
FYRSTA NÝJA TUNGL ÁRSINS 2025
Þetta er fyrsta nýja Tungl ársins, því árið byrjaði með fullu Tungli þann 13. janúar. Sól og Tungl eru alltaf í samstöðu á nýju Tungli, í þetta sinn á níu gráðum í Vatnsbera. Í samstöðu við þau eru svo Merkúr á tveimur gráðum og Plútó á tæplega tveimur gráðum eða einni gráðu og fimmtíu og sex mínútum. Þetta nýja Tungl markar líka upphafið að nýju ári hjá kínverjum, því ár Snáksins hefst þann 29. janúar.