Þessa vikuna býður matarbloggari vefsíðunnar
hún Björg Helen Andrésdóttir okkur upp
á asískan rétt, sem eru hrísgrjónavefjur
með risarækjum og grænmeti.
Þótt hann kunni að hljóma
framandi er um að gera
að prófa – og njóta vel.
Kæri lesandi,
Mig hefur lengi langað til að gera vefjur úr „rice paper“ sem ég kalla hrísgrjónavefjur. Hvað er betra en að skera uppáhalds grænmetið sitt í þunna strimla og velja fisk, kjöt eða t.d. tofú til að setja með. Nammi namm! Það er líka frábært ef maður þarf að klára grænmeti úr ísskápnum að skelli því í hrísgrjónavefju.
Það skiptir síðan öllu máli að gera góða sósu með. Ég gerði hnetusósu sem mér finnst mjög góð! Byrjið á því að búa til sósuna og skerið síðan niður grænmetið. Best er að hafa allt tilbúið áður en byrjað er að raða í vefjuna.
Með dásamlegri matarkveðju
Björg Helen
HRÍSGRJÓNAVEFJUR MEÐ RISARÆKJUM OG GRÆNMETI
Myndin hér að ofan sýnir það sem þarf til að búa til hrísgrjónavefjurnar, en byrjum á:
HNETUSÓSAN
2 kúfaðar msk af hnetusmjöri
1-1½ msk Tamari sojasósa frá Clearspring eða önnur sojasósa
1 ½ msk hrísgrjónaedik
1 hvítlauksrif
ferskur rifinn engifer, mér finnst hann góður og nota hann mikið
chilli flögur (má sleppa)
salt eftir smekk
vatn
AÐFERÐ:
1 – Mér finnst best að setja öll hráefnin í litla matvinnsluvél en það má líka hræra þetta saman í skál. Bætið við vatni eftir þörfum, en mér finnst sósan best ef hún er hvorki of þunn né þykk.
2 – Gott er að smakka sósuna til og bætið endilega við ef ykkur finnst þurfa meira af engifer, sojasósu eða öðrum hráefnum sem gefin eru upp.
RÆKJURNAR
1 – Steikið risarækjur upp úr olíu og hvítlauk. Saltið aðeins og piprið.
2 – Kælið áður en þær eru settar í vefjurnar. Gott er að skera þær langsum þannig að þær verði ekki of þykkar í vefjuna.
GRÆNMETIÐ SEM ÉG VALDI
avacadó
klettasalat
agúrka (skafið fræin innan úr henni)
gulrætur
paprika
HRÍSGRJÓNAVEFJURNAR
Bleytið vefjurnar aðeins í vatni og setjið á sléttan flöt. Vefjan er fljót að mýkjast upp. Ég set hér með hlekk inn á myndband sem sýnir hvernig er best að gera þetta:
https://www.youtube.com/watch?v=y31rUItaAnI
Hrísgrjónavefjurnar fást í flestum asískum búðum og eru meinhollar. Ég keypti mínar í Asian market í Skeifunni. Einnig er hægt að kaupa risarækjurnar í þessum verslunum.
Myndir: Björg Helen Andrésdóttir
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar11. maí, 2025EKKI VERÐUR AFTUR SNÚIÐ
Greinar8. maí, 2025WESAK TUNGLIÐ 12. MAÍ
Greinar13. apríl, 2025FULLT TUNGL Á PÁLMASUNNUDEGI
Greinar11. apríl, 2025MIKILVÆGI LIFRAR