HREINT MATARÆÐI - Reykjavík 2. sept. 2019 - Guðrún Bergmann

Leiðbeinandi: Guðrún Bergmann

Sami hreinsikúrinn og  undanfarin fjögur og hálft ár, en nýtt og uppfært efni á fundunum, byggt  á nýjustu upplýsingum frá frumkvöðlum á sviði rannsókna á tengslum milli ástands þarma og heilsu líkamans almennt. Fræðsluefnið miðast við að hjálpa þér að skilja mikilvægi meltingarvegarins og fræða þig um bestu leiðir til að halda góðri heilsu og bæta lífsgæði þín eftir náttúrulegum leiðum.

Nú býðst 2-3 mánaða vaxtalaus greiðsludrefing með NETGÍRÓ!

Þetta er 57. námskeiðið sem ég býð upp á en rúmlega sextán hundruð einstaklingar hafa sótt námskeiðin. Kíktu á UMSAGNIR þeirra til að lesa árangurinn sem hreinsun og breytt mataræði hefur á heilsuna.

Hreinsikúrinn stendur í 24 daga – sem skiptast í 3 undirbúningsdaga og 21 dags hreinsikúr, þar sem breytt mataræði, bætiefni og jákvætt viðhorf hjálpa þér að hreinsa og endurnýja líkamann. Við hittumst á fundum á vikufresti í gegnum það ferli, auk þess sem ég veiti þátttakendum daglegan stuðning í gegnum lokaðan Facebook hóp. Ég hef svo bætt við einum netfundi, sem verður 4 dögum eftir að hreinsun lýkur.

Í lokin eru flestir undrandi, bæði á lækningamætti líkamans og því hversu hratt ýmis slæm heilsufarseinkenni hverfa. Námskeiðið er FRÁBÆR grunnur að breyttum lífsstíl og betri heilsu – eins og fram kemur í greininni LÉTTIST UM 10 KG Á 18 DÖGUM 

ATH! Mörg stéttarfélög taka þátt í kostnaði þar sem námskeiðið fellur undir lífsleikni.

FUNDARTÍMAR – FUNDARSTAÐUR:


Allir fundirnir eru haldnir í fundarsal að Lynghálsi 13, Reykjavík

Fyrsti fundur er 2. september kl. 20:00-21:30 – Ath að þessi fundartími er annar en hina dagana
Annar fundur er 9. september kl. 17:30-19:00

Þriðji fundur 16. september kl. 17:30-19:00
Fjórði fundur 23. september kl. 17:30-19:00
Aukafundur 30. september í gegnum Facebook hópinn

DAGLEG SAMSKIPTI: Í gegnum lokaðan Facebook hóp, þar sem veittar eru leiðbeiningar, hvatningar og ráð – og spurningum þátttakenda er svarað.

ATHUGIÐ! Þeir sem búa utan Reykjavíkur geta farið í gegnum HREINT MATARÆÐI hreinsikúrinn í NETnámi. SMELLTU HÉR til að kynna þér þann möguleika.

Verð: 49.700 kr.*

GREIÐSLUDREIFING Í BOÐI MEÐ NETGÍRÓ!

Með skráningu fylgja tveir kaupaukar:
1) HREINN LÍFSSTÍLL –
afhent á fyrsta fundi – minna en 60 eintök eftir
– fullt verð 5.700 kr.

2) E-bókin HREINT Í MATINN
(prentútgáfan er löngi uppseld)
– fullt verð: 2.990 kr.

HEFURÐU KOMIÐ ÁÐUR og vilt koma aftur? SMELLTU ÞÁ HÉR!

INNIFALIÐ Í VERÐI:

1 – Daglegir hvatningapóstar í lokuðum Facebook hópi.
2 – Prentuð Handbók með ýmsum upplýsingum fyrir hreinsunina.
3 – Handbókin í PDF formi, sem hægt er að hlaða niður í tölvu eða síma.
4 – PDF skjal með öllum PP glærum hvers fundar.
5 – Eintak af bókinni HREINT MATARÆÐI eftir hjartasérfræðinginn Alejandro Junger,
6 – Morgunhugleiðsla til daglegra nota sem stuðningur við hreinsunarferlið.
7 – Uppskriftir og ýmsar aðrar leiðbeiningar í Facebook hópnum.
8 – Heilsufarslisti til að meta ástand og líðan við upphaf og endi námskeiðs.

