ÞVINGUNUM BEITT VIÐ BÓLUEFNASAMNINGA

mars 10, 2021 - 5:05 f.h.

ÞVINGUNUM BEITT VIÐ BÓLUEFNASAMNINGA

Í mjög athyglisverðri grein á síðu The Bureau of Investigative Journalism [i] sem birt var þann 23. febrúar síðastliðinn kemur fram að lyfjarisinn Pfizer sé sakaður um að beita stjórnvöld í Suður-Ameríku þvingunum við samningsgerð vegna bóluefnasölu/-kaupa.

Fyrirtækið gerði kröfur til þess í samningum við Argentínu og Brasilíu að þjóðirnar settu eignir ríkisins, eins og sendiráðsbyggingar og herstöðvar sem tryggingu gegn hugsanlegum kostnaði vegna lögsókna í framtíðinni. Argentína og Brasilía hættu við að gera samning við Pfizer. Kannski er það þess vegna sem „brasilíska afbrigðið“ hefur skotið upp kollinum í Bretlandi, á meðan enginn kannast við það í Brasilíu, en þar hefur „enska afbrigðið“ hins vegar skotið upp kollinum.

SARS-CoV-2 VÍRUSINN

Öll þessi afbrigði eru afar sérkennileg, þar sem SARS-CoV-2 vírusinn [ii] hefur aldrei verið einangraður [iii]. Auk upplýsinga hjá WHO og CDC í Bandaríkjunum, kemur það greinilega fram í svari við fyrirspurn sem send var til Landlæknisembættisins, en undir hana skrifaði Kjartan Hreinn aðstoðarmaður landlæknis, og í svari hans segir orðrétt:

„Við höfum engin frumgögn varðandi SARS-CoV-2, t.d. þau gögn er varða einangrun veirunnar og þá lífeðlisfræðilegu og sameindalíffræðilegu ástæður sem tengja veiruna við veirusjúkdóminn COVID-19.“

Þær hugmyndir að einhver geti veikst af Covid-19 án einkenna og dreift vírusnum til annarra, sem líka eru einkennalausir, eru ekki byggður á neinum sönnunum og eru einungis studdar mjög veigalitlum rannsóknum. Það kemur fram í málsgögnum þýska lögmannsins [iv] Dr. Reiner Fullmich í máli sem hann höfðar á hendur Dr. Christian Drosden prófessors, en hann bjó til PCR prófin fyrir Covid-19. Mál Fullmich gegn honum var dómtekið í Þýskalandi í lok síðasta árs.

WHO eða Alþjóðaheilbrigðismálastofnunin hefur gefið út þá yfirlýsingu að andlát [v] af völdum Covid-19 séu ekki fleiri en vænta mætti í tenglsum við hina árlegu flensu. [vi]

Sú yfirlýsing er í samræmi við dánartölur [vii] hér á landi, því árið 2017 dóu 2.238 – árið 2018 dóu 2.254 – árið 2019 dóu 2.275 og árið 2020 dóu 2.300. Ef um alvarlega farsótt hefði verið að ræða hefðu dánartölur fyrir árið 2020 átt að vera mun hærri.

Um PCR prófin hef ég skrifað í annarri grein svo ég vísa bara til hennar. [viii]

TRYGGINGAR OG SKAÐABÓTASKYLDA

The Bureau of Investigative Journalism hefur það eftir embættismönnum frá Argentínu og öðru ónefndu ríki í Suður-Ameríku að kröfur Pfizer við samningagerðina hafi verið meiri en frá öðrum bóluefnaframleiðendum.

Pfizer vildi að ríkisstjórnirnar leggðu fram auka tryggingar og að þau tækju að sér að greiða skaðabætur vegna einkamála, sem þýðir í raun að fyrirtækið bæri ekki ábyrgð eða væri skaðabótaskylt þótt bóluefnin myndu leiða til óvenjulegra aukaverkana, né heldur vegna eigin vanrækslu fyrirtækisins, svika eða refisverðs ásetnings sem ylli öðrum skaða. Það ábyrgðarleysi átti einnig að tryggja að ekki væri hægt að lögsækja Pfizer þótt fyrirtækið afhenti röng bóluefni eða ef mistök yrðu í framleiðsluferlinu. Sérkennilegt í ljósi þess að fyrirtækið talar um að vara þess sé 100% örugg.

ENGIN fyrirtæki í heiminum sleppa við að bera ábyrgð á framleiðsluvöru sinni önnur en bóluefnaframleiðendur. Því ábyrgðaleysi kom Dr. Anthony Fauci á í Bandaríkjunum árið 1986.[ix] Síðan þá hefur sérstakur sjóður á vegum bandarísku ríkisstjórnarinnar greitt út 4,1 milljarð dollara í bætur vegna skaða sem bóluefni hafa valdið – og það er bara til þeirra sem hafa haft efni á málssókn – og hafa verið dæmdar bætur.

Þetta ábyrgðarleysi er einstakt í ljósi þess að framleiðsluvöru bóluefnaframleiðenda er dælt inn í líkama fólks. Þegar efnið er einu sinni komið inn er aldrei hægt að ná því út aftur.

