansi ráðandi í heiminum í dag.

Reynt er að fela alls konar fréttir fyrir almenningi. Facebook, Google, Youtube og Twitter vinna saman að því að loka síðum, eyða póstum og kommentum, taka niður heilu Facebook síðurnar eða loka aðgangi fólks að þeim, eins og kom fram í yfirheyrslu Josh Hawley senators í Bandaríkjaþingi yfir Mark Zuckerberg.

Zuckerberg þjáðist af algeru minnisleysi í yfirheyrslunni, þótt hann væri eiðsvarinn, en þær upplýsingar sem fyrrverandi starfsmaður Facebook hafði veitt þingmanninum eru sláandi, eins og heyra má ef hlustað er á yfirheyrsluna.

BÓKABRENNUR NÚTÍMANS

Þessum lokunum á tjáningarfrelsi fólks á samfélagsmiðlum, sem upprunalega voru settir upp til þess að veita fólki aðstöðu til að nýta frjálsan tjáningarétt sinn, mætti kalla bókabrennur nútímans. Með þeim er verið að ákvarða hvaða upplýsingum við höfum aðgengi að og hvaða ekki. Auk ritskoðunar samfélagsmiðlanna hafa ýmsar stofnanir tekið upplýsingar út af heimsíðum sínum, svo þær eru ekki lengur aðgengilegar.

Bókabrennur eru ekki nýjar af nálinni því þeim hefur ítrekað verið beitt, til dæmis á síðustu öld í Rússlandi í kringum 1930, á nasistatímanum í Þýskalandi, í menningarbyltingunni í Kína og undir stjórn Rauðu Kmeranna í Kambódíu.

WORLD DOCTORS ALLIANCE

Í þessu stutta myndbandi fjallar einn af þeim læknum sem eru í samtökunum World Doctors Alliance, Dolores Cahill prófessor í sameindalíffræði og ónæmisfræði, um ritskoðanir samfélagsmiðla og annarra miðla á upplýsingum frá samtökunum og persónulegar árásir og hótanir á lækna í þessum samtökum, sem hafa ítrekað haldið því fram að ekki sé hægt að skilgreina Covid 19 sem farsótt.

Hvers vegna megum við ekki hlusta á röksemdafærslur þeirra? Af hverju er bara einni hlið mála haldið að okkur?

AF HVERJU FÁST EKKI SVÖR?

Ég er ein af þessum forvitnu og spyr því spurninga um ýmislegt, sem mér finnst eðlilegt að allir fengju svör við. Ég hef í opnu bréfi til sóttvarnalæknis spurt nokkurra spurninga sem hann taldi sig ekki hafa tíma til að svara – þótt ég hefði haldið að hann gæti veitt svarið með fáeinum orðum.

Í svari við fyrirspurn ónefnds aðila, sem undirritað er af Kjartani Hreini aðstoðarmanni landlæknis kemur eftirfarandi fram: „Við höfum engin frumgögn varðandi Sars-CoV-2, t.d. þau gögn er varða einangrun veirunnar og þá lífeðlisfræðilegu og sameindalíffræðilegu ástæður sem tengja veiruna við veirusjúkdóminn COVID-19.“

Ég spurði því sóttvarnalækni: Ef engum hefur tekist að einangra Sars-CoV-2, fyrir hvaða veiru er þá verið að skima um allan heim? – Ekkert svar!

Ég spurði líka sóttvarnalækni: Ef ekki er verið að framleiða bóluefni gegn Sars-CoV-2, þar sem veiran hefur ekki verið einangruð, gegn hvaða veiru er þá bóluefnið? – Ekkert svar!

Ættum við ekki að fá svör við þessu – svo og svör við því frá hvaða framleiðanda 500-600 þúsund bóluefnaskammtar hafa verið keyptir til landsins? Ert þú lesandi góður ekki forvitin/n um það?

NÝ SÓTTVARNARLÖG

Nú liggja fyrir Alþingi drög að nýjum sóttvarnalögum og hefur þegar ein umræða um þau farið fram. Þar kemur meðal annars fram eftirfarandi:

A – Inngrip: Götun eða skurður í húð eða ísetning áhalds eða framandi efnis í líkamann eða rannsókn á líkamsholi. Með inngripi er [ EKKI ] átt við læknisrannsókn á eyra, nefi og munni, hitamælingu með eyrna-, munn- eða hörundshitamæli, eða hitamyndatöku, læknisskoðun, hlustun, ytri þreifingu, sjónspeglun, töku þvag-, saur- eða munnvatnssýnis utan frá, mælingu blóðþrýstings utan frá eða hjartalínurit. […]

B – Ónæmisaðgerð: Skipulögð aðgerð sem örvar ónæmiskerfið til að halda smitsjúkdómi í skefjum í samfélaginu, svo sem með bólusetningu eða gjöf mótefna. […]

C – Skimun: Kerfisbundin yfirstandandi söfnun, samantekt og greining á gögnum í þágu lýðheilsu og tímanleg miðlun lýðheilsuupplýsinga til að unnt sé að meta þær og bregðast við með aðgerðum á sviði lýðheilsu, eftir því sem þörf krefur.

D – Útgöngubann: Í tillögunum kemur einnig fram heimild fyrir útgöngubanni.

Ofangreindar tillögur til breytinga benda til þess að setja megi örflögu, hugsanlega með rakningarappi eða annað í líkamann (A), að skyldubólusetning sé á dagskrá (B) og að halda eigi áfram skima okkur (C) og að í myndinni sé að setja á okkur útgöngubann (D).

Persónulega vil ég fá að ráða yfir eigin líkama og ákvarða sjálf hvort í mig er sett örflaga eða annar aðskotahlutur. Einnig vil ég fá að ákvarða sjálf hvort ég læt bólusetja mig með bóluefni sem hefur verið hraðspólað í gegnum framleiðsluferlið og engin reynsla er á, meðal annars vegna þess að bóluefnaframleiðendur bera hvorki ábyrgð, né skaðabótaskyldu ef ég myndi verða fyrir skaða vegna aukaverkana af bóluefninu eða hreinlega deyja.

Um skimunina fjalla ég hér aðeins neðar. Að mínu mati ætti að meta þörf fyrir útgöngubanni hverju sinni, en ekki lögfesta heimild til að beita því – en það er alla vega mín hlið á málinu.

DANIR FELLDU SKYLDUBÓLUSETNINGU

Samtakamáttur Dana og Svía gegn afnámi ýmissa lýðræðislegra réttinda sem teljast eðlileg í frjálsu samfélagi, en hafa verið tekin af okkur þetta árið er ansi mikill. Fyrir skömmu lágu fyrir danska þinginu tillögur að nýjum sóttvarnarlögum. Þar kom meðal annars fram að:

1 – Þvinga mætti fólk sem væri smitað af einhverjum sjúkdómi í rannsókn, leggja það inn á sjúkrahús eða loka það í einangrun á þar til gerðri stofnun.

2 – Ríkisstjórnin gæti skilgreint hópa sem yrðu skyldaðir til að láta bólusetja sig.

3 – Neyða mætti þá sem neituðu ofangreindu til innilokunar með aðstoð lögreglu.

Með því að fylgja fordæmi Íslendinga úr Búsáhaldabyltingunni fylktu Danir sér fyrir framan þinghúsið níu daga í röð, börðu potta og pönnur og voru með mótmælaspjöld, þar til tillagan um skyldubólusetningu var felld.

Hvergi var fjallað um þessi mótmæli í dönskum fjölmiðlum, né komust þau að því er ég best veit í erlenda fjölmiðla. Hvað var verið að fela?

GÖGN UM LÝÐHEILSU

Í framangreindum tillögum til sóttvarnarlaga kemur fram mikilvægi þess að safna gögnum um lýðheilsu. Eigum við ekki að ætla að þau gögn ættu að vera varðveitt í íslenskum gagnagrunni?

Íslensk erfðagreining hefur séð um meirihluta skimanna í tengslum við Covid-19. Ég er forvitin að vita hvort ráðleggingar Kára til sóttvarnaryfirvalda og íslenskra stjórnvalda hafi litast af hagsmunatengslum hans við lyfjarisann Amgen í Bandaríkjunum, sem er eigandi Íslenskrar erfðagreiningar.

Upplýsingar úr rannsóknum héðan virðast fara beint til Amgen, samkvæmt greinum á vefsíðu fyrirtækisins.

VORU TENGSLIN VIÐ AMGEN EKKI Á HREINU?

Í viðtali Der Spiegel í Þýskalandi við Katrínu Jakobsdóttir forsætisráðherra fyrr á þessu ári, sem fjallað var um á mbl.is kom eftirfarandi fram:

Vakin er athygli á því að Íslendingar hafi nú tekið sýni hjá um 12% þjóðarinnar, hæsta hlutfalls í heimi, á meðan Þjóðverjar eru mun neðar á listanum, með um 2%. Sagt er frá því að á Íslandi sjái Íslensk erfðagreining að miklu leyti um þessar skimanir, og Katrín er spurð hvort hún hafi ekki áhyggjur af gögnunum.

„Þetta var rætt fram og til baka en persónuverndaryfirvöld og vísindasiðanefnd hafa farið gaumgæfilega í gegnum þetta allt og lagt blessun sína yfir þetta,“ segir Katrín.

Ég spyr því: Vissi Katrín ekki að Íslensk erfðagreining er í eigu Amgen og að upplýsingum héðan yrði deilt þangað? Höfðu vísindasiðanefnd og persónuverndaryfirvöld heldur enga hugmynd um það?

Margt er enn í þoku, en vonandi léttir bráðlega og við förum að fá skýr svör – eða hvað?

Mynd: Canstockphoto/romanespelt