VERNDIÐ BÖRNIN - Guðrún Bergmann

VERNDIÐ BÖRNIN

VERNDIÐ BÖRNIN

Þessi grein birtist fyrst í Morgunblaðinu 20. ágúst 2021!

Framganga sóttvarnalæknis er með ólíkindum, nú þegar hann skyldar starfsfólk í skólum til að vera „bólusett“ (frétt á RÚV 16.08.21)[i]– en firrir sig jafnframt ábyrgð í því máli, með því að henda henni yfir á vinnuveitandann.

Hið sérkennilega er að þetta er EKKI BÓLUSETNING, eins og til dæmis flensubólusetning. Um er að ræða KLÍNÍSKA TILRAUN, sem hér og víða erlendis er þrýst upp á fólk að taka þátt í. Í Bretland, Holland og Frakkland eru þessar ástungur kynntar sem KLÍNÍSKAR TILRAUNIR og fólk fær upplýsingabækling um aukaverkanir þeirra, reyndar eftir ástunguna – en hér gengur fólk grunlaust að þessu sem bólusetningu.

LEYFISLAUS TILRAUN

Vísindasiðanefnd gaf ekki leyfi fyrir tilrauninni, eins og hún á að gera. KLÍNÍSKAR TILRAUNIR eiga að vera tvíblindar[ii], sem þýðir að ákveðinn hluti af tilraunahópnum fær lyfleysu. Lyfjastofnun hefur hins vegar tvívegis svarað fyrirspurn um það hvort lyfleysa sé notuð, að svo sé ekki.

Upplýsingar um andlát, lömun, bólgur í hjartavöðva eða gollurshúsi hjá þeim sem taka þátt í tilrauninni eru faldar eins og hægt er fyrir landsmönnum. Sem betur fer er Gróa á Leiti ansi virk hér á landi og þannig breiðast fréttirnar út.

BLEKKINGIN MIKLA

Þjóðin öll hefur verið BLEKKT í þessu máli – og það af yfirvöldum. Ef það þarf að sannfæra þig, minna þig á og þrýsta á þig, ljúga að þér og skapa hvatningu (munið þið loforð Bubba um tónleika 19. júní og fyrirheit Þórólfs um að ungmennin kæmust á Þjóðhátíð ef þau létu bólusetja sig?), þvinga þig, leggja þig í einelti, beita þig samfélagslegri skömm og sektarkennd, hóta þér, refsa þér og gera athæfi þitt glæpsamlegt – allt saman til að fá þig til að mæta í ástungu – getum við verið fullkomlega viss um að „tilraunaefnin“ eru okkur ekki fyrir bestu.

Heilaþvotturinn með stöðugum hræðsluáróðri á fundum þríeykisins dag eftir dag, virkaði eins og dáleiðsla. Í dáleiðsluástandi slóst fólk um hver væri fyrstur í röðinni við LaugaVAXhöllina og lét stinga sig meðan hlustað var á klassíska tónlist (eins og í fangabúðum Nasista í síðari heimstyrjöldinni) eða skífuþeyting með vinsælustu lögunum.

EFNIN Í SPRAUTUNUM

Þetta er í fyrsta skipti í HEIMINUM sem lyf[iii] fær neyðarleyfi ÁN þess að upp sé gefið fullt innihald í því. Það á við um öll fjögur efnin. Öll „tilraunaefnaglösin“ eru merkt með svörtum þríhyrningi ▼en hann er merki um að viðkomandi lyf sé undir sérstöku eftirliti lyfjayfirvalda,[iv] því það er enn til rannsóknar.

Enginn fær að sjá fylgiseðil sem ætti að vera með hverju glasi af „tilraunaefnunum“ og þeir sem hafa komist yfir slíka seðla erlendis, hafa komist að raun um að ekkert stendur á þeim.

Leynd yfir innihaldsefnunum er afsökuð með því að ekki sé hægt að gefa þau upp, þar sem samkeppnisaðilar gætu þá nýtt sér upplýsingarnar. Það er fyrirsláttur, enda á ekki að þurfa að hafa áhyggjur af slíku, því öll innihaldsefni eru einkaleyfisvarin.

ERFÐABREYTANDI EFNI

Samkvæmt Biblíunni skapaði Guð manninn í sinni mynd. Þegar efni með mRNA er sprautað í fólk, rýfur það einn hlekk í DNA-inu og gerir umbreytingar á því. Um leið er búið að rjúfa skarð í sköpun Guðs og hún fær ekki aftur á sig fyrri mynd. Í plöntu- og dýraríkinu kallast slíkt rof á DNA-i erfðabreyting.

Samkvæmt tölum úr LaugaVAXhöllinni er því búið að erfðabreyta hátt í 90.000 manns – að undanskildum þeim hluta sem fengið hefur lyfleysu í þessari KLÍNÍSKU TILRAUN – nema yfirlýsing Lyfjastofnunar sé rétt og enginn hafi fengið lyfleysu.

BÖRNIN ERU NÆSTA SKOTMARK

Það kann að vera að þú sem foreldri hafir fallið fyrir BLEKKINGUNNI og látið stinga þig í upphandlegg. Einungis strikamerkjakerfi Lyfjastofnunar/Evrópska lyfjaeftirlitsins er með upplýsingar um hvort þér hafi verið erfðabreytt eða þú sloppið með lyfleysu.

Hvort heldur sem er, biðla ég til þín að þú vægir barninu þínu og neitir að láta erfðabreyta því líka. BÖRNIN eru framtíð landsins og eina von okkar um að viðhalda megi óerfðabreyttum ÍSLENDINGUM áfram á þessari eyju.

Samkvæmt tölum frá CDC í Bandaríkjunum þann 19. mars síðastliðinn eru líkur eftirtalinna aldurshópa á að lifa „farsóttina miklu“ af eftirfarandi:

  • Aldur 0-17 ára – 99.998%
  • Aldur 18-49 ára – 99.95%
  • Aldur 50-64 ára – 99.4%
  • Aldur 65 ára + – 91%

Því er afar lítil hætta á að barnið þitt skaðist af þeirri flensu sem gengur og nefnd hefur verið „Delta“ eða eitthvað álíka frumlegt. Sóttvarnalæknir lýsti því hins vegar yfir þann 22. júlí síðastliðinn að „einn af hverjum tíu“[v] myndi fá aukaverkanir af „tilraunaefnunum“. Sá eini gæti orðið þitt barn.

Myndir: CanStockPhoto / Rost9

Hlekkir á heimildir:

[i] https://www.ruv.is/frett/2021/08/16/haegt-ad-skylda-starfsfolk-til-ad-vera-bolusett

[ii] https://www.medicinenet.com/clinical_trials/definition.htm

[iii] https://hugotalks.com/2021/08/14/mrna-secret-hugo-talks-lockdown/

[iv] https://www.rpharms.com/resources/quick-reference-guides/black-triangle-additional-monitoring-of-medicine#1

[v] https://mittval.is/einn-af-hverjum-tiu-mun-fa-alvarlegar-aukaverkanir-ut-fra-boluefnunum/

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 445 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?