GLÚTENLAUSAR GRILLAÐAR LEFSUR
Uppskrift að þessum glútenlausu grilluðu lefsum kemur frá henni Ólöfu í Kryddhúsinu, en hún og maður hennar Omry elda mikið Miðjarðarhafsmat. Ólöf er mjög fróð um krydd og heilandi eiginleika þess og hér tekur hún við:
ZA’ATAR HNETUBLANDA
Za´atar hnetublandan er dásamlega bragðgóð og stútfull af næringu. Í henni koma saman brögðin súrt (sumac, ber sem eru þurrkuð og möluð), beiskt (hyssop, jurt sem minnir á oregano en er mun beiskari og bragðmeiri) og salt. Útkoman verður bragðgóð kryddblanda sem er frábær með öllu brauðmeti, auk þess sem ljúffengt er að strá henni yfir salat.
INNIHALDSEFNI:
Eins og 2 x lúkufylli af hnetum/möndlum og fræum (t.d. sólblómafræ og möndlur) sett í matvinnsluvél.
Setjið u.þ.b. 3-4 msk af Za´atar kryddblöndu Kryddhússins saman við.
Þessi blanda geymist vel í lokuðu íláti inn í kæli.
GRILLAÐAR GLÚTENLAUSAR LEFSUR:
2.5 glas glútenlaust hveiti
1 glas AB mjólk (eða lífræn hrein jógúrt – innsk. G.B.)
1/2 tsk hjartarsalt
1 msk hunang
salt eftir smekk
1 tsk Za´atar kryddblanda Kryddhússins
1 – Hrærið öllum innihaldsefnum saman í hrærivél.
2 – Ef deigið er of blautt til að móta flatar kökur/lefsur úr því, bætið þá aðeins meira hveiti í það.
3 -Mótið þunnar kökur/lefsur og grillið á báðum hliðum á heitu grilli.
Best er að bera þær fram strax og dásamlegt að rífa þær, dýfa í góða græna ólífuolíu og svo Za´atar hnetublönduna. Njóta þeirra sem meðlæti með öllum mat eða borðið þær einar sér.
Neytendaupplýsingar: Hægt er að panta kryddin beint frá Kryddhúsinu eða finna þau í kryddhillum Hagkaupa, Fjarðarkaupa og Krónunnar.
Uppskrift og myndir: Ólöf Einarsdóttir
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar13. mars, 2026Stjörnuspekin síðari hluta mars
Greinar2. mars, 2026FYRRI HLUTI MARS 2026
Greinar24. febrúar, 2026ÖFLUGAR AFSTÖÐUR PLÁNETANNA
Greinar22. febrúar, 2026222 ORKUHLIÐIÐ