PANTAÐIR ÞÚ ÞESSA FRAMTÍÐ?

PANTAÐIR ÞÚ ÞESSA FRAMTÍÐ?

Ég bara spyr sí svona, því ég er ekki viss um að margir hafi rekist á fulla lýsingu á henni. Ég sé þó í skýrslunni Ísland og fjórða iðnbyltingin[i], sem forsætisráðuneytið og Stjórnarráð Íslands létu gera og gefin var út í febrúar árið 2019, að stefna núverandi stjórnvalda er að leiða Ísland inn í framtíð að þeirri fyrirmynd sem Klaus Schwab hefur mótað.

Klaus Schwab[ii] kallar fjórðu iðnbyltinguna líka Endurræsinguna miklu. Hann hefur undanfarna áratugi staðið fyrir Davos ráðstefnunni svokölluðu, en þangað mæta einungis boðsgestir, flestir á einkaþotum, nema kannski Greta Tunberg, sem mætir gangandi.

Á síðari árum hafa árlega mætt rúmlega tvö þúsund manns á ráðstefnuna. Meðal þeirra hafa verið þjóðhöfðingjar landa (Ólafur Ragnar fyrrverandi forseti var tíður gestur þar), forstjórar stórra fjölþjóðafyrirtækja og lyfjafyrirtækja, fulltrúar frá Alþjóðagjaldeyrissjóðnum, WHO Alþjóðaheilbrigðis-málastofnuninni, fulltrúar frá Federal Reserve bankanum (í einkaeigu Rockerfeller og Rothscild ættanna) í Bandaríkjunun, fulltrúar stórfyrirtækja í tæknigeiranum og fleiri til að ákvarða fyrir hina rúmlega 7,8 milljarða íbúa Jarðar hvernig framtíð þeirra eigi að verða og hvaða stefnu líf þeirra eigi að taka.

VILT ÞÚ LÁTA UPPFÆRA ÞIG Í „MANNVERA 2.0“?

Eitt af því sem Klaus Schwab yfirlýsir aftur og aftur og virðist hafa mikinn stuðning við, er að fólk framtíðarinnar verði það sem hann kallar „transhuman“, og ég þýði sem umbreyttur maður:

            „Umbreyting mannsins er óaðskiljanlegur hluti af Endurræsingunni miklu.
            Fjórða iðnbyltingni mun leiða til samruna hins líkamlega, stafræna og
            líffræðilega í einstaklingnum. Ígræðanlegar örflögur munu lesa hugsanir
            ykkar.“
[iii]

Margir erlendir læknar (vísa í einn[iv]) vöruðu við því allt síðasta ár að ef við myndum ekki spyrna við fæti, stæðum við frammi fyrir endalokum mannkyns eins og það hefur verið hingað til.

Umbreyting mannsins er þegar hafin. Hún hófst um mestallan heim með óvæginni bólusetningarherferð í lok síðasta árs. „Bóluefnið“ sem um ræðir er í raun genabreytandi efni, svo þeir sem það hafa fengið eru þegar komnir í umbreytingarferlið. Það á svo væntanlega eftir að halda áfram með næstu sprautum.

Getur ekki verið, kannt þú að segja! Það getur því miður vel verið.

HUGBÚNAÐUR FYRIR LÍFIÐ

Þeir hjá Moderna tilkynna með stolti á vefsíðu sinni að þeirra „bóluefni“ innihaldi „hugbúnað fyrir lífið“.[v] Þeirra mRNA hugbúnaður virkar líkt og stýrikerfi í tölvu og er hannaður til að tengjast og spila (framkvæma) mismunandi forrit. Forritið eða appið í mRNA-inu þeirra er mRNA lyfið – hin einstaka mRNA röð með sniðtákni (kóða) fyrir prótín.

 

Þótt Pfizer hafi ekki montað sig á sama máta og Moderna, eru allar líkur á að þeir séu með hugbúnað líka í sínu genabreytandi efni.

Ég leitaði til tæknimanns í tölvugeiranum og spurði hvort hugbúnaður þyrfti ekki á tölvu að halda til að virka. Hann giskaði á að mRNA forritunin væri ekki ósvipuð gömlu gataspjöldunum sem voru notuð í árdaga tölvutækninnar. Hugbúnaðurinn væri forritaður til að keyra einhverja ákveðna aðgerð, þegar sá sem stjórnaði honum ýtti á „enter“ takkann á lyklaborðinu. Nú er hægt að gera það í gegnum „skýið“.

ÞÚ MUNT EKKI EIGA NEITT

Hugmyndafræði Endurræsingarinnar miklu er að losa sig við millistéttina, þá einstaklinga sem hafa verið að reka lítil og millistór fyrirtæki og gera eigendur þeirra háða fjárframlagi frá stjórnvöldum til að lifa af. Glóbalistarnir vilja fá alger yfirráð yfir heiminum og stjórna honum með stórfyrirtækjum heims.