ÞÚ MÁTT BÚAST VIÐ ÞESSUM BREYTINGUM:

  • Hreinsikúrinn leiðir yfirleitt til þess að meltingin batnar til muna
  • Bólgur í líkama minnka
  • Hægðir verði betri og reglulegri
  • Þurrkur í húð lagast
  • Bólur í andliti minnka eða hverfa alveg
  • Gigtareinkenni minnka eða hverfa alveg
  • Reynslan sýnir líka að bakflæði og mígreni hverfa
  • Kólesteról og blóðþrýstingur lækka
  • Að auki eykst gleði og ánægja og andleg líðan verður almennt betri.

Aukabónusinn er svo að kynorkan eykst til muna og flestir léttast allt frá 2-8 kg og upp í 11-16 kg – en hæstu tölurnar heyra þó til undartekninga. Kíktu endilega á umsagnir fyrri þátttakenda.

FRÆÐSLAN SKIPTIR MIKLU MÁLI!

Sameiginlegu fundirnir eru að mati þátttakenda mjög mikilvægir, svo og samskiptin á Facebook. Fundirnir og mæting á þá gera það að verkum að þátttakendur læra af öðrum og finna fyrir styrk frá hópnum. Á fundunum fer líka fram mikil fræðsla um mikilvægi þess að meltingavegurinn sé í topp standi, svo við njótum sem bestra lífsgæða sem lengst.

HREINT MATARÆÐI hreinsikúrinn

Hreinsikúrinn er einstaklega áhrifaríkur vegna þess að þar er fæðan í bland við góð næringarefni og vítamín notuð til að losa líkamann við uppsöfnuð óhreinindi og gefa honum tækifæri á að endurnýja frumur sínar og gera við þær. Enginn þarf að vera svangur á meðan á hreinsun stendur. Námskeiðið er byggt upp meira sem hreinsun en megrun, en margir léttast auðvitað þegar mataræðinu er breytt.

*Athugið! Námskeiðið fæst ekki endurgreitt, en hægt er að flytja skráningu á næsta námskeið. Lágmarksþátttaka er 15 manns – hámarks þátttaka er 35 manns.

ÞETTA ER GOTT AÐ LESA ÁÐUR EN ÞÚ SKRÁIR ÞIG!

Þátttaka í HREINT MATARÆÐI hreinsikúrnum er á ábyrgð hvers og eins og á að vera með öllu hættulaust. Fólk í ákveðnu ástandi ætti þó ekki að hreinsa sig eða afeitra, svo ef eitthvað af eftirfarandi á við um þig hentar hreinsikúrinn þér ekki:

  • Þú ert með barni eða með barn á brjósti.
  • Þú ert með sykursýki tegund I (insúlínháða).
  • Þú ert með krabbamein á háu stigi og léttist hratt.
  • Þú tekur lyf sem þarfnast stöðugleika í blóðbúskap, þar á meðal lyf sem hindra myndun blóðtappa (svo sem coumadin), lyf við hjartsláttartruflunum (svo sem tikosyn), eða krampalyf (svo sem tegretol). Lyfjaforði í blóði getur ruglast eftir því sem upptökuhraði breytist og skammturinn þinn verið of stór eða lítill eftir atvikum. Ráðfærðu þig við lækni og haltu ekki áfram afeitrun án eftirlits sérfræðings.
  • Þú býrð sem stendur við einhvern annan sjúkdóm sem krefst nákvæms eftirlits og sem hætta getur skapast af ef breytingar verða á efnafræði líkamans.
  • Þú ert með lágan blóðþrýsting og fjölda annarra einkenna sem rekja má til mikillar streitu og álags á nýrnahettur.

Hafðu samband við Guðrúnu með því að senda póst á gb@gudrunbergmann.is ef þú ert með einhverjar spurningar.

