DAGUR JARÐAR – NÝ JÖRÐ

apríl 19, 2022 - 10:52 e.h.

DAGUR JARÐAR – NÝ JÖRÐ

Í dag þann 22. apríl, er alþjóðlegur DAGUR JARÐAR. Ég hef haft það fyrir sið að skrifa nokkur orð um Jörðina og samspil okkar mannanna við hana á þessum degi. Reyndar hef ég minnst þessa dags með ýmsum hætti allt frá árinu 1990, því mér finnst Jörðin svo stórkostleg og þykir svo vænt um hana.

FYRSTI DAGUR JARÐAR

Fyrsti DAGUR JARÐAR var haldinn í Bandaríkjunum árið 1970, að undirlagi Gaylord Nelson, sem þá var þingmaður Wisconsin á Bandaríkjaþingi. Hann skildi brýna þörf þess að vinna að umhverfismálum með samstilltu átaki eftir að hafa orðið vitni að miklu olíuslysi við Santa Barbara í Kaliforníu árið 1969.

Sameinuðu þjóðirnar útnefndu í framhaldi af átaki Nelsons þann 22. apríl sem alþjóðlegan DAG JARÐAR.

JÖRÐIN ER AÐ BREYTAST

Á Jörðinni eru að verða miklar breytingar vegna þess að tíðni hennar er að hækka. Það getur þýtt aukna spennu innan í Jörðinni, sem á einhvern hátt þarf að losa um.

Hin hefðbundna leið eru eldgos og jarðskjálftar og þar sem Úranus, pláneta hins óvænta og ófyrirséða er í Nautsmerkin og Nautið er táknrænt fyrir Jörðina megum við eiga von á slíkum jarðhræringum allt til ársins 2026, en það ár fer Úranus yfir í Tvíburamerkið.

LJÓSIÐ OG TÍÐNIN

Samkvæmt breska jarðfræðingnum Rory Duff[i] fer Jörðin í gegnum rafbylgjusvið Vetrarbrautarinnar (The Galactic Sheet) á um það bil tólf þúsund ára fresti. Í því ferli verður Jörðin fyrir miklum kosmískum sveiflum frá Gamma geislum og Neutrino rafeindum.

Neutrino fiseindirnar eru framleiddar í kjarna sólarinnar og koma til Jarðar, áður en LJÓSIÐ frá Sólinni, sem framleitt er af sömu viðbrögðum, nær að koma þangað. Það eru einmitt þessar Neutrino fiseindr, ásamt Gamma geislum sem eru að hafa áhrif bæði á Jörðina og fólkið á henni.

Þessir geislar og fiseindir bera með sér upplýsingar og hærri tíðni sem hefur áhrif á meðvitund okkar og leiðir til aukinnar vitundarvakningar. Með henni verður okkur ýmislegt sem áður var hulið skyndilega ljóst og næmi okkar og innsæisvitund eykst.

Þessi aukna geislun, sem er að valda umbreytingunum, hefur meðal annars leitt til þess að Schumann Resonance – eða Schumann meðsveiflan, sem mælir sveiflur í segulsviði Jarðar hefur hækkað upp úr öllu valdi. Um langan tíma hefur hún verið nokkuð stöðug á 7.83hz en hefur sveiflast upp í yfir hundrað, þegar öldur af rafgasi^[ii] í rafhvolfinu hafa áhrif á Jörðina.

HIN NÝJA JÖRÐ

Við erum að fara úr þriðju víddinni og upp í þá fimmtu. Í fimmtu víddinni er mikilvægt að við tengjumst hjarta okkar og vinnum út frá kærleikanum í einu og öllu, til að samkennd, samvinna og friður geti ríkt á hinni NÝJU JÖRÐ.

Rory Duff[iii] lítur svo á að við séum á leið inn í nýtt tímabil í sögunni sem hann telur að hefjist árið 2024. Hann kallar það ÖLD FRIÐSEMDAR (harmony), þegar samræmi eða samsvörun verður í öllum orkulínum Jarðar í um það bil 180-200 ár, en eitt af sérfræðiverkefnum hans er að mæla orkulínur Jarðar.

Þessi umbreyting og uppfærsla okkar og Jarðarinnar hófst árið 2012 og gert er ráð fyrir að við verðum komin inn í GULLNU ÖLDINA árið 2032. Við erum því í miðju þessu umbreytingarferli núna árið 2022.

Ef þér fannst þessi grein áhugaverð, deildu henni þá endilega með öðrum

Þér er velkomið að skrá þig á PÓSTLISTANN hjá mér til að fá reglulega senda fræðslu um sjálfsrækt, andleg mál og náttúrulegar leiðir til að styrkja heilsuna.

Mynd: Guðrún Bergmann

Heimildir:

[i] Viðtal við Rory Duff á Youtube – á The Salmon Pool https://www.youtube.com/watch?v=yqkxZTX_gOo – Rory er mjög jarðbundinn og fastur í vísindum og mælingum, sem hann notar til að staðfesta kenningar sínar. Hann er lærður jarðfræðingur og er alger frumherji í Geobiology en það er svið vísindarannsókna sem kannar gagnvirkni eða víxlverkun á milli efnislegrar Jarðar og lífhvolfsins.

[ii] Skýring orðabókarinnar snara.is á rafgasi = plasma öldur eða öldur af rafgasi sem gert er nær eingöngu úr jónum og óbundnum rafeindum.

[iii] www.roryduff.com