HRÖKKKEX – GLÚTEN- OG SYKURLAUST

Þegar forðast skal glúten kemur góð uppskrift að hrökkkexi sér vel. Þetta vita þeir sem sótt hafa HREINT MATARÆÐI námskeiðin mín, en á hreinsikúrnum sem sem ég leiðbeini fólki í gegnum, eru brauð ekki á dagskrá.

Margir baka sér því hrökkbrauð til að hafa sem millimál. Ein af þeim er Ingibjörg Ólafsdóttir, sem var þátttakandi í 53. HREINT MATARÆÐI námskeiðinu. Hún leyfði mér góðfúslega að birta uppskriftina hér á síðunni.

INNIHALDSEFNI:

200 g sólblómafræ
1 dl hörfræ
1 dl sesamfræ
2 dl graskersfræ
2 msk möndlumjöl
2 msk husk trefjar frá NOW
1 tsk himalajasalt
1/2 dl birkifræ til að dreifa ofan á áður en sett í ofn
5 dl vatn

AÐFERÐ:

  1. Setjið öll innihaldsefni í skál og látið fræin og mjölið drekka í sig vatnið í 60 mínútur.
  2. Breiðið deigið þunnt úr á 2 bökunarplötur.
  3. Dreifið birkifræjum og smá Maldon salti eða muldu grófu himalajasalti yfir. (valkvætt)
  4. Bakið við 160°C í blástursofni í 70 mínútur.
  5. Kælið aðeins og skerið svo plöturnar með pitsahjóli niður í hæfilega bita.

Einfalt en bragðgott. Smakkast vel til dæmis með HUMMUSNUM HENNAR BJARGAR en hún var líka á HREINT námskeiði eða með HAPP RAUÐRÓFUMAUKINU.

Mynd: Ingibjörg Ólafsdóttir

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 502 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?