ÁHRIF HÆKKANDI TÍÐNI Á LÍKAMANN

desember 10, 2020 - 6:13 e.h.

ÁHRIF HÆKKANDI TÍÐNI Á LÍKAMANN

Eins og þið kannski munið úr stjörnuskýringum hennar Pam Gregory fyrir ALMYRKVA Á SÓLU 14. DESEMBER, þá er gífurlega mikil aukning á ljósorka á hárri tíðni að streyma til Jarðar.

Sú orka er þegar mjög mikil og ljósmagnið sem steymir til Jarðar heldur jafnt og þétt áfram að aukast og tíðnin að hækka dag frá degi, þótt stóru umbreytingardagarnir verði 14. desember þegar ALMYRKVINN verður og svo aftur þann 21. desember, þegar það eru Vetrarsólstöður á norðurhveli Jarðar og Sumarsólstöður á suðurhveli hennar.

SATÚRNUS OG JÚPITER Í SAMSTÖÐU

Þann 21. desember verða líka pláneturnar Júpiter og Satúrnus í nánast nákvæmri samstöðu á 0° í Vatnsberamerkinu. Þær hafa ekki verið í loft-elementinu (Vatnsberinn er loft element) í 200 ár og eru nú að hefja nýtt 200 ára tímabil í því.

Á Facebook síðunni Catalysing Change var myndin hér að neðan og ég vona að ég verði ekki lögsótt fyrir að „ræna“ henni, en hún er svo mögnuð að mér fannst ég þurfa að hafa hana með.

Undir myndinni á Catalysing Change síðunni er póstur frá Joseph Dela Cruz, sem ég er hér með lauslega þýðingu á: „Þegar röð af samstöðum Júpiters og Satúrnusar flyst úr einu elementi yfir í annað, stendur það ferli yfir í um það bil 200 ár og markar mjög mikilvæga þróun bæði samfélags- og stjórnmálalega. Pláneturnar Júpiter og Satúrnus eru þekktar sem tímastjórnendur eða fyrir að marka tímamót, þótt aðrar plánetur geti líka haft áhrif á slíkt. Samstöður Júpiters og Satúrnusar á himnum eiga sér stað með 20 ára millibili og verða í 200 ár í sama elementi. Samstaða þessara plánetna í Bogmannsmerkinu gerist með 800-960 ára millibili og markar yfirleitt mikilvæg tímamót eða aldahvörf í sögu mannkyns.“

SVONA VIRKAR HÆRRI TÍÐNI Á LÍKAMANN

Á sama tíma og allt þetta er að gerast er Jörðin að fara í gegnum sitt umbreytingarferli og hennar tíðni að hækka. Við erum því eins og í samloku, mitt á milli þessara umbreytingarafla – og hvort sem við viljum það eða ekki, er þessi hækkandi tíðni að hafa áhrif á líkama okkar.

Hér koma nokkrar ráðleggingar frá Lorie Ladd, en hún er bandarískur miðill. Þið sem viljið hlusta á hana á ensku finnið myndbönd hennar inni á YouTube, auk þess sem hún er með vefsíðuna www.lorieladd.com.

Hún miðlaði fyrir tveimur dögum upplýsingum um þau áhrif sem öll þessi orkutíðni er að hafa á líkama okkar. Með hækkandi tíðni er líkaminn nefnilega að fara í gegnum miklar breytingar, sem geta hafa margskonar áhrif á líðan okkar meðan á breytingaferlinu stendur.

Lorie nefnir nokkur einkenni sem eru:

Svimi – Ringlun (vera utan við sig)
Þörf fyrir mikla vatnsdrykkju – Þreyta
Þörf fyrir meiri svefn – Sónn í eyra
Breytingar á sjón – á heyrn – á bragðskyni
Meiri draumar – Dofaeinkenni í líkamanum
Spenna fyrir brjóstinu – Kvíðatilfinning (hún hvetur okkur til að æfa hjartaöndun)
Þörf á að hrista hand- og fótleggi – Bakverkir, gjarnan í efra baki eða öxlum
Útbrot á húð eða bólur – Dagdraumar
Líkamleg einkenni sem verða verri (tengjast ljósinu sem er að koma inn og magnar
þá upp verki og vanlíðan, en er í raun hluti af heilunarferlinu því ljósið er að brjóta „ójafnvægið“ upp)
Löngun í ákveðinn mat – Lystaleysi – Þörf fyrir sólarljós
Þörf fyrir nudd – að hlaupa – að teygja sig
Gallblöðruvandamál – Nýrnavandamál

MIÐLAÐAR UPPLÝSINGAR

Lorie miðlar þessum upplýsingum frá The Galactic Federation of Light. Þeir eru að láta okkur vita að þetta geti allt verið hluti af breytingarferlinu. Fram kemur í miðluninni að ef við myndum leita til læknis, myndi hann væntanlega ekki finna hvað er að. Öndunaræfingar, mikil vatnsdrykkja, ferskt loft, fersk fæða og ýmislegt annað hjálpar líkamanum og auðveldar okkur ferlið.

Líkaminn er að verða fyrir áhrifum af hærri tíðni, svo við erum hvött til að endurmeta hvernig við bregðumst við ýmsum líkamlegum einkennum. Lorie hvetur okkur því til að virða þarfir líkamans og leggja okkur fram um að mæta þeim.

Mynd: CanStockPhoto / Ariec