Þessi uppskrift er úr bókinni minni HREINN LÍFSSTÍLL. Ég hef aðeins aðlagað hana,
svo það sé einfaldara að að útbúa hana en
þetta er ein af mínum uppáhalds-
uppskriftum úr bókinni.
Uppskriftin er frekar
stór en það er ekkert
mál að minnka hana
um helming.
Kæri lesandi!
Ég er í A-blóðflokki og því henta baunir ágætlega fyrir mig og minn matarsmekk. Svartar baunir er saðsamar og fara almennt vel í maga, þótt fólk fái stundum loft af þeim.
Ég borða mína baunaborgara ekki með brauði, heldur annað hvort með sætkartöflusneið undir eða með gulróta- eða sætum frönskum – en allir geta auðvitað valið sitt meðlæti. Treysti því að þið sem prófið njótið vel.
Kærleikskveðja
Guðrún
PORTOBELLOBORGARAR
Þessi uppskrift tekur ekki mjög langan tíma í undirbúningi ef notaðar eru baunir úr dós, en því lengur sem deigið bíður, þeim mun meira nær það að taka í sig bragð af öllum kryddum og innihaldsefnum. Við það verða borgararnir bragðmeiri.
INNIHALDSEFNI:
2 bollar smátt saxaðir portobellosveppir
800 gr soðnar svartar baunir, allt vatn sigtað frá
eða tvær 400 gr dósir, allt vatn sigtað frá
1 bolli spergilkálsblóm (brokkolí) smátt söxuð
½ bolli smátt saxaður rauðlaukur
2-3 stór egg, þeytt saman (gott að byrja með tvö)
¾ bollar glútenlaust rasp búið til úr muldum
Chestnut-brauðþynnum frá Les Pain des Fleur
(líka hægt að nota annars konar rasp t.d. úr hrísgrjónum)
1- 1 ½ msk GYROS kryddið frá Kryddhúsinu
2 msk pressaður hvítlaukur
1 ½ tesk bleikt himalajasalt (eða eftir smekk)
¾ bolli rifinn geitaostur eða ostur að eigin vali
olía til steikingar
AÐFERÐ:
1 – Setjið helminginn af svörtu baununum í stóra skál og maukið þær með kartöflustappara eða gaffli. Þetta verður ekki jöfn blanda en það er í lagi.
2 – Bætið í skálina sveppum, hinum helmingnum af baununum, spergilkáli, hvítlauk, lauk og kryddinu.
3 – Blandið allt saman með stapparanum eða gaffli
4 – Bætið eggjunum sem hafa verið þeytt saman út í skálina, svo og rifna ostinum og raspinu. Hrærið varlega í með sleif þar til allt er vel blandað saman.
5 – Látið deigið standa í minnst 15 mínútur – helst lengur, svo það taki í sig bragð af kryddi og lauknum og þéttist aðeins. Ef deigið er of blautt er gott að bæta við aðeins meira raspi.
6 – Gott er að væta aðeins hendurnar úr köldu vatni eða nota einnota hanska meðan mótaðir eru borgarar úr deiginu. Byrjið á að gera kúlu og pressið hana svo niður, svo úr verði flatur kringlóttur borgari. Raðið borgurunum á bökunarpappír svo þeir séu tilbúnir til steikingar.
6 – Hitið húðaða pönnu að rúmlega meðalhita með 2 msk af olíu.
7 – Þegar olían er orðin heit (eftir 1-2 mínútur) raðið þá borgurunum á pönnuna og steikið þá í 3-5 mínútur á hvorri hlið, þar til myndast hefur dálítil skorpa á þeim.
MEÐLÆTI:
Í bókinni minni var ég með „franskar“ úr gulrótum, en það er líka hægt að gera franskar úr sætum kartöflum – eða baka eða grilla eina sneið af sætri kartöflu og setja borgarann ofan á hana. Það fást líka frosnar „franskar“ úr sætum kartöflum.
Notið sósur að eigin vali, en sriracha-vegan majónes er sterkt og bragðgott með svona borgara.
Myndir: Árni Sæberg / Kryddhús.is / CanStockPhoto/creatista
Um höfund

- Guðrún Bergmann
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar10. nóvember, 2026NÝJA SPORÐDREKATUNGLIÐ
Greinar5. nóvember, 2026MAGNESÍUM ER MIKILVÆGT
Greinar1. nóvember, 2026NÓVEMBER – LJÓSIÐ VIÐ ENDA GANGANNA
Greinar28. október, 2026MIKILVÆGI LIFRAR