UMSAGNIR

SIGURÐUR HELGI LÉTTIST
UM 12,4 KG OG STÓRBÆTTI
HEILSUNA Í LEIÐINNI

Ég hafði ekki neinar væntingar þegar ég fór á námskeiðið og bjóst ekki við að ná miklum árangri, af því ég tek talsvert af lyfjum m.a. stera og er yfirleitt ekki staðfastur þegar ég hef farið í einhver átök. En svo gekk þetta svona glimrandi vel og það var mögnuð reynsla að fara í gegnum hreinsiferlið. Ég lærði mjög mikið um áhrif fæðu á líkamsstarfs- semina og með góðum stuðningi náði ég að fylgja planinu eftir.

Mér hefur ekki liðið svona vel í mörg ár. Andþyngsli hafa minnkað verulega og ég finn ekki lengur fyrir liðagigtinni sem var svæsin í allan vetur. Ég finn að bólgur hafa horfið úr líkamanum. Ristillinn var í mjög slæmu ástandi en er núna í góðum málum. Ég er miklu orkumeiri og hressari. Til viðbótar við þetta léttist ég um 12,4 kg og held áfram að léttast, því núna mánuði eftir fyrsta fund hef ég lést um 13,5 kg. Ég hvet alla til að fara á svona námskeið. Ég er nýr og betri maður. Kærar þakkir fyrir mig Guðrún Bergmann.
Sigurður Helgi Magnússon, þátttakandi á 50. HREINT MATARÆÐI námskeiðinu.

MÖGNUÐ REYNSLUSAGA
BERGÞÓRU ÞÓRHALLSDÓTTUR

„Þegar ég byrjaði á HREINT MATARÆÐI námskeiðinu var ég að glíma við Hemoglobin sjúkdóminn eða of mikið járn í blóði. Ég var búin að bíða lengi eftir að komast að hjá blóðsérfræðingi. Lækningin við þessum sjúkdómi er aftöppun blóðs á 2ja til 3ja vikna fresti og að forðast járnríka fæðu, en einnig c-vítamínríka fæðu sem hægir á frásogi járns. Ég fékk loksins tíma um það leyti sem ég byrjaði á HREINU MATARÆÐI. Þegar ég fór svo í fjórðu aftöppunina, fékk ég niðurstöður úr blóðprufu sem var sú fyrsta eftir að ég fór á HREINT MATARÆÐI.

Það er skemmst frá því að segja að ég hafði lækkað vel niður fyrir viðmiðunarmörkin og kílóum hafði fækkað um sjö, sem var bónus við jákvæða niðurstöðu. Þegar ég hugsa til baka sé ég að mér hefur ekki liðið svona vel í kroppnum í mörg ár. Nú hef ég bætt hreyfingu við nýja lífið mitt. Morgunhristingurinn er hluti af dagsskipulaginu og ég nýt þess að velja vel það sem ég borða.“ – Bergþóra var þátttakandi á 47. HREINT MATARÆÐI námskeiðinu.

BETRI SVEFN OG 5,6 KG
FUKU HJÁ ÓLAFI ÞÓR

Það eru 5-6 kíló farin eftir þessa 24 daga. Ég sofna betur og sef betur (sef sumar nætur án þess að vakna og það gerðist aldrei áður). Allskonar verkir og óþægindi kringum maga eru á bak og burt. Ég átti það til að blása upp og leið stundum einsog ég væri að kafna, en allt það er horfið. Verkir í öxlum eru farnir, þótt ég geti verið þreyttur í öxlum eftir daginn, þá er það bara vinnan. Ég vakna án verkja eða dofa í öxlum, sem ég var oft með áður. Einnig finnst mér ég vera mun léttari allur og liðugri. Var farinn að hafa áhyggjur af stirðleika. Þegar maður dæsir eftir að hafa reimað skóna er betra að athuga sinn gang.Ég reimi núna án erfiðleika. Frábært námskeið. Kærar þakkir fyrir mig. Þetta gekk allt og gengur betur enn ég þorði að vona og ég held að ég hafi smitað frá mér í vinnunni.

Framvegis ég vanda val
veðj´ á bestu gæði.
Áfram haldið hiklaust skal
á Hreinu mataræði.

– Ólafur Þór Auðunsson, þátttakandi á 50. HREINT MATARÆÐI námskeiðinu.


image_print