HREINT MATARÆÐI Akureyri 28.02.18

Leiðbeinandi: Guðrún Bergmann

Þetta er fjórða HREINT MATARÆÐI námskeiðið sem haldið er í samstarfi við Rósu í LótusLINDINNI á Akureyri og það eina fyrri hluta árs. Alls hafa rúmlega 950 manns, bæði karlar og konur, tekið þátt í stuðningsnámskeiðum mínum við HREINT MATARÆÐI. Hvert námskeið stendur í 24 daga og í lokin eru flestir undrandi, bæði á lækningamætti líkamans og því hversu hratt ýmis slæm heilsufarseinkenni hverfa. Námskeiðið er FRÁBÆR grunnur að breyttum lífsstíl og betri heilsu.

ATH! Mörg stéttarfélög taka þátt í kostnaði þar sem námskeiðið fellur undir lífsleikni.

HVAR:  Í jógastöðinni LótusLINDIN, Grænugötu 10, Akureyri
FUNDIR: Fyrsti fundur er 28. febrúar kl. 17-18:30 
Annar fundur og þriðji fundur eru netfundir 7. og 14. mars
Fjórði fundur er 21. mars kl. 17-18:30 í LótusLINDINNI

DAGLEG SAMSKIPTI: Í gegnum lokaðan Facebook hóp, þar sem veittar eru leiðbeiningar, hvatningar og ráð og spurningum þátttakenda er svarað.
VERÐ: 39.700 kr.*

Viltu koma aftur? SMELLTU ÞÁ HÉR!

INNIFALIÐ Í VERÐI:

  1. Öll námsgögn í prentuðum bæklingi og PDF skjali sem hægt er að hlaða niður á tölvu eða í síma. Þar er að finna mataruppskriftir og ýmsar heilsufarsleiðbeiningar.
  2. PDF skjal með PP kynningunni eftir hvern fund.
  3. Eintak af bókinni HREINT MATARÆÐI eftir hjartasérfræðinginn Alejandro Junger.
  4. Svo er alltaf einhver óvæntur aukabónus – því HREINT líf er svo skemmtilegt 🙂

Athugið að allt námsefni er reglulega uppfært svo það taki mið af nýjustu upplýsingum hverju sinni.

ÞÚ MÁTT BÚAST VIÐ ÞESSUM BREYTINGUM:
Hreinsikúrinn leiðir yfirleitt til þess að meltingin batnar til muna, að bólgur í líkama minnka, að hægðir verða betri og reglulegri, að þurrkur í húð lagast og að bólur í andliti og liðagigtareinkenni minnka eða hverfa alveg. Að auki eykst gleði og ánægja og andleg líðan verður almennt betri. Bónusinn er svo að kynorkan eykst til muna og flestir léttast allt frá 2-3 kg og upp í 11-13 kg. Kíktu endilega á umsagnir fyrri þátttakenda.

FRÆÐSLA:
Sameiginlegu fundirnir eru að mati þátttakenda alveg ómissandi og gera það að verkum að þeir halda betur út ferlið, læra af öðrum og finna fyrir styrk frá hópnum, en á þeim fer líka fram mikil fræðsla um mikilvægi þess að meltingavegurinn sé í flottu lagi, svo við njótum sem bestra lífsgæða sem lengst.

HREINT MATARÆÐI HREINSIKÚRINN: 
Þriggja vikna hreinsikúrinn er svo áhrifaríkur vegna þess að þar er fæðan í bland við góð næringarefni og vítamín notuð til að losa líkamann við uppsöfnuð óhreinindi og gefa honum tækifæri á að endurnýja frumur sínar og gera við þær. Enginn þarf að vera svangur á meðan á hreinsun stendur. Námskeiðið er byggt upp meira sem hreinsun en megrun, en margir léttast líka þegar mataræðinu er breytt.

ATHUGIÐ!
Námskeiðið fæst ekki endurgreitt, sé ekki hægt að mæta, en hægt er að flytja sig á næsta námskeið.

ATHUGIÐ!
Fólk í ákveðnu ástandi ætti ekki að hreinsa sig eða afeitra, svo ef eitthvað af eftirfarandi á við um þig hentar hreinsikúrinn þér ekki:

  • Þú ert með barni eða með barn á brjósti.
  • Þú ert með sykursýki tegund I (insúlínháða).
  • Þú ert með krabbamein á háu stigi og léttist hratt.
  • Þú tekur lyf sem þarfnast stöðugleika í blóðbúskap, þar á meðal lyf sem hindra myndun blóðtappa (svo sem coumadin), lyf við hjartsláttartruflunum (svo sem tikosyn), eða krampalyf (svo sem tegretol). Lyfjaforði í blóði getur ruglast eftir því sem upptökuhraði breytist og skammturinn þinn verið of stór eða lítill eftir atvikum. Ráðfærðu þig við lækni og haltu ekki áfram afeitrun án eftirlits sérfræðings.
  • Þú býrð sem stendur við einhvern annan sjúkdóm sem krefst nákvæms eftirlits og sem hætta getur skapast af ef breytingar verða á efnafræði líkamans.
  • Þú ert útbrunnin/-n, hefur lágan blóðþrýsting og fjölda annarra einkenna sem rekja má til þurrðar í undirstúku-nýrnahettuásnum, streitustjórnunarkerfi líkamans.

Sögur af síðasta
námskeiði

Í gær var ég með síðasta fund með hópi sem byrjaði á HREINT MATARÆÐI námskeiði hjá mér þann 9. janúar 2018. Það var frábært að heyra þau segja frá árangrinum sem þau hafa náð hingað til (3 dagar eftir af ferlinu). Þrjú þeirra höfðu léttst um 7,5 kg, nokkrir um 4 kg og svo eitthvað minna. Allir höfðu losnað við bjúg, ein það mikið að nú „dinglaði“ armbandið sem hún fékk í jólagjöf, en áður hafði það setið „fast“ á úlnliðnum. Húðin í andliti allra var mun bjartari, bólur af húð á líkamanum voru horfnar eftir þurrburstun, blóðþrýstingur hafði lækkað – efri mörk um meira en 30, einkenni vefjagigtar höfðu minnkað mjög og margir sögðust sofa betur og eiga betur með að vakna og svo mætti lengi telja.

Eitt af því skemmtilega var svo að sumir voru farnir að elska að elda og taka til hollan mat í nesti fyrir sig. Aðrir töluðu um aukna sjálfsvirðingu og sjálfstraust og flestir sögðu að þetta hefði verið mun auðveldara en þau höfðu haldið.

Hefur þú áhuga á að finna svona breytingar í eigin líkama?

Ef þú býrð ekki nærri stað þar sem HREINT MATARÆÐI námskeið er haldið, geturðu alltaf skráð þig á netnámskeið 🙂

 

Ingileif var þátttakandi á HREINU MATARÆÐI
námskeiði á Akureyri í okt/nóv. 2016
ingileif_n


„Mér hefur liðið vel þessar þrjár vikur á HREINU MATARÆÐI og þær voru fljótari að líða en ég átti von á. Ég veit ekki hvort ég hafi lést, er ekki með neinar tölur því ég veit aldrei hvað ég er þung eða létt. En ég finn á fötunum mínum að þau eru rýmri en áður.

Strax á fyrstu vikunni hurfu bjúgur, liðbólgur og vöðvaverkir sem ég hafði fundið fyrir. Fyrir vikið varð ég léttari á mér og fann að bólgurnar höfðu haft meiri áhrif á mig en ég hafði gert mér grein fyrir. Ég hlakka til að fara aftur að hlaupa með þessa nýju líðan. Í upphafi hreinsunarinnar hafði ég mestar áhyggjur af því að búst í morgunmat myndi ekki duga mér, en smátt og smátt lærði ég að gera það þannig að nú held ég að það verði fastur liður í morgunverðinum mínum.


Það er ljóst að þetta er ekki síðasta hreinsunin mín og ég ætla að velja mér að gera það sem ég get til að halda liðbólgum og vökvasöfnun frá skrokknum. Takk Guðrún fyrir heilræðin og stuðninginn, ég veit að ég á eftir að leita í smiðju þína oftar.“

– Ingileif Ástvaldsdóttir skólastjóri Þelamerkurskóla