31 ÁSTÆÐA FYRIR ÞVÍ AÐ ÉG LÆT EKKI SPRAUTA MIG - Guðrún Bergmann

31 ÁSTÆÐA FYRIR ÞVÍ AÐ ÉG LÆT EKKI SPRAUTA MIG

31 ÁSTÆÐA FYRIR ÞVÍ AÐ ÉG LÆT EKKI SPRAUTA MIG

Þetta eru ástæður rabbína Chananya Weissman. Hann býr í Ísrael en þar er beitt hörðum aðgerðum til að bólussetja sem flesta, enda samdi Netanyahu forsætisráðherra við Pfizer um að gera mætti tilraunir með efnið á þjóð hans – án þess að spyrja hana leyfis fyrst, líkt og átti að gera hér á landi.

Við ættum öll að kynna okkur þennan lista, því Netanyahu hefur hvað eftir annað lýst því yfir að Ísrael sé fordæmi fyrir aðrar þjóðir sem á eftir eiga að koma. Í þessu myndbandi er hann meðal annars að kynna „græna passann“ og önnur aðskilnaðarkerfi fyrir Mette Fredriksen forsætisráðherra Dana og Sebastian Kurz forsætisráðherra Austurríkis.

Í Ísrael er nefnilega komin á „apartheit“ eða aðskilnaðarstefna, sem veitir þeim sem hafa látið sprauta sig fríðindi og frelsi, en útilokar þá sem ekki hafa látið sprauta sig.

Margt af því sem kemur fram á þessum lista er þegar að gerast hér á landi. Við getum því allt eins átt von á að stjórnvöld hér hafi slíka aðskilnaðarstefnu í huga, svo það er rétt að kynna sér hvað liggur að baki henni til að geta spyrnt við fótum. Þess vegna fékk ég leyfi hjá rabbína Weissman til að þýða greinina hans – og gef honum hér með orðið:

31 ÁSTÆÐA FYRIR ÞVÍ AÐ ÉG LÆT EKKI SPRAUTA MIG

1 – Þetta er ekki bóluefni.[i] Bóluefni, samkvæmt skilgreiningu, veitir ónæmi gegn sjúkdómum. Þetta veitir ekki ónæmi gegn neinu. Í besta falli dregur það úr hættu á alvarlegum veikindum ef þú smitast. Þess vegna er þetta lyfjameðferð, ekki bóluefni. Ég hef ekki áhuga á lyfjameðferð við veikindum sem ég þjáist ekki af.

2 – Lyfjafyrirtækin, stjórnmálamenn, heilbrigðiskerfið og fjölmiðlar hafa sameinast um það um allan heim að kalla þetta bóluefni, þegar það er það ekki – í þeim ásetningi að beita fólk brögðum til að því finnist öruggt að undirgangast lyfjameðferðina. Þar sem þeir eru fláráðir, treysti ég þeim ekki og hef engan áhuga á lyfjameðferð þeirra.

3 – Hinn áætlaði ávinningur af þessari lyfjameðferð er mjög lítill og kemur ekki til með að endast lengi. KERFIÐ viðurkennir það og er þegar farið að tala um endurteknar ástungur og aukið magn af nýjum „bóluefnum“ sem við þurfum að fá reglulega. Ég neita að breytast í krónískan sjúkling, sem sprautaður er reglulega með nýjum lyfjavörum, einungis til að draga úr möguleika mínum á að verða mikið veikur ef ég smitast af vírus, sem þessar inndælingar koma ekki í veg fyrir.

4 – Ég get dregið úr hættu á því að verða alvarlega veikur þótt ég smitist af vírus með því að styrkja ónæmiskerfi mitt á náttúrulegan máta. Ef ég smitast, eru til bætiefni og vel þekkt lyf, sem hafa skilað frábærum árangri sem vörn gegn veikindum, án nokkurrar áhættu og óreyndrar lyfjameðferðar.

5 – KERFIÐ heldur því fram að þessi lyfjameðferð sé örugg. Þeir geta alls ekki vitað það, því langtíma áhrifin eru algerlega óþekkt og munu ekki verða þekkt í mörg ár enn. Þeir geta giskað á að þau séu örugg, en það er fals hjá þeim að vera með svoleiðis fullyrðingar þar sem þeir geta ekki vitað það. Þar sem þeir eru með þessi óheilindi treysti ég þeim ekki og hef engan áhuga á meðferð þeirra.

6 – Lyfjafyrirtækin bera enga skaðabótaskyldu ef eitthvað fer úrskeiðis og það er ekki hægt að lögsækja þau. Það sama á við um stjórnmálamennina sem eru að þrýsta á þessa meðferð. Ég læt ekki dæla í mig nýju tilraunalyfi þegar fólkið sem stendur á bak við það ber hvorki skaðabótaskyldu né ábyrgð ef eitthvað fer úrskeiðis. Ég vil hvorki hætta heilsu minni né lífi, þegar þeir neita að hætta nokkru.

7 – Forsætisráðherra Ísrael hefur yfirlýst opinberlega að Ísraelska þjóðin sé rannsóknarstofa heimsins fyrir þessa tilraunameðferð. Ég hef hvorki áhuga á að vera tilraundýr, né leggja líkama minn af mörkum í þágu vísindanna.

8 – Ísrael hefur samþykkt að deila heilsufarsupplýsingum íbúa landsins með erlendu lyfjafyrirtæki, en það er eitt af undirstöðuatriðunum í samkomulagi þeirra um að fá þessa meðferð. [ii] Ég hef aldrei samþykkt að mínum persónulegu heilsufarsupplýsingum sé deilt með slíku fyrirtæki, né hef ég verið beðinn um það. Ég vil ekki leggja neitt af mörkum til þessa illa þokkaða fyrirtækis.

9 – Framkvæmdastjórar og stjórnarmenn Pfizer hafa yfirlýst að þeir muni ekki þiggja sína eigin meðferð, þrátt fyrir allan lúðraþytinn og loforðin. Þeir halda því fram að það sé ósanngjarnt að „fara fram fyrir röðina“ [iii]. Þetta er fáránleg afsökun og það krefst mikillar óskammfeilni bara að segja þetta. Þessi „röð“ er bara tilbúningur þeirra. Ef þeir tækju nokkra skammta fyrir sig myndi enginn ásaka þá um svik. Þar að auki eru milljarðamæringar með einkaþotur og einkaeyjar ekki þekktir fyrir að bíða í röð, á eftir hundruðum milljóna af bændum um allan heim, til að fá eitthvað sem þessir milljarðamæringar vilja fá fyrir sig sjálfa.

10 – KERFISfjölmiðlarnir hafa tekið þessa fáránlegu skýringu gilda, án nokkurra spurninga. Ekki bara það, heldur hrósa þeir framkvæmdastjórum Pfizer fyrir svokallaða fórnfýsi þeirra að láta ekki bólusetja sig fyrr en á eftir almenningi. Fyrst þeir halda að við séum svona mikil fífl, treysti ég þeim ekki  og hef ekki áhuga á nýju meðferðinni þeirra. Þeir mega taka mitt pláss í röðinni. Ég er tilbúinn til að fara aftast.

11 – Þrjár staðreyndir sem við þurfum að setja í samhengi.

  • Bill Gates hampar þessum „bóluefnum“ sem nauðsynlegum til að mannkynið lifi af.
  • Bill Gates er sannfærður um að á Jörðinni búi of margir og að „fólksfækkun“ þurfi að verða.
  • Bill Gates, hugsanlega ríkasti maður í heimi, hefur ekki látið sprauta sig. Segir að ekki liggi á.

Umm! Ég er tilbúinn til að hafna öllum lyfjameðferðum sem hann vill að ég fái.

12 – KERFIÐ hefur verið algerlega einhliða í því að fagna þessari meðferð. Stjórnmálamenn og fjölmiðlar hvetja fólk til að þiggja hana, bæði af siðferðislegri og borgaralegri skyldu. Ávinningurinn af meðferðinni er mjög ýktur, horft er framhjá áhættunni og öllu hinu óþekkta ýtt til hliðar. Þar sem þessir aðilar eru bæði fláráðir og stjórnsamir, mun ég ekki leggja persónulega heilsu mína undir ráðvendni þeirra.

