VILTU SIGRAST Á SYKURPÚKANUM?

30/08/2020

VILTU SIGRAST Á SYKURPÚKANUM?

Ég hef stundum líkt sykurpúkanum, við púkann á fjósbitanum, sem oft er fjallað um í þjóðsögum okkar. Í þjóðsögunum reynir hann gjarnan að tæla fólk þegar það er í dimmu fjósinu.

Sykurpúkinn þarf ekki myrkur. Hann raðar sér á skjái landsmanna, hvort sem er í kvikmyndahúsum eða í sjónvarpinu. Hann er alls staðar til sýnis í matvöruverslunum og sjoppum, mun öflugri en sá gamli á fjósbitanum, því þessi bragðast líka vel. Þannig veiðir hann flesta í greipar sínar – og margir sitja þar fastir ár eftir ár.

SYKURLAUS SEPTEMBER

Hið góða er að það er hægt að losna úr greipum hans með því að gera breytingar á neyslumynstri sínu. Á morgun byrjar átakið SYKURLAUS SEPTEMBER í Facebook hópnum HEILSA OG LÍFSGÆÐI.

Á meðan á því stendur færðu daglegar hvatningar til að halda þig við markmiðið – að vera sykurlaus allan september – ásamt fræðslu bæði á myndböndum og í texta, sem styðja þig í gegnum SYKURLAUSAN SEPTEMBER.

Í samstarfi við NOW á Íslandi verður svo vikulega dregið úr nöfnum þátttakenda, einkum þeirra sem eru duglegir að kommenta á færslur daganna, og einn heppinn fær að launum flotta gjafakröfu frá NOW.

En hvað ef þú þarft frekari aðstoð til að sigrast á sykurpúkanum?

BÆTIEFNI GEGN SYKURPÚKANUM

Ef þér finnst þú ekki vera að sigrast á sykurpúkanum upp á eigin spýtur, geturðu nýtt þér bætiefnið GLUCOSE METABOLIC SUPPORT frá NOW. Í því er blanda af völdum næringarefnum og jurtum sem stuðla að eðlilegum efnaskiptum sykurs og kolvetna.

Lykilhlutverki í þeirri blöndu gegnir indverska lækningajurtin Gymnema, sem hefur verið notuð frá örófi alda af Ayurvedískum læknum til að draga úr sykurlöngun og minnka sykurmagn í blóði. Þar sem hún hefur örvandi áhrif á efnaskipti líkamans, hefur hún mikið verið notuð í meðferðum við ofþyngd og fitulifur.

Í böndunni er einnig efnið Glucofit, sem samanstendur af corosolic acid. Rannsóknir hafa sýnt að það stuðli að eðlilegum efnaskiptum glúkósa í líkamanum.

FLEIRI MIKILVÆG NÆRINGAREFNI

Að auki eru í GLUCOSE METABOLIC SUPPORT ýmis fleiri næringarefni eins og króm, bíótín, B-1, B-5, L-glútamín, Alpha lipoic acid og vanadium. Öll þessi næringarefni eru mikilvæg fyrir efnaskipti glúkósa í líkamanum og stuðla að meira jafnvægi á blóðsykrinum.

Auk þess að búa yfir eiginleikum til að stuðla að viðgerð þarmaveggjanna er amínósýran L-glútamín talin draga úr sykurlöngun og koma jafnvægi á blóðsykur líkamans.

Króm er snefilefni sem marga skortir, en það er talið mikilvægt stuðningsefni fyrir virkni insúlíns og hefur þar af leiðandi áhrif á stjórnun blóðsykurs í líkamanum. Króm eykur insúlínnæmni frumna og er nauðsynlegt í efnaskiptum kolvetna, fitu og próteina.

Alpha lipoic acid er öflugt andoxunarefni og orkugjafi fyrir hvatbera frumnanna (orkuframleiðsluhluta þeirra), en eykur jafnframt insúlínnæmni svo frumurnar geti auðveldlega nýtt glúkósa til orkumyndunar.

GLUCOSE METABOLIC SUPPORT er því bæði gagnlegt og ómissandi bætiefni ef þú ert í brasi við að sigrast á sykurpúkanum, koma jafnvægi á blóðsykur og halda sykurlöngun í skefjum.

P.S. Hugsanlega viltu strax hendast af stað og ná þér í glas af þessu frábæra bætiefni, en bíddu aðeins. Það hefjast nefnilega Vítamíndagar í NETTÓ búðunum 3. september og þá er alltaf góður afsláttur í boði.

Myndir: CanStockPhoto – og af vef Nowfoods.com