Uppskriftin þessa vikuna er frá Margréti Berglindi
Ólafsdóttur. Hún er á HREINT MATARÆÐI
námskeiði og þegar hún birti mynd af
þessari súpu í FB hópnum, fannst mér
hún svo spennandi að ég bað um að
fá að birta uppskriftina hér á síðunni.
INDVERSK GRÆNMETISSÚPA
Þessi súpa er frábær á köldum vetrardögum, hitandi, næringarrík og auðvelt að búa hana til. Þótt ég hafi “fundið upp á henni” eins og krakkarnir segja þegar ég var í hreinsunarferli, er ég viss um að hún hentar við mörg önnur tækifæri. Með því að minnka vatnsmagnið og bæta til samræmis við það kókosmjólk í súpuna, verður hún þykkari og matarmeiri, en kókosmjólkin passar svo vel við karrýbragðið.
Njótið vel
Margrét Berglind
INNIHALD OG AÐFERÐ:
1 laukur – gróft skorinn
1 rauðlaukur- gróft skorinn
4 hvítlauksrif- pressuð
2 msk smátt saxaður engifer
Þessum hráefnum er svissað saman í potti með 2-3 msk af olíu í smá stund og svo bætt út í pottinn:
2 msk karrý (Pottagaldrar)
1 msk túrmerik (Pottagaldrar)
2 msk grænmetis paradís (Kryddhúsið)
Látið kryddið aðeins steikjast með lauknum
Bætið svo 1 lítra af vatni út í pottinn
og 1 msk glútenlausum grænmetiskrafti ( Himnesk hollusta) fæst í Bónus.
Skerið niður:
1 sæta kartöflu
5 sellerístilka
500 gr gulrætur
og bætið út í pottinn.
Látið þetta sjóða saman í 20 mínútur.
Rétt áður en súpan er tilbúðin, skerið þá niður lítinn haus af brokkólí og látið sjóða með síðustu mínúturnar.
Myndir: Margrét Berglind Ólafsdóttir
CanStockPhoto / Jack F / kmity
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar19. janúar, 2025FYRSTA NÝJA TUNGL ÁRSINS 2025
Greinar16. janúar, 2025HVER STJÓRNAR ÞÍNUM LÍKAMA?
Greinar13. janúar, 2025FULLT TUNGL Í DAG
Greinar11. janúar, 2025YFIRLIT YFIR ÁRIÐ 2025