13 – Það er gífurleg áróðursherferð í gangi til að fá fólk til að þiggja þessa meðferð. Stjórnmálamenn og frægt fólk tekur „selfies“ af sér þegar verið er að sprauta þau (kannski eru þau í sumum tilvikum bara að þykjast vera sprautuð), fjölmiðlarnir magna þetta upp sem svalasta, flottasta og skemmtilegasta hlut sem hægt er að gera. Þetta er útbreiddasta markaðsherferð í sögunni. Slíkt er alls ekki viðeigandi fyrir lyfjameðferð, hvað þá algerlega nýja meðferð og það fyllir mig hryllingi.

14 – Fjöldinn fylgir á eftir, póstandi af sér myndum þar sem verið er að sprauta lyfinu í það, og myndar um leið þrýsting á aðra að gera slíkt hið sama. Það er eitthvað mjög ógnvekjandi og sjúklegt við þetta og ég hef engan áhuga á að vera þátttakandi í því. Ég hef aldrei tekið lyf, bara af því að „allir aðrir eru að gera það“ eða af því að það er svalt. Ég ætla svo sannarlega ekki að fara að byrja á því núna.

15 – Þeir sem hafa áhyggjur af þessari lyfjameðferð eru lagðir í einelti, rógbornir, hæddir, ritskoðaðir, ýtt út á jaðar samfélagsins, þeim ógnað eða þeir reknir úr störfum sínum. Aðförin nær til fólks í heilbrigðisstétt, sem byggir áhyggjur sínar af þessu lyfi á vísindalegum grunni og til umönnunaraðila sem hafa orðið vitni að því að fólk undir þeirra umsjá þjáist af hræðilegum aukaverkunum og dauða skömmu eftir að hafa verið sprautað. Þegar KERFIÐ vill losa sig við gott fólk, sem leggur allt undir einfaldlega vegna þess að það hefur áhyggjur af þessari lyfjameðferð – jafnvel þótt það sé ekki beint á móti henni – treysti ég þessu fólki mun betur en ég treysti KERFINU. Ég man ekki eftir neinu dæmi úr sögunni, sem sýnt hefur að sannleikur og siðferði hafi verið hjá KERFINU.

16 – Þetta er stærsta lyfjatilraun í sögu mannkyns.

17 – Af ásettu ráði er ekki dregin upp sú mynd að um sé að ræða stærstu lyfjatilraun í sögu mannskyns, heldur er dregið verulega úr þeirri staðreynd að þetta sé lyfjatilraun.

18 – Ef komið væri heiðarlega fram við fjöldann, eru líkur á að mjög fáir myndu vilja taka þátt í slíkri tilraun. Það brýtur í bága við grundvallaratriði í siðareglum lækna og lýðræðisleg lög að beita fólki brögðum til að fá það til að taka þátt í lyfjatilraun undir fölsku yfirskini,. Ég veiti ekki fólki sem fylgir ekki viðurkenndum lögum og reglum leyfi til að sprauta einhverju í mig.

19 – HeilbrigðisKERFIÐ fræðir ekki fólk um neitt af þessu. KERFIÐ er orðið að markaðsaðilum fyrir lyf á tilraunastigi og þjónar risafyrirtækjum og stjórnmálamönnum sem hafa gert samninga við þau. Þetta stangast algerlega á við það umboð sem þeim er falið að sinna eingöngu velferð þeirra einstaklinga sem eru undir þeirra umsjá. Þar sem heilbrigðisKERFIÐ er orðið spillt og ekki orðið neitt annað en pólitískt tæki, treysti ég ekki á þetta tilraunalyf sem þeir vilja ólmir sprauta í mig.

20 – Það er þrýst á okkur á marga mismunandi vegu að láta sprauta okkur, en slíkt atferli gengur í berhögg við siðferði læknavísindanna og grundvöll lýðræðislegs samfélags. Besta leiðin til að fá mig ekki til að gera eitthvað, er að þrýsta á mig.

21 – Ríkisstjórnin hefur samþykkt stefnu sem snýr að vírusnum og meðhöndlun hans til ÞRJÁTÍU ÁRA.[iv] Þetta eru upplýsingar sem almenningur hefur rétt á að fá að vita og ríkisstjórninni ber skylda til að deila með þeim. Hvað eru þeir að fela? Halda þeir virkilega að ég trúi því að allt sé í góðu með þetta og að þeir hafi fyrst og fremst áhyggjur af heilsu minni? Síðast þegar þeir gerðu þetta tengdist það Yemenite barnamálinu. Ef þú þekkir ekki til þess, flettu því þá upp. Nú eru þeir að beita sömu brögðum. Þeir blekktu mig ekki í fyrra skiptið og tekst örugglega ekki að blekkja mig núna.

