VILTU SLÉTTARI OG STINNARI HÚÐ?

Með auknum lífsgæðum lifum við lengur og höfum flest meiri hreyfigetu þegar líður fram yfir 50+ en foreldrar okkar og afar og ömmur höfðu. Því er ekki óeðlilegt að við viljum líka halda í unglegra útlit sem lengst.

Ýmsar aðferðir eru notaðar til þess, en ein af þeim náttúrulegu er að finna í bætiefnablöndunni AstaSKIN frá KeyNatura.

SERAMÍÐ INNIHALD MINNKAR MEÐ ALDRINUM

Með aldrinum verða ýmsar breytingar á útliti, samsetningu og formgerð húðarinnar. Ein af þeim breytingum er hægfara skortur á seramíði í húðinni. Sá skortur er einn af þeim þáttum sem veldur öldrun hennar. Minna magn af seramíði leiðir til þess að húðin missir getu sína til að halda raka og verður um leið viðkvæmari fyrir ytra áreiti.

Myndin sýnir hvernig nægilegt magn seramíðs styrkir varnir húðarinnar og hvernig skortur á því leiðir til þess að ytra áreiti eins og útfjólubláir geislar og óhreinindi komast inn í húðina.

AstaSKIN ER MEÐ SERAMÍÐI

AstaSKIN er sérsniðin formúla fyrir húðina, sem nýlega kom á markað. Í henni er að finna astaxanthin, seramíð og kollagen, auk vítamína og steinefna sem stuðla að heilbrigði húðarinnar.

AstaSKIN er einstaklega gott fyrir þurra húð, eins og mín er og eins og húð okkar margra verður yfir vetrartímann. Ég er búin að nota þetta bætiefni í tæpan mánuð og finn þegar mun á húðinni. Það er eins og hún sé öll fyllri.

Astaxanthinið í AstaSKIN verndar húðina fyrir útfjólubláum geislum og dregur þar af leiðandi úr hrukkumyndun. Seramíðið Myoceram™ er unnið úr hrísgrjónahýði og myndar fituefni sem hindrar rakatap í efstu lögum húðarinnar. Kollagenið er unnið úr fiski, en það viðheldur bandvefsmyndun í húð.

Rannsóknir hafa sýnt að inntaka seramíða hefur einstaka yfirburði til endurnýjun seramíðsmagns í húðinni. Sú endurnýjun er ekki möguleg í gegnum krem sem borin eru á húðina.

ÖNNUR EFNI SEM STYRKJA HÚÐINA

Auk fyrrgreindra efna inniheldur AstaSKIN blandan A-vítamín, ríbóflavín, níasín, bíótín og sink, sem saman viðhalda eðlilegri húð; kopar sem stuðlar að eðlilegri litamyndun húðar, C-vítamín sem stuðlar að eðlilegri kollagenmyndun í húð og D-vítamín sem gegnir mikilvægu hlutverki í frumuskiptingu í líkamanum.

Dagskammtur af þessu húðstyrkjandi fæðubótarefni er 2 hylki og í pakkningunni eru 30 dagskammtar. Frábær leið til að styrkja húðina, sama á hvaða aldri við erum.

Neytendaupplýsingar: Þú finnur AstaSKIN í hillum allra helstu apóteka, Hagkaup, Nettó, Fræinu í Fjarðarkaupum, Mamma veit best og Heilsuhúsinu.

Mynd: CanStockPhoto/evgenyatamanenko

 

Um höfund

Guðrún Bergmann
Guðrún Bergmann
Guðrún Bergmann hefur í tæp 29 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 165 Posts
  • 0 Comments
Guðrún Bergmann hefur í tæp 29 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar