Er SMART að vera SMART?

Er SMART að vera SMART?

Víða fara nú fram kosningar á lista fyrir borgar- og bæjarstjórnir um allt landi. Ég hvet ykkur til að lesa vel yfir þá stefnuskrá sem frambjóðendur setja fram. Ef orðið SMART kemur þar oft fyrir, er kannski rétt að staldra aðeins við.

VIÐ EIGUM EKKERT OG VERÐUM HAMINGJUSÖM

SMART er nefnilega eitt af laumuorðum WEF eða World Economic Forum og Davos klíkunnar, sem vilja ásamt Evrópusambandinu koma á Endurræsingunni miklu sem líka hefur verið kölluð Fjórða iðnbylgingin. Markmiðið er að árið 2030 verði komin á ein stjórn í heiminum, að þá verði almenningi skammtaðar tekjur og að ef við fylgjum ekki öllum reglum „stjórnarinnar“ eða gagnrýnum hana séu tekjurnar teknar af okkur.

Planið er líka að þá eigi almenningur ekkert og sé hamingjusamur. Yuval Noah Harari gengur reyndar aðeins lengra og sagði á fundi hjá WEF árið 2020 að auðvelt væri að „hakka sig inn í“ líkama okkar en við það verðum við að hluta tölvur og að hluta menn.

Það ætti að vera einfalt að framkvæma miðað við allt það DNA sem búið er að safna úr fólki með PCR prófunum undanfarin ár – en tölvurnar stilla sig inn á tíðni þess fyrir hvern og einn einstakling.

Þegar búið er að “hakka sig inn í” líkama okkar verður auðvelt að fylgjast með hverju einasta skrefi okkar, lesa hugsanir okkar og hindra að við fremjum einhverja „glæpi“ – svona eins og segir í nýlegu frumvarpi dómsmálaráðherra um breytingar á starfsemi lögreglunnar sem liggur frammi í samráðsgátt Alþingis.

MERKI UM ÞETTA PLAN MÁ SJÁ VÍÐA

Fæstir gera sér grein fyrir að merki um þessa miklu Endurræsingu og alheimsstjórn afla sem virðast hafa litla virðingu fyrir manninum, sé nú þegar víða að finna í samfélagi okkar. Vissir þú til dæmis að:

  • Forsætisráðherra gaf út skýrslu um Fjórðu iðnbyltinguna árið 2019, en í henni er fjallað um aðgerðir sem þurfa að koma til framkvæmda til að innleiða hana, þar sem störfum muni fækka og tæknin komi til með að taka yfir. Stjórnvöld hér eru á fullu að koma okkur inn í Endurræsinguna miklu.

  • Reykjavíkurborg hefur verið að framkvæma ótal verkefni í Reykjavík með styrkjum frá Evrópusambandinu, meðal annars með það að markmiði að gera borgina SMART og bíllausa.
  • Eitt af SMART verkefnum borgarinnar er Borgarlínan sem á að vera eins og nokkurs konar fangalest, sem flytjur fólk úr íbúðum sem eru eins og „skókassar“ að stærð við annan enda hennar – til „skókassanna“ í miðbænum – ef þú mátt þá vinna annars staðar en að heiman í framtíðinni. Í framtíðinni (2030) þurfum við ekki stærra heimili en „skókassa“, því við komum ekki til með að eiga neitt!
  • Að tillaga að Sóttvarnalögum er byggð á fyrirmynd frá WHO – Alþjóðaheilbrigðismálastofnunninni sem er sjálfseignarstofnun – að mestu rekin með fjárframlagi (tölur frá 2018-2019) frá ríkisstjórnum landa og stofnunum eins og Bill og Melinda Gates Foundation og Gavi, sem hafa það á stefnuskrá sinni að „bólusetja allan heiminn“. Í drögum að þessum nýju Sóttvarnalögum eru stjórnvaldsákvarðanir vegna farsótta og annarra ógna framseldar til WHO, en WHO er með það á stefnuskrá sinni að ná yfirráðum yfir öllum heilbrigðiskerfum heims.

  • Að í drögum að frumvarpi dómsmálaráðherra nr. 57/2022 um breytingar á lögreglulögum kemur meðal annars fram að kveðið sé á um meðferð vopna hjá lögreglu, en ákvæði þess efnis hefur fram til þessa aðeins verið að finna í reglugerð á grundvelli vopnalaga. (Á að fara að vopnavæða lögregluna til að beita henni gegn borgurunum?) Að stuðlað sé að því með frumvarpinu að skýrri lagastoð sé skotið undir núverandi greiningarstarf lögreglu sem fram fer í afbrotavarnaskyni sem og að grundvöllur sé lagður fyrir innleiðingu á svonefndri upplýsingamiðaðri löggæslu (e. Intelligence Led Policing). Í nýju SMART götuljósin – sem skipt er út fyrir fullkomlega nothæf og góð ljós – er meðal annars hægt að setja upp eftirlitsvélar, inn í ljósin sjálf. – Frumvarp dómsmálaráðherra þýðir á mannamáli að njósna má um fólk án þess að nokkur grunur um brot eða brotavilja liggi fyrir, bæði með myndavélum, hlerunum og öðrum njósnatækjum – og fellur undir SMART lausnir WEF, ESB og teknókratanna til að stjórna fólki.
  • SMART mælarnir sem Veitur hafa verið að setja upp í húsum um allt land eru einn hluti af SMART aðgerðunum. Með þeim geta stjórnvöld fylgst með allri vatnsnotkun þinni, svo ef þú ferð of oft í bað eða eyðir of miklu vatni er hægt að skrúfa fyrir hjá þér, minnka þrýstinginn eða lækka hitann. SMART ekki satt?

  • SMART símarnir hafa verið notaðir til þess að njósna um okkur og afla upplýsinga fyrir þessa SMART stefnu í langan tíma. Í gegnum þá og samfélagsmiðlana er hægt að fylgjast með neysluhegðun okkar, með peninganotkun okkar (borga með símanum) og fylgjast með því hvenær við förum inn á bankareikninginn okkar eða auðkennum okkur einhvers staðar. Símarnir safna líka upplýsingum um okkur í gegnum öll Öppin meðal annars um heilsu okkar, leikina sem spilaðir eru á símanum, allar flettingar inn á vefsíður, hvert við förum og hvað við gerum (myndir og staðsetning) og margt fleira.

TÍMI TIL AÐ META HVORT SMART SÉ SVONA SMART

Ég held það sé ágætt að staldra aðeins við núna, til að meta hvort allt þetta SMART kerfi sé svona SMART. Við höfum verið lokkuð inn í allar SMART lausnirnar, án þess að gera okkur grein fyrir að þær eru stjórntæki þeirra sem völdin hafa hverju sinni til að stýra okkur.

Mér sýnist flestir þeir flokkar og frambjóðendur sem bjóða sig fram í bæjar- og borgarstjórnarkosningum núna vera með SMART lausnir á öllum málum á stefnuskrá sinni, nema þá helst Miðflokkurinn – enda er það ekki á stefnuskrá hans að við göngum í Evrópusambandið.

Það er reyndar áhugavert að gera sér grein fyrir að þótt Ísland sé ekki aðili að Evrópusambandinu virðumst við nú þegar fylgja flestum reglugerðum þess.

Ef þér fannst þessi grein áhugaverð, deildu henni þá endilega meö öðrum.

Aðrar greinar um svipuð málefni:

PANTAÐIR ÞÚ ÞESSA FRAMTÍÐ? 

SEX ÁFANGAR ENDURRÆSINGARINNAR MIKLU

Heimildir:

Davos fundur 2020 – https://vimeo.com/576563311

https://www.stjornarradid.is/verkefni/visindi-nyskopun-og-rannsoknir/island-og-fjorda-idnbyltingin/

https://reykjavik.is/leit?q=Verkefni%20styrkt%20af%20Evr%C3%B3pusambandinu

https://reykjavik.is/leit?q=Borgarl%C3%ADna

https://childrenshealthdefense.org/defender/who-monopolize-health-systems-worldwide/

https://samradsgatt.island.is/oll-mal/$Cases/Details/?id=3139https://samradsgatt.island.is/oll-mal/$Cases/Details/?id=3139

https://www.who.int/about/funding/contributors  

https://samradsgatt.island.is/oll-mal/$Cases/Details/?id=3170  

https://www.veitur.is/almennt-um-maelaskipti

#gudrunbergmann #GuðrúnBergmann

image_print

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 586 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Deila áfram