LJÓSGÁTTIN ER ENN OPIN

LJÓSGÁTTIN ER ENN OPIN

Ýmsir höfðu spáð fyrir um það að LJÓSGÁTTIN sem öflugt LJÓS utan úr geimnum hefur flætt um til Jarðar allt þetta ár myndi lokast að kvöldi þess 21. desember 2021.

Samkvæmt nýjustu upplýsingum frá Frakkanum Luc Bodin sem er læknir, fyrirlesari og rithöfundur og hefur helgað sig andlegum málum undanfarin ár, er gáttin enn opin og gnægð af mikilvirkri LJÓSTÍÐNI heldur áfram að streyma til Jarðar. Hér á eftir fylgja frekari upplýsingar frá honum.

HÆKKANDI TÍÐNI

Samkvæmt mælingum Luc Bodin sveiflaðist tíðnisveiflustig Jarðar (TVT – TVH) í gær, þann 22. desember 2021, á milli 700.000 og 800.000 BU, en var að meðaltali 760.000 BU (BU=Bovie Unit – tíðni sem meðal annars er notuð við rafskurðlækningar). Slíkar tölur hafa aldrei sést áður!

Þessi titrandi tíðni hefur truflandi áhrif á okkur á öllum sviðum. Hún hefur truflandi áhrif á líkama okkar, huga og á svefninn, veldur hjá okkur ýmist tilhlökkun eða þunglyndi, örlítilli svimakennd, máttleysi í fótum, yfirálagi á huganum, erfiðleikum með einbeitingu og svo framvegis.

Sem betur fer verður annað slagið hlé á þessu orkuflæði og það veitir okkur tækifæri til að ná aðeins áttum á ný.

Guðrún Bergmann

TÆKIFÆRI TIL BREYTINGA

Það að LJÓSGÁTTIN skyldi ekki lokast þann 21. desember, sýnir að mati Bodins, að það er aldrei allt sem er fastsett í þessum heimi, sem er að vissu leyti traustvekjandi.

Sú staðreynd að þessi öfluga tíðni haldi áfram að streyma til Jarðar, veitir mannfólkinu aukið tækifæri til að opna huga sinn og gera breytingar… svo allt er að hans mati í góðu ferli.

Þar að auki hefur hækkunin á KÆRLEIKSSTUÐLI MANNKYNS leitt til þess að hann var í gær þann 22. desember kominn í 198% – sjá nánar um fyrri mælingar Bodins í greininni LJÓSIÐ OG KÆRLEIKURINN sem sýnir að stuðlinum miðar upp á við, þótt hægt fari.

Ómögulegt er að spá fyrir um það hvenær LJÓSGÁTTIN lokast… því sú ákvörðun er í mun hæfari höndum en okkar…

Luc hvetur okkur því til að halda áfram að taka á móti þessar LJÓSTÍÐNI sem virkjar okkar eigin innri umbreytingu. Gerum það af trausti og kærleika… því hvað sem kemur til með að gerast eða ekki gerast, kemur það til með að vera okkur fyrir bestu. Treystið því.

Látið innri frið, traust og kærleika vera hið daglega þema í lífi ykkar.

Ég held áfram að fylgjast með Luc Bodin og deila með ykkur upplýsingum frá honum.

Ef þér fannst þessi grein áhugaverð, deildu henni þá endilega með öðrum.

Mynd: CanStockPhoto/SergeyNivens

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 501 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?