JÖRÐIN ER AÐ BREYTAST – I

JÖRÐIN ER AÐ BREYTAST – I

Í lok síðasta árs fjallaði ég aðeins um þá umbreytingu sem er að verða á Jörðinni, nú þegar hún er á leið inn í nýtt 12.000 ára tímabil. Það tímabil hófst með samstöðu plánetanna Satúrnusar og Júpiters, þegar þær fóru báðar inn í Vatnsberamerkið á vetrarsólstöðum þann 21. desember síðastliðinn.

Neðst í þessari grein eru hlekkir inn á fyrri greinar sem tengjast þeim umbreytingum sem eru að eiga sér stað, ekki bara á Jörðinni, heldur líka á okkur sem á henni búum.

HVER ER STAÐAN NÚNA?

Breski líffræði-jarðfræðingurinn Rory Duff[i] fylgist mjög náið með sólkerfi okkar og þeim breytingum sem hann telur að það sé að fara í gegnum til að móta Nýja Jörð. Í síðasta fréttabréfi sínu fjallar hann um það hvar við erum stödd núna í þessum breytingum.

Hann segir að sólkerfi okkar sé nánast að verða að fullu sokkið inn í riðstraumsvegg vetrarbrautarinnar[ii] (á ensku : galactic current sheet). Þetta er þegar farið að hafa áhrif á þær stjörnur í vetrarbraut (eða stjörnuþoku) okkar sem farið hafa í gegnum riðstraumsvegginn.

Pláneturnar í sólkerfi okkar eru farnar að sýna auknar breytingar frá því sem áður var. Þessar breytingar tengjast eðli rafsegulsviðsins í riðstraumsveggnum, þar sem við lendum  fyrst í sviði hans.

Rory segir að segulsvið Jarðar lækki hraðar og hraðar og að þær stofnanir sem voru vanar að fjalla um slíkar breytingar séu nú að fela upplýsingarnar, svo það sé erfitt að komast að raun um hversu mikla vernd við erum að fá. Þetta er því að verða að stórmáli hjá þeim sem vilja stjórna okkur.

SEGULVIÐSNÚNINGUR EÐA SEGULÁRÁS

Að hans mati erum við annað hvort á leið inn í segulviðsnúning (á ensku: magnetic reversal) eða segulárás (á ensku: magnetic incursion). Það mun leiða til formbreytinga á Jörðinni okkar, þótt við vitum ekki enn hversu öfgafullar þær verða.

Lægra segulsvið hefur lækkandi áhrif á segulhlíf Plánetunnar okkar gagnvart alheimsorkunni. Slík orka hefur þróunaráhrif á líf á þessari Plánetu og sannanir fyrir því má sjá bæði í jarðlögum og í kjarnasýnum úr jöklum, sem passa við þau tímabil sem slíkar þróunarbreytingar í fortíð okkar hafa orðið. Við verðum því öll að fylgjast með breytingum í náttúrunni í náinni framtíð, þar með talið í orkulínum Jarðar.

ALHEIMSORKAN STÖKKBREYTIR FRUMUM

Alheimsorkan stökkbreytir frumum í gegnum gammageisla. Slíkar breytingar virðast geta haft bæði jákvæð og neikvæð áhrif á okkur. Jákvæða hliðin er að við þær virðast óvirkar frumur virkjast og erum við það meðal annars að finna fyrir aukinni hæfni í hugsanaflutningi, ríkari samkennd, aukinni skyggnigáfu og öðrum áhrifum, líkt og þegar hulu er lyft og við fáum reynslu af því að sjá, snerta og heyra í „Verum“ frá öðrum efnistíðniheimum, sem eru á sama svæði og við en á annarri tíðni.   

Hið neikvæða er að aukin geislun eykur bólgur í líkömum okkar. Sólarljós og D-vítamín draga úr þessum áhrifum og það gera föstur líka. Aðrar lausnir, eins og til dæmis Ivermectin, draga líka úr bólgum, svo við ættum að eiga það til vara.

Þeir sem „blekkja“ okkur, hafa vitað af þessum væntanlegu vetrarbrautarbreytingum í áratugi og hafa því hindrað aðgang okkar að þessu lyfi. Þeir höfðu gert áætlun um að nýta sér breytingarnar til fólksfækkunar á Plánetunni og til að ná fullu valdi yfir Heiminum, áður en of mörg okkar færu að skipta yfir í hópmeðvitund (eða samtengda meðvitund).

Málið er nefnilega að við þurfum bara fáa til að byrja að laða til okkar hina mörgu. Þannig virkar augnabliks meðsveiflan (á ensku: morphic resonance) nefnilega.

ÞRÓUNARBREYTINGU HALDIÐ NIÐRI

Rory segir að þeir sem standa að „blekkingunum“ hafi haldið aftur af þessum þróunarbreytingum hvert 12.000 ára tímabilið á fætur öðru, þar sem það verður sífellt erfiðara fyrir þá að halda völdum, þegar stór hluti okkar er að flytjast yfir í hina frelsandi hópmeðvitund.

Þeirra plan var að búa til bóluefni og að kenna stökkbreyttri tegund af kórónavírus með „auknum áhrifum“, sem þeir höfðu lengi unnið að rannsóknum og framleiðslu á, um „farsótt“. Upphaf þessara rannsókna má rekja til Bandaríkjanna, en þær voru síðan fluttar til Wuhan í Kína – hugsanlega til að reyna að koma sökinni á annað fullvalda ríki.

Gert var ráð fyrir að fyrsta bylgja sjúkdómsins myndi deyða mun fleiri en hún gerði. Alheimurinn var reyndar með aðrar hugmyndir og þeir sem stýra „blekkingunum“ urðu fljótlega að breyta blekkingunni miklu með skimunum og „andlátstölum“ til að gera meira úr vandamálinu, en raun var. Einungis ótti myndi leiða til þess að fólk myndi þiggja bóluefnin – og samkvæmt hinum „sjúku reglum“ sem þeir starfa eftir, þurfti fólk sjálfviljugt að vilja þiggja það.

Við erum nú að byrja að sjá afleiðingar þessarar yfirgripsmiklu bólusetningarherferðar.

GEÐRÆN VANDAMÁL AUKAST

Margir eru líka að eiga við geðræn vandamál þessa dagana, í viðbót við þá streitu sem fylgir nútíma lífi og þær auknu hömlur sem lagðar eru á mannkynið einmitt núna. Geðrænu vandamálin geta líka komið til vegna þess hvernig hugurinn er að breytast og þeirrar reynslu sem sum okkar eru að fara í gegnum.

Rory segir að eftir því sem orkan aukist, megum við eiga von á frekari geðrænum vandamálum. Sífellt fleiri komi til með þurfa á hjálp að halda og það fyrsta sem þeir þurfa að vita er að þetta er ekki þeim að kenna, né heldur er það einhverjum í kringum þá að kenna.

Til að geta skilið þetta, þurfa þeir hins vegar að vita hvað raunverulega er í gangi…

Síðari hlutinn af þessum útdrætti úr fréttabréfi Rory Duff birtist næsta föstudag…

Ef þú hefur áhuga á að auka hópvitundina skoðaðu þá STJÖRNUSKIN

Aðrar greinar um svipað málefni:

VITUNDARVAKNINGIN MIKLA  – UMBREYTINGATÍMAR

Mynd: CanStockPhoto/ almir1968 – Nikki24

Heimildir:

[i] www.roryduff.com

 

[ii] https://astronomy.swin.edu.au/cosmos/g/Galactic+Sheets

 

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 503 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?