“Ég er mjög þakklátur Guðrúnu Bergmann og HREINT námskeiðinu hennar. Eftir þessar hreinsun tek ég eftir skýrum breytingum; meiri orku, engri skykurþörf, betri líðan og er í raun allur léttari bæði á líkama og sál. Það sem stendur uppúr er hvað þetta var í raun auðvelt, en ég hefði samt aldrei gert þetta upp á eigin spýtur. Leiðsögn Guðrúnar og kennsla er lykilatriðið til að halda sig við efnið og komast á rétta leið að bættri heilsu og betri matarvenjum. Ég hef losnað við 8 kíló í þessu ferli og svona 50 kíló af sálinni. Hjartans bestu þakkir.”
– Emil Tsakalis

„Ég mæli óhikað með þessu frábæra námskeiði. Ég hef öðlast mun meiri orku, það er komin meiri ró og jafnvægi á taugakerfið og almenna líðan. Krónískar bólgur og heilabólgur hafa hjaðnað mikið á þessum vikum og ég hef farið niður um buxnastærð. Hef farið úr síþreytuástandi yfir í að geta meira en áður og bætt lífsgæðin. Hef fengið hugmyndir um einfalda tilreiðslu máltíða sem ég þoli og líður vel af. Guðrún hefur umfangsmikla þekkingu og ástríðu fyrir því að styðja fólk í átt til betri meltingarheilsu og ég er þakklát fyrir hennar stuðning og aðhald.“
– M.S.E.

Ein af mínum bestu ákvörðunum á þessu ári var að gefa mér þá gjöf að taka þátt í HREINT námskeiðinu hjá Guðrúnu Bergmann. Komið var að heilunarferli fyrir meltinguna, því ég var orðin háð því að borða og drekka sykur alla daga. Þetta var því stór ákvörðun en nú var annað hvort að duga eða drepast. Hægt var að velja um tvær leiðir Fodmap eða Carnivore sem mér fannst mjög gott og ég valdi Carnivore. Breytingin gekk mjög vel frá fyrsta degi og sykurþörfin hvarf á nokkrum dögum. Fljótlega fann ég að allar bólgur í líkamanum voru að hverfa, krónískum bólgum fann ég ekki lengur fyrir og léttist á nokkrum vikum um 9 kíló. Takk fyrir mig.
– B.B.

Þessi umsögn er í bundnu máli:
Að innan vel er orðin hrein,
að utan skín og ljóma,
öll eru horfin iðramein.
Allt er hér með sóma.
– Ólína Kjerúlf Þorvarðardóttir

“Ég fór á vigtina í morgun og það eru 3 kg farin á þessum fyrstu 10 dögum! Ég finn mikinn mun á mér. Það er svo langt síðan að ég hef fundið svona jafnvægi allan daginn að ég svíf bara í lausu lofti. Ég stjórnast ekki lengur af sykurpúkanum og hormónum allan daginn. Ég sakna hvorki kóks né súkkulaðis. Ég bara tárast smá af gleði yfir þessu. Ég vil halda svona áfram! Ég sé loks núna von um að geta léttst og umfram allt liðið betur. Takk fyrir þetta námskeið elsku Guðrún!”
– Valdís Svanhildur

“Langar að byrja á því að þakka þér fyrir mjög gott námskeið, fræðslu og daglega hvatningarpósta. Og ekki má gleyma spurt og svarað fundunum. Get ekki mælt nógu mikið með þessu hjá þér. Það hefur opnast fyrir mér alveg nýr heimur og ég hefði ekki getað trúað árangrinum. Eins og þú hef ég prófað margt en ekkert hefur virkað jafn vel og þetta. Ég upplifði aldrei meiri þreytu, höfuðverk eða verki í upphafi heldur hafa jákvæð áhrif bara aukist dag frá degi. Orkan sjaldan verið meiri. Vakna fersk á morgnana sem ég hef ekki gert í mörg ár og einhvern veginn meira til staðar. Losunin úr nef og ennisholum hefur verið rosaleg en fer minnkandi núna. Það eru 3 kíló farin og mikill bjúgur. T.d er ég með úr á hendinni sem er með nýrri leðuról og ég er búin að þrengja hana um tvö göt.” 
– Sandra Dögg