22 – Ríkisstjórnin ætlar sér að deila persónulegum heilsufarsupplýsingum okkar með erlendu stórfyrirtæki, en þeir ætla sér ekki að deila stefnu sinni með okkur? Það er eitthvað mikið að þarna.

23 – KERFIÐ hefur fengið til liðs við sig lækna, rabbína, fjölmiðla og almenning, til að úthúða og hella sér yfir þá sem ekki vilja láta sprauta sig með þessu nýja lyfi. Við erum kölluð öllum illum nöfnum. Okkur er sagt að við trúum á fáránlegan samsæriskenningar, að við séum á móti vísindunum, að við séum sjálfselsk, að við séum morðingjar, að okkur sé ekki annt um eldra fólk og að það sé okkur að kenna að ríkisstjórnin haldi áfram að setja grimmdarleg höft á almenning. Allt þetta af því að við viljum ekki láta sprauta okkur með tilraunalyfi og engra spurninga er spurt. Okkur er jafnvel sagt að við berum trúarlega skyldu til að gera þetta og að við séum alvarlegir syndarar ef við gerum það ekki. Þeir segja að ef við samþykkjum ekki að láta sprauta okkur, verði okkur þröngvað til að halda okkur innan veggja heimilisins það sem eftir er og að okkur verði úthýst úr samfélaginu.

Þetta er skelfileg og ógeðfelld afskræming á almennri skynsemi, siðferði og Torah-num. Þetta fyllir mig hryllingi og eykur enn á vantraust mitt á yfirvöldum og andspyrnu mína við að þiggja þetta tilraunalyf. Hvernig voga þeir sér?

24 – Ég veit um marga sem hafa látið sprauta sig, en enginn þeirra kynnti sé vísindin til fullnustu, mat vandlega mögulegan hag á móti áhættunni, bar þennan valkost saman við aðra valkosti, fékk hreinskilningslegar upplýsingar og ákvað síðan að þessi lyfjameðferð væri besti kosturinn fyrir þau. Þvert á móti, létu þeir sprauta sig vegna auglýsingaskrumsins, áróðursins, þrýstingsins, óttans og blindrar trúar á það sem „meirihluti sérfræðinga“ á að vera sannfærður um (gerandi ráð fyrir að ÞEIR hafi kynnt sér allt í þaula og væru algerlega hlutlausir, sem er mjög vafasamt), blindu trausti á það sem áhrifamiklir rabbínar hvöttu þau til að gera (sama á við um þá og í sviganum á undan), eða af móðursjúkum ótta við að einu valkostirnir væru að láta sprauta sig eða verða alvarlega veikir af vírusnum. Þegar ég verð vitni að múgæsingi fjöldans og sértrúarlegri hegðun í kringum lyfjameðferð, mun ég af mikilli tortryggni forðast hana.

25 – Lyfjafyrirtækin eiga að baki langa og glæpsamlega sögu um að hafa valdið mörgum dauðsföllum með undralyfjum sem þeir þrýstu að varnarlausum almenningi, jafnvel eftir að alvarlegar aukaverkanir höfðu komið í ljós. Í stað þess að ýta á „pásu“ takkann og stöðva markaðssetningu á þessum lyfjum, þar til hægt væri að kanna virkni þeirra almennilega, héldu lyfjafyrirtækin áfram að gera allt sem í þeirra valdi stóð til að fela þær upplýsingar og ýta vörunni áfram. Þegar fyrirtæki og fólk hafa sýnt slíkan skort á umhyggju fyrir mannslífum, treysti ég þeim ekki þegar þeir upphefja nýtt undralyf.

26 – Staðreyndin er sú að hryllingssögurnar vegna þessa undralyfs streyma þegar inn, en stjórnmálamenn hafa engar áhyggjur af slíku, heilbrigðisKERFIÐ ýtir þeim til hliðar sem ótengdum og smávægilegum, fjölmiðlarnir minnast ekki á þær, lyfjafyrirtækin halda áfram á fullri ferð og þeir sem halda uppi rauðum fána viðvörunar eru áfram lagðir í einelti, ritskoðaðir og þeim refsað. Af þessu er ljóst að velferð mín er þeim ekki efst í huga. Ég ætla ekki að vera næsta tilraunadýr í tilraunastofu þeirra. Ég hef ekki áhuga á að verða næsta „tilfelli“.

27 – Þótt margir hafi dáið stuttu eftir að þeir voru sprautaðir – þar á meðal heilbrigt ungt fólk – er okkur ekki leyft að gefa í skyn að sprautan hafi haft eitthvað með það að gera. Þetta er andstætt vísindunum og mun leiða til þess að fleiri deyi. Ég trúi því að afneitun á einhverjum tengslum þarna á milli, svívirðingar gagnvart þeim sem velta fyrir sér þeim tengslum, og skortinn á áhuga á að kanna tengsl þarna á milli, sé í andstöðu við vísindin og gæti leitt til fleiri andláta. Þeir hinir sömu halda því fram að mér beri skylda til að láta sprauta mig. Mér dettur það ekki í hug.

28 – Mér býður við þessari trúarlegu dýrkun á lyfjafræðilegri vöru og mun ekki taka þátt í slíkri trúarathöfn.

29 – Heimilislæknirinn minn heldur áfram að nauða í mér að láta sprauta mig, en hann hefur ekki veitt mér neinar upplýsingar um þessa meðferð né um aðra valkosti. Allt sem ég veit hef ég lært frá öðrum utan við KERFIÐ. Upplýst samþykki hefur orðið að trúarlegu samþykki. Ég hafna því.

30 – Ég sé alla lygana, spillinguna, áróðurinn, baktjaldamakkið, ritskoðunina, eineltið, brotin á heilbrigðissiðfræði, skort á heilindum í vísindaferlinu, niðurbælingu óþægilegra aukaverkana, frávísun lögmætra áhyggjuefna, múgæsinginn, sértrúarhegðunina, fáfræðina, þröngsýnina, óttann, læknisfræðilegu og stjórnmálalegu harðstjórnina, leynilega samninga og stefnumál, skortinn á umhyggju fyrir mannslífum, skortinn á virðingu fyrir mannréttindum og frelsi, afbökun á Torah-num og almennri skynsemi, skrímslavæðingu á góðu fólki, stærstu lyfjatilraun allra tíma sem framkvæmd er af gráðugu, óáreiðanlegu, guðlausu fólki og skortinn á ábyrgð hjá þeim sem krefjast þess að ég fórni öllu… Ég sé þetta allt og ég hef ákveðið að þeir geti allir fengið mitt pláss í röðinni. Ég legg traust mitt í hendur Guðs. Ég ætla að nota hugann sem hann blessaði mig með og treysta mínu eðlislæga innsæi. Það leiðir mig að lokaástæðunni fyrir því að ég læt ekki „bólusetja“ mig.

31 – Það er skítalykt af þessu öllu saman.

EF þér fannst þessi grein áhugaverð, DEILDU henni þá endilega með öðrum!

Mynd: CanStockPhoto / halfpoint

Heimildirhttps://www.algora.com/Algora_blog/

[i] WHO hefur reyndar breytt skilgreiningu á því hvað er bóluefni, til að fella nýju efnin sem eru á neyðarleyfi undir þá skilgreiningu. https://www.who.int/news-room/q-a-detail/vaccines-and-immunization-what-is-vaccination?adgroupsurvey={adgroupsurvey}&gclid=Cj0KCQjwo-aCBhC-ARIsAAkNQis65yPBAlG6X9k1SwGeX3MP5hZNg9gipnsB138a-wolXxnOnnLdVLkaAkmYEALw_wcB

[ii] Það var reynt að semja um að Íslendingar yrðu tilraunadýr fyrir Pfizer – https://www.mbl.is/frettir/innlent/2020/12/27/aettum_ad_reyna_ad_einbeita_okkur_ad_pfizer_nuna/

[iii] Sóttvarnalæknir og landlæknir hafa einnig svarað því í tölvupóstum að að þau fari „þegar röðin kemur að þeim“.

[iv] Skyldi slíkt ákvæði vera í leynisamningunum sem gerðir voru við lyfjafyrirtækin hér á landi og enginn fær að sjá?

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 445 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?