HREINT MATARÆÐI í Reykjavík 25.04.18

Leiðbeinandi: Guðrún Bergmann

Nú hafa hátt í ELLEFU HUNDRUÐ manns sótt þessi námskeið á rétt um þremur árum. HREINT MATARÆÐI námskeiðið stendur í 24 daga, sem skiptast í 3 undirbúningsdaga og 21 dags hreinsikúr þar sem mataræði, bætiefni og jákvætt viðhorf sjá um að hreinsa og endurnýja líkamann. Í lokin eru flestir undrandi, bæði á lækningamætti líkamans og því hversu hratt ýmis slæm heilsufarseinkenni hverfa. Námskeiðið er FRÁBÆR grunnur að breyttum lífsstíl og betri heilsu.

Sjálf kynntist ég HREINU MATARÆÐI í ágúst 2014. Hreinsikúrinn í bókinni sem ég hef stuðst við á námskeiðum mínum, leiddi til mestu heilsufarsbreytinga hjá mér á síðari árum. Ég hef haldið mig við HREINA lífsstílinn síðan þá og er í dag við betri heilsu og með meiri orku en þegar ég var í kringum fertugt.

ATH! Mörg stéttarfélög taka þátt í kostnaði þar sem námskeiðið fellur undir lífsleikni.

HVAR:  Fundirnir eru haldnir í fundarsal að Lynghálsi 13.
FUNDIR: Fyrsti fundur er 25. apríl kl 17:30-19:00
Annar fundur er 2. maí kl. 17:30-19:00

Þriðji fundur er 9. maí kl. 17:30-19:00
Fjórði fundur er 16. maí kl. 17:30-19:00

DAGLEG SAMSKIPTI: Í gegnum lokaðan Facebook hóp, þar sem veittar eru leiðbeiningar, hvatningar og ráð og spurningum þátttakenda er svarað.
ATHUGIÐ! Nú er einnig hægt að bóka HREINT MATARÆÐI sem netnámskeið.
SJÁ HÉR

VERÐ: 39.700 kr.*
TILBOÐSVERÐ: 35.700 kr fyrir næstu sjö sem skrá sig

SMELLTU HÉR TIL AÐ SKRÁ ÞIG

INNIFALIÐ Í VERÐI:

  1. Öll námsgögn í prentuðum bæklingi. Þar er að finna mataruppskriftir og ýmsar heilsufarsleiðbeiningar.
  2. PDF skjal með öllum PP kynningum eftir hvern fund.
  3. Eintak af bókinni HREINT MATARÆÐI eftir hjartasérfræðinginn Alejandro Junger.
  4. Alltaf einhverjir aukabónusar 🙂 og aukaefni – því HREINT líf er svo skemmtilegt 🙂

Athugið að allt námsefni sem kennt er á fundunum er reglulega uppfært svo það taki mið af nýjustu upplýsingum hverju sinni.

SMELLTU HÉR TIL AÐ SKRÁ ÞIG

ÞÚ MÁTT BÚAST VIÐ ÞESSUM BREYTINGUM:
Hreinsikúrinn leiðir yfirleitt til þess að meltingin batnar til muna, að bólgur í líkama minnka, að hægðir verði betri og reglulegri, að þurrkur í húð lagast og að bólur í andliti og liðagigtareinkenni minnka eða hverfa alveg. Reynslan sýnir líka að bakflæði og mígreni hverfa, kólesteról og blóðþrýstingur lækka. Að auki eykst gleði og ánægja og andleg líðan verður almennt betri.

Besti bónusinn er svo að kynorkan eykst til muna og flestir léttast allt frá 2-8 kg og upp í 11-13 kg. Kíktu endilega á umsagnir fyrri þátttakenda.

FRÆÐSLA!
Sameiginlegu fundirnir eru að mati þátttakenda mjög mikilvægir svo og samskiptin á Facebook og gera það að verkum að þeir halda betur út ferlið, læra af öðrum og finna fyrir styrk frá hópnum, en á þeim fer líka fram mikil fræðsla um mikilvægi þess að meltingavegurinn sé í flottu lagi, svo við njótum sem bestra lífsgæða sem lengst.

SMELLTU HÉR TIL AÐ SKRÁ ÞIG!

HREINT MATARÆÐI
Hreinsunarferlið er einstaklega áhrifaríkt vegna þess að þar er fæðan í bland við góð næringarefni og vítamín notuð til að losa líkamann við uppsöfnuð óhreinindi og gefa honum tækifæri á að endurnýja frumur sínar og gera við þær. Enginn þarf að vera svangur á meðan á hreinsun stendur. Námskeiðið er byggt upp meira sem hreinsun en megrun, en margir léttast auðvitað þegar mataræðinu er breytt.

*Athugið! Námskeiðið fæst ekki endurgreitt, en hægt er að flytja skráningu á næsta námskeið.

