HVERS VEGNA FÆKKAR SMITUM?

Ég rakst nýlega á fróðlegu grein á Off-Guardian fréttasíðunni. Efni hennar á að mínu mati erindi til okkar hér á landi, þótt tölur tengist öðrum löndum og sumar tilvitnanir í heimildir séu inn á erlendar síður, hef ég líka bætt inn tilvitnunum á íslenskar síður. Hér á eftir fylgir megininntak greinarinnar:

HVERS VEGNA FÆKKAR SMITUM?

Hinar ógnvekjandi rauðu tölur eru allar að lækka. Upplýsingar um slíkt má sjá í hvaða dagblað sem er eða inni á Covid upplýsingasíðum. Allar tölur um SMITANDLÁT og SJÚKRAHÚSINNLAGNIR, hafa snarlækkað og jafnvel verið lágar í nokkrar vikur, einkum í Bandaríkjunum og Bretlandi. Sama á reyndar við hér á landi.

Ýmsir aðilar hafa í fjölmiðlum lagt fram mismunandi skýringar á þessum breytingum – allt frá bóluefnum til lokunaraðgerða eða samkomubanns – en það er í raun bara ein skýring sem „meikar sens“ eða telst vera skynsamleg.

TENGIST FÆKKUNIN BÓLUEFNUNUM?

Flestir gera væntanlega ráð fyrir – og eru í raun hvattir til þess af yfirvöldum og ýmsum sérfræðingum í fjölmiðlum –  að breytinguna megi rekja til þess að þau bóluefni sem á markaðnum eru séu farin að skila árangri og hafi stöðvað smit „veirunnar“.

Getur verið að það sé málið? Ef betur er að gáð kemur þó í ljós að svo er ekki.

Það fór að draga úr smitum um miðjan janúar, löngu áður en bólusetningar fóru að skila einhverjum árangri. Ýmsir sérfræðingar tjáðu sig um málið, meðal annars Fauci.

Dr. Wafaa El-Sdr, prófessor í faraldsfræði og lækningum við
Mailman Schoolof Publich Health við Columbia háskólann,
sagði að lægri tíðni smita væri ekki hægt að tengja við
Covid-19 bóluefnin, því í Bandaríkjunum er, samkvæmt
upplýsingum frá CDC, ekki búið að bólusetja einn
tíunda hluta af landsmönnum ennþá.

Þar að auki eru smittölur að lækka á sama tíma í ýmsum löndum um allan heim. Í þessum löndum er ekki alls staðar búið að bólusetja jafn marga, né er verið að nota sama bóluefni. Það er því ekki hægt að tengja færri smit við bóluefnin.

HAFA LOKANIR SKILAÐ SVONA GÓÐUM ÁRANGRI?

Bæði erlendis og hér á landi er því haldið fram að samkomutakmarkanir stjórnvalda, fjarlægðarmörk og annað hafi loks skilað árangri. Ef skoðaðar eru tölur um smit í mismunandi löndum og í mismunandi ríkjum Bandaríkjanna kemur í ljós að það er ekki rétt.

Eins og frægt er orðið lokaði Svíþjóð hvorki landinu, né skipaði fyrirtækjum í landinu að loka. Samt hafa smit hjá þeim og andlát tengd covid verið að lækka alveg í samræmi við tölur í Bretlandi.

 

Ljóst er að ef lönd sem aldrei lokuðu neinu hjá sér eru líka að sjá tölur um fækkun smita, þá er ekki hægt að segja að lokanirnar hafi skilað þessum árangri.

Hvar er þá skýringuna að finna?

SKOÐUM LEIÐBEININGAR WHO UM PCR PRÓFIN

Við ættum kannski að leita að rétta svarinu með því að skoða hvenær smitum fór að fækka. Kíkjum aðeins á línuritið hér að neðan.    

Eins og sjá má fer andlátum af völdum Covid að fækka upp úr miðjum janúar á þessu ári. En hvað annað var að gerðist í heiminum á þeim tíma?

Þann 13. janúar samþykkti WHO breytingar á úrvinnslu PCR prófanna, en þær voru ekki birtar á vefsíðu WHO – Alþjóða heilbrigðismálastofnunarinnar – fyrr en 20. janúar. Sama dag og WHO birti þetta minnjsblað á vefsíðu sinni var Biden svarinn inn í forsetaembættið í Bandaríkjunum.

Í minnisblaði WHO kemur fram leiðrétting á upplýsingum sem birtar voru 14. desember 2020 (síðan hefur verið tekin út), þar sem rannsóknarstofum var bent á að nota 40 snúninga (CT values) fyrir PCR prófin, en í janúar útgáfunni er bent á að fleiri en 35 snúningar séu líklegir til að sýna fram á falskar jákvæðar niðurstöður.

Í raun má segja að þessi tvö minnisblöð frá WHO hafi tryggt að skimanir eftir útgáfu þeirra hættu að skila „fölskum jákvæðum niðurstöðum um smit.“ Með öðrum orðum að ekki væri lengur verið að skilgreina fólk sem „smitað en einkennalaust“.

Út frá þessum upplýsingum er rökrétt að álykta að við séum alls ekki að sjá „færri Covid smit“ eða „færri Covid andlát“, heldur séum við að sjá fækkun á „Covid smitum“ í fullkomnlega heilbrigðu fólki, sem greint hefur verið smitað með fölskum niðurstöðum, þar sem PCR prófunum hefur verið snúið allt of oft – til að fá út niðurstöðu um smit, þegar ekki var um smit að ræða.

PCR PRÓFIN

Þar sem sóttvarnayfirvöld hér á landi virðst hafa fylgt leiðbeiningum WHO – Alþjóða heilbrigðismálastofnunarinnar – í einu og öllu má gera ráð fyrir að hér hafi snúningar á PCR prófunum verið allt of margir og því skilað mörgum fölskum niðurstöðum um jákvætt smit.

Er kannski enn verið að snúa þeim of oft – og þess vegna greina smit hjá ferðamönnum sem eru alls ekki smitaðir?

Í nóvember í fyrra komst portúgalskur hæstaréttardómstóll að eftirfarandi niðurstöðu. Með PCR prófunum er ekki hægt að staðfesta með fullvissu, að jákvæð niðurstaða úr þeim, sýni fram á sýkingu einstaklings af SARS-CoV-2 vírusnum.“

Í raun er það mjög eðlileg niðurstaða hjá dómstólnum, þar sem engum hefur tekist að einangra þennan vírus.

Dr. Kary Mullis, sem fékk Nóbelsverðlaun fyrir að finna upp PCR prófin, hafði það alveg á hreinu að PCR prófin væru ekki ætluð til sjúkdómsgreiningar og sagði: „Ef þú notar PCR prófin á ákveðinn hátt, geturðu nánast fundið hvað sem er að, hjá hverjum sem er.“

Einnig var haft eftir honum: „Ef þú snýrð þeim í meira en 40 snúning til að magna upp eitt eintak af erfðavísi, er eitthvað mjög mikið að PCR niðurstöðunni.“

Mynd: CanStockPhoto.com / showface

Heimildir: NUMBERS GOING DOWN

auk tilvísana á heimildir í gegnum hlekki í greininni sjálfri

 

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 503 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?