STREITA SKAÐAR HEILSUNA

STREITA SKAÐAR HEILSUNA

Hefurðu spáð í það hversu mikil áhrif streita hefur á heilsuna þína? Eða hversu oft þú segir: „Ég er svo stressuð/stressaður“? Það er eðlilegt að finna fyrir streitu, en óeðlilegt að ná ekki að slaka á inn á milli og losa sig við streituna.

Verst er þó að vita að viðvarandi streita hefur bælandi áhrif á ónæmiskerfi okkar. Undir miklu streituálagi eigum við því erfitt með að ná bata á ný ef við erum að takast á við einhverja sjúkdóma. Jafnframt erum við viðkvæmari fyrir hvers konar sýkingum.

STREITA SKAPAST Á MISMUNANDI HÁTT

Margir fara að tala um stress þegar þeir eru í skóla. Þá eru þeir stressaðir yfir að ljúka verkefnum ekki á réttum tíma eða stressaðir fyrir próf. Sú streita líður yfirleitt fljótt hjá og við tekur hamingja ef allt gengur vel.

Með aldrinum eykst yfirleitt áreiti á fólk og samhliða því aukast streituviðbrögðin. Fjármálavandamál geta verið mjög stressandi, samskipti við maka ef þau eru erfið, eða samskipti á vinnustað.

Spenna og streita geta myndast þegar tími er naumur til að ljúka einhverjum verkefnum eða þegar verið er að þjóta á milli staða og umferðin hægir á ferðatímanum. Allt leiðir þetta til streituviðbragðs í líkamanum.

KRÓNÍSK STREITA

Krónísk streita telst ekki bara vera afleiðing daglegrar streitu. Hún getur tengst fyrstu kynnum þínum af streitu, áföllum í æsku og neikvæðum innrætingum sem oft leiða til viðvarandi neikvæðra tilfinninga.

Neikvæðar tilfinningar geta með tímanum fest sig í sessi og leitt til neikvæðrar sjálfsmyndar og sjálfsmats. Neikvætt sjálfsmat getur leitt til eitraðra sambanda sem valda viðvarandi streitu og félagslegri einangrun. Allt hefur þetta neikvæð áhrif á heilsuna.

VAGUS TAUGIN OG STREITA

Vagus taugin stjórnar sjálfráða og ósjálfráða taugakerfi okkar. Ef þú ert undir stöðugu streituálagi er þetta sjálfvirka taugakerfi úr jafnvægi. Við það dregur úr styrk Vagus taugarinnar og hún nær ekki að stjórna bólguviðbrögðum líkamans.

Þegar sjálfráða taugakerfið (sympatíska), þetta sem er tilbúið til að „berjast eða flýja“ er í stöðugri virkni, hreinsast streituhormónin aldrei alveg úr líkamskerfinu. Stöðugt kortisólmagn leiðir því með tímanum til þess að vefir í líkamanum skaddast og viðvarandi bólga eigi sér stað í kerfinu.

Næsta mánudag byrja ég með netnámskeiðið ÖRVAÐU VAGUS TAUGINA OG STYRKTU HEILSUNA. Námsefnið miðar að því að hjálpa þátttakendum að ná betri tökum á streitunni og styrkja og efla viðbrögð VAGUS taugarinnar – sem stýrir steituviðbrögðunum í líkama okkar.

SMELLTU HÉR ef þú vilt kynna þér málið nánar.

Mynd: CanStockPhoto

image_print

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 586 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Deila áfram