Þessi frábæra uppskrift að – GULRÓTABUFFUM SOLLUNNAR – kemur frá Solveigu Friðriksdóttur. Hún býr á Stöðvarfirði og lætur fjarlægðina ekki aftra sér frá því að taka þátt í HREINT MATARÆÐI námskeiði, nú í annað sinn. Hún deildi þessari uppskrift með hópnum sem hún er í og veitti mér góðfúslega leyfi til að birta hana hér á síðunni minni.
GULRÓTABUFF SOLLUNNAR
INNIHALDSEFNI:
◦ 4 dl soðin hýðishrísgrjón
◦ 1 sellerístöngull
◦ 4 cm vænn bútur engifer
◦ 4-6 hvítlauksrif
◦ 1 dós smjörbaunir
◦ 1 dl graskersfræ
◦ 1/2 chilli pipar
◦ 4 dl soðnar gulrætur
◦ 1 dl soðin sæt kartafla
◦ 1 ten grænmetiskraftur frá Naturata
◦ 1 tsk Garam masala frá Pottagöldrum
◦ 1 tsk Karrý madras frá Pottagöldrum
◦ himalajasalt
◦ (Ef þessi krydd eru ekki til notið það sem þið eigið)
RASP:
◦ 5 þynnur Le pain des Fleurs hrökkkex (hægt að nota 1/2 dl haframjöl)
◦ 1/2 dl kókosmjöl
◦ 1/2 dl valhnetur (eða aðrar hnetur)
AÐFERÐ:
⁃ Hvítlaukur og chilli skorið smátt, engiferinn rifinn eða skorinn smátt. Blandað saman ásamt graskersfræjum, selleríi, smjörbaunum og hrísgrjónum í matvinnsluvél eða með töfrasprota. Sett í hrærivélaskál.
⁃ Blandið gulrótum og sætum kartöflum saman og bættið út í hrærivélaskálina
⁃ Allt hrært saman og kryddað. Smakkað og kryddað meira ef þarf.
RASP:
⁃Þynnur (eða haframjöl), kókosmjöl og valhnetur mixað saman.
Gott að nota ísskeið til að móta buffin. Þeim er velt upp úr raspinu og svo steikt í olíu á pönnu þar til þau eru gullin.
Ef buffin eru mjög laus í sèr er hægt að bæta einhverju í sem bindur eða bæta við hrísgrjónum.
Buffin eru viðkvæm og get losnað aðeins í sundur. Ef skammturinn klárast ekki og þið viljið frysta þau er gott að hafa smjörpappír á milli ef þeim er staflað í box.
Njótið með góðu salati og sósu að vild 🙂
Uppskrift og myndir: Solveig Friðriksdóttir
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar26. mars, 2026TVEIR ÁHRIFAVALDAR
Greinar23. mars, 2026FRÁ FRÆI TIL FRAMVINDU
Greinar21. mars, 2026MERKÚR BREYTIR UM STEFNU
Greinar20. mars, 2026JAFNDÆGUR 20. MARS