SAMNINGAR ÍSLANDS

Í svari við fyrirspurn sem gerð var til Heilbrigðisráðuneytisins í síðustu viku, þar sem spurt var hvenær samningarnir við bóluefnaframleiðendur yrðu gerðir opinberir kom eftirfarandi fram, en svarið var undirritað af Áslaugu Einarsdóttur lögfræðingi Heilbrigðisráðuneytisins:

„Þeir samningar sem hér um ræðir falla undir takmarkanir á upplýsingarétti vegna einkahagsmuna, sbr. 9. gr. upplýsingalaga nr. 140/2012, þar sem þeir innihalda upplýsingar um mikilvæga og virka fjárhagslega- og viðskiptahagsmuni samningsaðila ráðuneytisins. Fyrir liggur sú viljaafstaða lyfjaframleiðanda að efni samningana fari leynt. Þá falla samningarnir jafnframt undir takmarkanir á upplýsingarétti vegna einkahagsmuna, sbr. 2. tölul 10. gr. laganna.“

Það væri áhugavert að fá nánari skýringar á því hvað felst í hugtakinu „almannahagsmunir“ í þessu tilviki. Ljóst er að Heilbrigðisráðuneytið samþykkti að taka á sig allar skaðabætur vegna aukaverkana af bóluefnunum, sem geta verið einhver skaði, örorka eða andlát, því í lok nóvember [x] var lagt fram frumvarp á Alþingi sem snýr að bótum vegna tjóns af völdum bóluefnanna. Þingskjalið er númer 463.[xi]

Svo væri auðvitað fróðlegt að fá að vita hvort og þá hvað var sett að veði í samningnum, til að tryggja að Pfizer – og hugsanlega aðrir bóluefnaframleiðendur – þyrftu hvorki að greiða málskostnað né skaðabætur úr eigin vasa.

BÓLUEFNI FYRIR MILLJARÐA

Þegar er búið að kaupa bóluefni fyrir tvo milljarða [xii] jafnvel fleiri skammta en landsmenn eru. Var áhugi landsmanna á bólusetningu kannaður áður en bóluefnin voru keypt? Voru landsmenn spurðir að því hvort þeir vildu taka þátt í tilraunaverkefni – án upplýst samþykkis?

Allir þeir sem eru að láta bólusetja sig núna eru að taka þátt í „tilraunaverkefni“, hvort sem samið var um slíkt við Pfizer eða ekki. Öll bóluefnin eru á undanþáguleyfi og tilraunir með þau standa yfir fram í janúar 2023.

Fólk er almennt illa upplýst um innihaldsefni bóluefnanna, fær ekki fræðslu um rétt sinn til að neita bólusetningu, er beittir þvingunum eins og hótunum um atvinnumissi eða lagt í einelti ef það vill ekki þiggja bólusetningu.

Þessi skortur á upplýsingum og þvinganir eru algerlega ólöglegar bæði samkvæmt Nuremberg (Nurnberg) siða-reglunum [xiii] og Helsinki-yfirlýsingu alþjóðafélags lækna.[xiv]

EF þér fannst þessi grein áhugaverð, deildu henni þá með öðrum. Ég ráðlegg þér að deila henni í gegnum Messenger. Annars er hætta á að póstinum verði eytt.

Myndir: CanStockPhoto / focalpoint / gajdamak

Heimildir:

[i] https://www.thebureauinvestigates.com/stories/2021-02-23/held-to-ransom-pfizer-demands-governments-gamble-with-state-assets-to-secure-vaccine-deal

[ii] https://www.fda.gov/media/134922/download – bls. 42 undir Performance Characteristics

[iii] https://andrewkaufmanmd.com/sovi/?_ke=eyJrbF9jb21wYW55X2lkIjogIlVwWHlZZCIsICJrbF9lbWFpbCI6ICJiaXJnaXIyMzU2QGdtYWlsLmNvbSJ9&fbclid=IwAR272WnAhbzIcO9LE8te1czEhobVkwbYgWuqqLxpSkwf7xIOcLOQle-NZB8

[iv] https://www.sciencemag.org/news/2020/02/paper-non-symptomatic-patient-transmitting-coronavirus-wrong

[v] https://www.who.int/bulletin/online_first/BLT.20.265892.pdf

[vi] https://off-guardian.org/2020/10/08/who-accidentally-confirms-covid-is-no-more-dangerous-than-flu/?__cf_chl_jschl_tk__=9f4e045500ae4e4062d41f84f1bf49d4f7b4929d-1602442086-0-Aeu4umOETH4stqemIIA-Qk9uKfr8ZGG5JqPW6PjLNpjCvsHlCzjwiUuc3-gKjoBVnygh0e0qvTJPRu6QCsDyv5o_aYhCjJ-eYOhi4wa51lq2ECayebYGh-3gdGyanaPGtDkM9_IYjQbCWXB3RB4IgcECF2LjnFFQJkgPyAm0M0CfV0VXzw-QEmsE6CpiqekbDZF11WXbq2qgvedXCJtFABx7kGDMBIb1rjNLc4ZpDdyzvk7S-BkOQ7kt7CkjkSUEf_8vntWG-fmFAqmT2d5MEmEhwQ_h1_bmFb6WbCiiZEG3UrKWTAUF_CxLa-VEh7BP26zOmUHN7cI0IHQvdm9wAg8Z6lBCtYUPJ3Uk9GTsS2exftG-zLmifHafMvCRqnK5jw

[vii] https://hagstofa.is/utgafur/tilraunatolfraedi/danir-tt/

[viii] https://gudrunbergmann.is/faerri-smit/

[ix] https://www.bitchute.com/video/0o6PhUN7lo98/?fbclid=IwAR2Mrf5JLzrMtr_gmfa8Rp2U783AFAtD2cSl5iO3RLoTi9nPWBxjqC7akbc

[x] https://www.mbl.is/frettir/innlent/2020/12/01/tjon_af_voldum_boluefnis_botaskylt/