Þetta hefur tekist mjög vel með „Covid-óttaherferðinni“. Lítil fjölskyldu- og einyrkjafyrirtæki eru farin eða að fara í þrot hvert á fætur öðru. Þótt til hafi komið brúarlán og ýmsir styrkir til ferðaþjónustunnar sagði seðlabankastjóri nýlega[vi] að líklegt væri að mörg þeirra færu í þrot á næstunni.

Í Endurræsingunni miklu á að fara fram mikil eignaupptaka, því árið 2030 kemur enginn til með að eiga neitt í orðsins fyllstu merkingu. Hvorki hús, bíl, fatnað, húsgögn né nokkuð af því sem viðkomandi fær skammtað – ef hann hagar sér í samræmi við reglur alræðisins (hafið Kína í huga til samanburðar).

Þér verða naumlega skammtaðir peningar eftir sérstöku inneignarkerfi sem þegar er komið á í Kína[vii]. Þú færð að njóta ferðalaga og ákveðinn fríðinda ef þú hagar þér vel, en tapar þeim ef þú hagar þér illa. Fylgst verður með öllum ferðum þínum – nú þegar þú ert tengd/-ur við skýið – í gegnum gervihnetti, svo hægt sé að grípa þig „áður en þú fremur glæpi“, ef svo má að orði komast – og einhver nágranni verður ráðinn til að njósna um þig og aðra nágranna.

Allir eiga að búa í þéttum borgarkjörnum – líka þið sem búið núna úti á landsbyggðinni. Sjáið hvernig Reykjavík er að þétta byggð með engri aðkomu bíla. Alræðisríkið ætlar líka að eiga ALLAR náttúruauðlindir, skammta þegnunum vatn, rafmagn, hita, aðgang að samfélagsmiðlum og öðru. Samkvæmt Endur-ræsingunni miklu eigum við að vera hlýðnir þrælar – sem árið 2030 er kannski búið að uppfæra upp í 5.0. Hver veit?

PANTAÐIR ÞÚ ÞETTA EKKI?

Virkilega? Ég hélt að 90% þjóðarinnar hefði gert það, svo mikill er áhugi hennar á að hlaupa í raðir og láta stinga sig í handlegginn til að umbreytast í mannveru 2.0 og heimta um leið að alls konar höft verði sett á landið og íbúa þess, án þess að gera sér grein fyrir að þau verða aldrei tekin af.

Ég get hins vegar alveg sagt þér að ef þú pantaðir ekki þessa framtíð, þá er ekki seinna vænna að spyrna við fótum ef þú vilt snúa ferlinu við. Annars verða allir hér á landi, allt niður í 16 ára aldur, orðnir að umbreyttum mannverum 2.0 – ferli sem ALDREI er hægt að snúa við – fyrir 30. júní ef áætlanir stjórnvalda ganga eftir.

Það er helst að stjórnmálamennirnir, ásamt landlækni (og tengdamömmu hennar), sóttvarnalækni og borgarstjóra sleppi, því þau ætla náttúrulega ekki að þiggja þessa tilraunameðferð.

RÁÐAMENN BJARGA ÞÉR EKKI

Og ekki halda að þú getir leitað eftir aðstoð hjá ráðamönnum. Þeir standa á bak við þetta tilræði við íslensku þjóðina, allir sem einn og mata okkur á áróðri og endalausum lygum.

Það er kannski ágætt fyrir þá að muna að þegar kemur að Nuremberg réttarhöldum númer 2 – þau fyrri voru eftir síðari heimstyrjöldina[viii] – þá gildir ekki að segja: „Ég var bara að fylgja fyrirmælum.“ Það firrir engan ábyrgð.

Mynd: CanStockPhoto/ alphaspirit og af vef Moderna og Nuremberg réttarhaldanna.

Heimildir:

[i] https://www.stjornarradid.is/library/04-Raduneytin/ForsAetisraduneytid/Framtidarnefnd/Fjorda-idnbyltingin-skyrsla.pdf

[ii] http://ogmundur.is/frjalsir-pennar/2020/12/thorarinn-hjartarson-skrifar-world-economic-forum-og-endurstillingin-mikla

[iii] https://youtu.be/CVIy3rjuKGY

[iv] https://www.drbuttar.com/

[v] https://www.modernatx.com/mrna-technology/mrna-platform-enabling-drug-discovery-development

[vi] https://www.mbl.is/vidskipti/frettir/2021/04/14/ekki_oll_kurl_komin_til_grafar_enn_tha/

[vii] https://youtu.be/Dkw15LkZ_Kw

[viii] https://www.history.com/topics/world-war-ii/nuremberg-trials