Hér kemur enn ein frábær uppskrift frá þátttakanda á HREINT MATARÆÐI námskeiði hjá mér. Í þetta sinn er það Bergljót Björk sem deilir með okkur uppskrift að bleikju með nípumauki og grænkáls-kínóa.
FISKURINN:
Bleikjuflök
Sítrónubörkur rifinn
Olífuolía
Himalajasalt og pipar
1 – Þurrkið flökin og rífið sítrónubörkinn yfir þau.
2 – Kryddið með fínu himalajasalti og pipar.
3 – Hellið nokkrum dropum af ólífuolíu yfir.
Bakað í ofni við 180°-200° gráður í um 15 mínútur
NÍPUMAUK:
3 litlar nípur afhýddar og skornar í bita
1 – Sjóðið í vatni með smá salti þar til mjúkar.
2 – Hellið vatninu af og maukið með töfrasprota.
3 – Setjið í lokin tæpa matskeið af cashew paste og hrærið saman (ekki setja of mikið því þá verður áferðin límkennd).
GRÆNKÁLS-KÍNÓA
3 vænir grænkálsstönglar
2 dl kínóa
1 – Skolið kínóað úr köldu vatni og sjóðið með grænmetiskrafti frá Naturata um 10 mín.
2 – Leyfið því að kólna.
Meðan kínóað sýður, má skera grænkálið frá stilknum og svo í ræmur.
1 – Útbúið dressingu úr 1 tsk ósættu dijon sinnepi + 2 msk sítrónusafi + 3 msk olíu + salt.
2 – Setjið þetta í krukku eða hristiglas og hristið vandlega.
3 – Hellið dressinguna yfir grænkálið og „nuddið“ það vandlega með fingrunum svo dressingin mýki grænkálið.
4 – Látið bíða meðan kónóað sýður og kólnar.
Blandið kínóanu saman við grænkálið og berið fram með fiskinum og nýpumaukinu.
Mynd af réttinum: Bergljót Björk
Aðrar myndir: Can Stock Photo / karaidel
Um höfund

- Guðrún Bergmann
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar10. nóvember, 2026NÝJA SPORÐDREKATUNGLIÐ
Greinar5. nóvember, 2026MAGNESÍUM ER MIKILVÆGT
Greinar1. nóvember, 2026NÓVEMBER – LJÓSIÐ VIÐ ENDA GANGANNA
Greinar28. október, 2026MIKILVÆGI LIFRAR


