Matarbloggari vefsíðunnar hún Björg Helen Andrésdóttir
er þessa vikuna með uppskrift að dásamlegu og bragðgóðu
kínóasalati, sem hentar vel á heitum og sólbjörtum dögum
Þegar sólin loksins lætur sjá sig og hitatölurnar hækka á höfuðborgarsvæðinu er tilvalið að skella í þetta fallega og bragðgóða kínóasalat. Mér finnst fátt betra en að nota aspas til að gleðja braglaukana mína ásamt góðum hnetum. Þess vegna er nóg af þessu hráefni í réttinum. Þeir sem ekki borða rækjur geta notað kjúkling eða annað kjöt í staðinn fyrir þær eða einfaldlega bara sleppt þeim.
Með dásamlegri matarkveðju
Björg Helen
SÓSAN / DRESSINGIN
5 msk ólífuolía
1 tsk hvítvíns- rauðvíns- eða eplaedik
1 – 1 ½ msk hnetusmjör
½-1 msk sætt Dijon sinnep
1 tsk tamarin sósa frá Clearspring eða sojasósa
2 tsk Grænmetis paradís Kryddhúsið
½ tsk Cayenne pipar Kryddhúsið má sleppa
1 stórt hvítlauksrif
1-2 msk vatn til að þynna ef vill
salt (smakkist til)
KÍNÓAÐ
1 ½ bolli kínóa eða hrísgrjón
2 ½ – 3 bollar vatn
Salt
Sjóðið kínóað þar til allt vatn er soðið upp. Látið það svo kólna alveg.
ANNAÐ INNIHALDSEFNI Í SALATIÐ
500-750 gr. aspas t.d. frá Costco
rækjur eftir smekk
3-4 litlar paprikur (fást saman í poka)
1 poki furuhnetur ristaðar
1 lúka pekanhentur ristaðar
AÐFERÐ:
1 – Skerið aspasinn í ca 3 bita, hvern stöngul og steikið hann létt upp úr olíu eða smjöri og saltið. Alls ekki steikja hann of mikið því gott er að hafa svolítið „bit“ í honum. Kælið.
2 – Skerið paprikurnar smátt. Fallegast að hafa þær í sem flestum litum.
3 – Ristið hneturnar í sitt í hvoru lagi og saxið síðan pekanhneturnar, ekki of smátt.
4 – Blandið saman t.d. á kaldri pönnu aspasnum, kínóanu, rækjunum og paprikunni (geymið smávegis af henni til að strá yfir réttinn) og setjið síðan í fat eða skál.
5 – Stráið hnetunum yfir eftir smekk, en mér finnst mjög gott að hafa vel af hnetunum því þær gefa svo gott bragð. Stráið síðan restinni af paprikunni yfir.
6 – Hægt er að hella sósunni yfir réttinn eða láta hvern og einn skammta sér sjálfum.
Myndir: Björg Helen Andrésdóttir
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar13. mars, 2026Stjörnuspekin síðari hluta mars
Greinar2. mars, 2026FYRRI HLUTI MARS 2026
Greinar24. febrúar, 2026ÖFLUGAR AFSTÖÐUR PLÁNETANNA
Greinar22. febrúar, 2026222 ORKUHLIÐIÐ