MIÐAUSTURLANDA KEBAB

Hér er frábær uppskrift að MIÐAUSTURLANDA KEBABI, frá þeim hjónum Ólöfu og Omry í Kryddhúsinu. Þau elda mikið Miðjarðarhafsmat og þessi er af léttum og hollum grillmat.

Kebabið er mjög bragðgott með Ras el Hanut, sem er arabísk kryddbanda og þurrkaðri myntu (myntan má auðvitað vera fersk en þar sem hún er ekki alltaf til er gott að geta verið með þurrkaða myntu).

Hummusinn er mjög góður með og hann verður enn betri með því að krydda hann eins og við gerum (sjá uppskrift) og svo er gott salat nauðsyn. Heimagert límonaði er mjög sumarlegt og setur punktinn yfir i-ið!

MIÐAUSTURLANDA KEBAB

500 gr nautahakk

1 stk laukur (lítill) fínskorinn

2-3 tsk Ras el Hanut kryddblanda frá Kryddhúsinu

1 tsk Mynta, þurrkuð frá Kryddhúsinu

lúkufylli af fíntskorinni steinselju

salt og pipar

aðeins af ólífuolíu

Öllu blandað saman í skál og látið hvíla inn í kæli í a.m.k. 30 mín áður en sporöskjulaga bollur eru mótaðar utan um grillspjót. Grillað á heitu grilli.

HUMMUS MEÐ TAHINI OG HARISSU:

1 dós Hummus (við erum mjög hrifin af Tribe hummus og Cedar’s – Cedar’s fæst í Hagkaup og Tribe fæst í Krónunni

u.þ.b. 2 msk af Tahini (sesam smjör)

sítrónusafi og salt

ólífuolía

Hrærið Tahinið út með vatni. Byrjið á að setja aðeins af vatni og hrærið það saman við og smá bætið við vatni þar til þið hafið náð þeirri þykkt eða áferð sem þið kjósið. Þetta tekur smá tíma. Kreistið safa úr sítrónu út í og blandið vel saman við. Saltið aðeins og smakkið til, og bætið við sítrónusafa og eða salti ef þarf.

HARISSA MAUK

1 msk Marokkósk Harissa kryddblanda frá Kryddhúsinu hrærð saman við u.þ.b. 3-4 msk ólífuolíu.

Setjið Hummusinn á disk og gerið “holu” í hann með bakinu á skeið. Hellið Tahini sósunni í “holuna”, svo Harissa maukinu og dreypið ólífuolíu yfir allt saman.

GRÆNT SALAT MEÐ APPELSÍNU- OG MYNTUSALATSÓSU 

Safi úr ½ appelsínu

2 msk hunang

1 tsk þurrkuð mynta frá Kryddhúsinu

a.m.k. ½ dl ólífuolía

salt eftir smekk

Allt hrært vel saman og látið standa í a.m.k. 20 mín til að bragðið taki sig. Hellið yfir grænt salat að eigin vali, rétt áður en það er borið fram.

HEIMATILBÚIÐ MYNTU-LÍMONAÐI 

Safi úr 3-4 sítrónum

sykurvatn, magn fer eftir hve sætt þið viljið hafa límonaðið

lúkufylli af ferskum myntulaufum

ísmolar og sítrónubátar ef vill

Sykurvatn: sjóðið niður 1 glas af sykri (má vera hrásykur) á móti 1 glasi af vatni. Sykurvatn geymist vel í lokuðu íláti inni í ísskáp.

Kreistið safann úr sítrónunum. Setjið í vatnskönnu ásamt ferskri myntunni og sykurvatninu. Fyllið könnuna af ísköldu vatni og setjið ísmola og sítrónubáta út í ef vill.

Neytendaupplýsingar: Kryddin frá Kryddhúsinu fást í Hagkaup, Nóatúni, Fjarðarkaup og Krónunni

Myndir: Ólöf Einarsdóttir

 

 

 

 

image_print

Um höfund

Guðrún Bergmann
Guðrún Bergmann
Guðrún Bergmann hefur í tæp 29 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 233 Posts
  • 0 Comments
Guðrún Bergmann hefur í tæp 29 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar