ATHUGASEMDIR VIÐ NÝ SÓTTVARNALÖG

desember 2, 2020 - 12:01 e.h.

ATHUGASEMDIR VIÐ NÝ SÓTTVARNALÖG

Þið sem hafið hlustað á stjörnuspekiskýringar Pam Gregory hjá mér kannist við smástirnið Eris, sem verður nú 10. desember í 90° spennuafstöðu við Plútó. Svo virðist sem Eris hafi þegar kveikt í mér uppreisnareldinn og þörfina til að verja eigin líkama, því ég sendi eftirfarandi bréf til allra þingmanna í morgun.

BRÉT TIL ÞINGMANNA

Ágæti þingmaður (ég nafngreindi reyndar hvern og einn í pósti til þeirra og sendi ekki fjöldapóst á alla)

Í gær var fullveldisdagur okkar, sem markaði mikilvæg tímamót í sjálfstæðisbaráttunni og leiddi til þess að við stofnuðum árið 1944 lýðveldið Ísland. Þá fengum við langþráð frelsi til svo ótal margra hluta. Lýðveldið byggir á þingræðislegu stjórnarfari – ekki einræði.

Fyrir Alþingi liggur nú tillaga að nýjum sóttvarnalögum. Í henni eru nokkur ákvæði, sem ég tel að samræmast ekki lýðræðinu, meðal annars eftirfarandi:

GÖTUN EÐA SKURÐUR Á HÚÐ

A – 5. gr Inngrip: Götun eða skurður í húð eða ísetning áhalds eða framandi efnis í líkamann eða rannsókn á líkamsholi. Með inngripi er [ EKKI ] átt við læknisrannsókn á eyra, nefi og munni, hitamælingu með eyrna-, munn- eða hörundshitamæli, eða hitamyndatöku, læknisskoðun, hlustun, ytri þreifingu, sjónuspeglun, töku þvag-, saur- eða munnvatnssýnis utan frá, mælingu blóðþrýstings utan frá eða hjartalínurit. […]

Ef þarna er átt við að lögin nái yfir það að setja megi örflögu? (rakningatæki eða annan aðskotahlut) í líkama fólks eða að rannsaka megi líkamshol þess (hljómar eins og gera megi það án samþykkis), tel ég slík lög ekki í samræmi við lýðræðið í landinu.

Persónulega vil ég sjálf ákveða hvað sett er í minn líkama því ég tel mig hafa ótakmarkaðan rétt yfir honum. Ég bið þig um að hugsa ekki bara um mína beiðni, heldur meta hvernig þér fyndist ef örflaga? (áhald eða framandi efni) væri sett í líkama þinn, í börnin þín og/eða barnabörnin þín – þar sem ég geri ráð fyrir að þessi lög eigi líka að gilda fyrir þingmenn.

Ef sóttvarnalækni og einum ráðherra, eru veittar heimildir til að ákvarða slíkt tel ég að við höfum vikið langt frá lýðræðisreglum landsins – og fer því fram á að þú sem þingmaður leggir til að þessi grein verði felld úr umræddum drögum að nýjum sóttvarnarlögum áður en þau verða samþykkt.

SKYLDUBÓLUSETNING

B – 7. gr Ónæmisaðgerð: Skipulögð aðgerð sem örvar ónæmiskerfið til að halda smitsjúkdómi í skefjum í samfélaginu, svo sem með bólusetningu eða gjöf mótefna. […]

Persónulega tel ég að það sé afar vafasamt að setja lög um skyldubólusetningu (reyndar þegar í lögum skv. frétt á mbl.is) þar sem fyrirhuguð er bólusetning með bóluefni sem hefur aldrei áður verið notað á mönnum – nema þeim fáu sem tóku þátt í mjög stuttum tilraunum með það. Engar opinberar upplýsingar ligga fyrir um þær aukaverkanir sem komu fram á þeim stutta tilraunatíma. Algengt er að þróun á bóluefni taki mörg ár, allt að tíu ár í sumum tilvikum og að prófa þurfi það í minnst tvö ár, áður en það er sett í almenna notkun.

FRUMVARP UM BÓTARÉTT VEGNA BÓLUSETNINGASKAÐA

Í gærkvöldi rakst ég á frétt á mbl.is um að búið væri að leggja fyrir þingið stjórnarfrumvarp um bótarétt vegna bólusetninga. Á vef Alþingis er þetta frumvarp merkt sem þingskjal 463.

Ég man ekki eftir að slíkt frumvarp hafi verið lagt fram áður, en tel að það gefi til kynna að heilbrigðisráðherra og sóttvarnalæknir telji að einhverjir gætu skaðast af bóluefninu.

Framleiðendur ættu auðvitað að vera skaðabótaskyldir, ekki sjúkratryggingar okkar, en þeir hafa fyrir löngu (alla vega í Bandaríkjunum) komið því í gegn með lögum að ekki sé hægt að sækja þá til saka.

Ég fer því, eðli málsins samkvæmt, einnig fram á að þú sem þingmaður leggir til að skyldubólusetning verði felld úr umræddum drögum að nýjum sóttvarnalögum – og að þar til þau verði samþykkt – sé samsvarandi ákvæði líka fellt úr lögunum frá árinu 1997.

Við ættum að hafa val í þessu máli, sem og svo mörgum öðrum sem varða líkama okkar.

KERFISBUNDIN SKIMUN

C – 9. gr. Skimun: Kerfisbundin yfirstandandi söfnun, samantekt og greining á gögnum í þágu lýðheilsu og tímanleg miðlun lýðheilsuupplýsinga til að unnt sé að meta þær og bregðast við með aðgerðum á sviði lýðheilsu, eftir því sem þörf krefur.

Hér er ég með fyrirspurn um það hvort lögin eigi að fela í sér stöðuga skimun á þessari þjóð og öllum þeim sem til landsins koma? Ég spyr þar sem talað er um „kerfisbundna yfirstandandi söfnun“ í frumvarpinu. Eru niðurstöður úr skimunum varðveittar hér á landi eða er þeim deilt til erlendra fyrirtækja/ríkja?

ÓTAKMARKAÐUR RÉTTUR

Ég fer þess því enn og aftur á leit við þig þingmaður góður að þú hafir í huga við afgreiðslu þessa frumvarps að við búum í lýðræðisríki. Við ættum því að hafa ótakmarkaðan rétt yfir líkama okkar – og þar með VAL um það hvað í hann er sett.

Einnig vil ég benda á að tillaga að nýjum sóttvarnalögum í Danmörku, þar sem kveðið var á um skyldubólusetningu, nauðungarvistun og fleiri inngrip í líf fólks var nýlega felld í danska þinginu, eftir að stór hópur fólks beitti „Búsáhaldabyltingarleiðinni“ í níu daga fyrir utan þinghús þeirra.

Með vinsemd og virðingu
Guðrún Bergmann – kt. 251050-2799

„Við getum ekki búið í heimi sem er túlkaður fyrir okkur af öðrum. Túlkaður heimur veitir ekki von.“ – Hildegard of Bingen (1098-1179)

ATHUGASEMDIR VIÐ FRUMVARPIÐ

Nokkrir þingmenn svöruðu pósti mínum strax og sögðust ætla að taka málið til ítarlegrar athugunar. Einn þeirra var svo vinsamlegur að benda mér á slóð inni á alþingi.is með leiðbeiningum um hvernig og hvert á að senda umsagnir um frumvarpið, en þingmálið er númer 329.

Ef þú sem þetta lest hefur áhuga á að senda inn umsögn SMELLTU ÞÁ HÉR til að nálgast leibeiningarnar. Umsögnum þarf að skila fyrir 12. desember.

Deildu þessari grein með öðrum ef þér finnst hún áhugaverð.

Mynd: CanStockPhoto/tiero – bokunya – snowface