ATHUGIÐ! Þátttaka í HREINT MATARÆÐI námskeiðunum er á ábyrgð hvers og eins og á ekki að fela í sér neina hættu fyrir viðkomandi. Fólk í ákveðnu ástandi ætti þó ekki að hreinsa sig eða afeitra, svo ef eitthvað af eftirfarandi á við um þig hentar hreinsikúrinn þér ekki:

  • Þú ert með barni eða með barn á brjósti.
  • Þú ert með sykursýki tegund I (insúlínháða).
  • Þú ert með krabbamein á háu stigi og léttist hratt.
  • Þú tekur lyf sem þarfnast stöðugleika í blóðbúskap, þar á meðal lyf sem hindra myndun blóðtappa (svo sem coumadin), lyf við hjartsláttartruflunum (svo sem tikosyn), eða krampalyf (svo sem tegretol). Lyfjaforði í blóði getur ruglast eftir því sem upptökuhraði breytist og skammturinn þinn verið of stór eða lítill eftir atvikum. Ráðfærðu þig við lækni og haltu ekki áfram afeitrun án eftirlits sérfræðings.
  • Þú býrð sem stendur við einhvern annan sjúkdóm sem krefst nákvæms eftirlits og sem hætta getur skapast af ef breytingar verða á efnafræði líkamans.
  • Þú ert með lágan blóðþrýsting og fjölda annarra einkenna sem rekja má til mikillar streitu og álags á nýrnahettur.

Hafðu samband við Guðrúnu með því að senda póst á gb@gudrunbergmann.is ef þú ert með einhverjar spurningar.

Reynslusögur

NÁMSKEIÐIÐ HJÁ
GUÐRÚNU GJÖRBREYTTI
LÍFI MÍNU!

„Það má með sanni segja að námskeiðið hjá Guðrúnu Bergmann hafi gjörbreytt mínu lífi. Fyrir rúmum 4 árum lenti ég í því að fá skæðan sjálfsofnæmissjúkdóm í kjölfar sýkingar í kviðarholi sem leiddi til þess að allar festingar og liðir í líkamanum bólgnuðu með tilheyrandi verkjum og vanlíðan. Þegar að ég ákvað að fara á námskeiðið var ég búin að taka stera í 9 mánuði og var komin á gigtarlyf líka til að halda niðri bólgunum. Þrátt fyrir það var ég eins og stirt gamalmenni á morgnana og var hætt að geta hreyft mig að einhverju viti, en ég hef alltaf verið í íþróttum allt mitt líf.

Það er skemmst frá því að segja að eftir einungis 10 daga hreinsun á námskeiðinu fann ég lygilegan mun á allri líðan og í lokin eða eftir 21 dag var ég orðin verkjalaus með öllu og gat í kjölfarið hætt á lyfjunum og hef ekki þurft að taka þau síðan, enda hélt ég áfram við matarrræðið svona 80-90%.

Ég hefði aldrei trúað því hvað breytt matarræði getur breytt miklu en á námskeiðinu var fólk með alls konar vandamál, s.s svefnvandamál, gigt, sveppasýkingar, þunglyndi, magakrampa, ennisholusýkingar og fleira og allir höfðu sömu sögu að segja – allir fundu stórkostlegan mun.

Þegar þetta er skrifað er á í annað skiptið á námskeiðinu enda lofaði ég mér því í lok námskeiðis í fyrra að svona hreinsun myndi ég að lágmarki taka einu sinni á ári. Ég gæti ekki mælt meira með þessu námskeiði og Guðrúnu Bergman sem leiðbeinanda, en ég hef aldrei komið að tómum kofanum hjá henni ef mig hefur vantað aðstoð með eitthvað.

Guðrún er líka besta dæmið sjálf um það hversu vel þetta matarrræði virkar enda bæði lítur hún út fyrir að vera tugum ára yngri heldur en hún er og hefur orku á við unglingsstelpu. Einnig hefur hún einlægan áhuga og eldmóð til að hjálpa fólki að ná betri heilsu og lífsgæðum.“
– Þuríður Hrund Hjartardóttir, framkvæmdastjóri hjá Icepharma

LÉTTIST UM 7,5 KG OG
BLÓÐÞRÝSTINGUR HRAPAÐI

„Takk kærlega fyrir mig Guðrún Bergmann. Þetta er búið að vera alveg frábært og eins og ég hef áður sagt, miklu auðveldara en ég hélt! Ég trúi því varla að þetta sé búið og ég hef alls ekki beðið eftir þessum “síðasta” degi enda er þetta alls ekki síðasti dagurinn hjá mér heldur sá 21. í nýjum lífsstíl. Mér líður svo vel að ég hlakka til að halda þessu áfram. Ég léttist um 7,5 kg á hreinsikúrnum og blóðþrýstingurinn sem var 163/99 þann 9. janúar var kominn í 138/74 þann 30. janúar án nokkurra lyfja – bara með HREINA mataræðinu. Læknirinn hafði gefið mér til 5. mars til að gyrða mig í brók og ef ekki, átti ég að fá lyf – en með þessar tölur held ég að ég sé sloppin. Whoop, whoop!“  – Bryndís Lúðvíksdóttir
Sjá einnig reynslusögu Bryndísar á bls. 35 í Fréttablaðinu 10. febrúar 2018.

ORKAN MUN MEIRI
OG ÉG LJÓMAÐI!

„Ég var á námskeiði hjá Guðrúnu í september og tók þá 3 vikna hreinsun og leið svo miklu miklu betur. Ég náði af mér 4,9 kg og var öll önnur. Ég fann svo mikinn mun á brjóstsviðanum, bólgum í líkamanum, ristilkramparnir hurfu alveg og orkan var svo miklu meiri. Ég ljómaði öll og það má með sanni segja að fólk hafi spurt „Hvað gerðir þú eiginlega???“ – Íris Magnúsdóttir, markaðsstjóri


  • One
  • Two