HRINGBRAUTAR brauðið

Í þættinum HEIMILIÐ á Hringbraut þann 4. nóvember mættum við í heimsókn til Sigmundar Ernis, Guðrún Bergmann og Eva Þórdís Ebenezersdóttir. Ég var að kynna bókina mína HREINT Í MATINN, en í henni eru uppskriftir án glútens, sykurs og mjólkur og Eva Þórdís að fjalla um þær breytingar sem verða á heilsunni þegar tekið er út glúten og sykur. Eva Þórdís er snillingur í bakstri og hafði bakað glútenlaust brauð fyrir þáttinn, sem sló svo algerlega í gegn að um leið og smakkað var á því, var farið fram á að uppskriftin yrði aðgengileg fyrir áhorfendur, svo hér er hún komin.

Uppskriftin er frekar stór, enda gert ráð fyrir að deigið sé útbúið og geymt í ísskáp og síðan tekinn hluti af því daglega til að baka nýtt og ferkst glútenlaust brauð. Í fyrstu tilraun er því sniðugt að baka bara úr hálfri uppskrift. Út í grunndeigið er hægt að bæta kryddi og fræjum til að breyta bragðinu. Prófaðu að setja ¼ bolla af fræjum að eigin vali eða þyrrkaðar kyddjurtir eins og 1 teskeið af timían eða ½ af rósmarín til að búa til gott súpubrauð. Einnig má bæta út í brauðið rúsínum eða döðlum og muldum valhnetum til að fá gott og örlítið sætt brauð með helgarkaffinu. Til að toppa sæta brauðið má dusta örlitlum kanel yfir það fyrir baksturinn – en hér kemur svo uppskriftin:

  • 6 ½ bolli (990 g) blanda til helminga af All Purpose Baking Flour og Homemade Wonderful Bread Mix frá Bob’s Red Mill (fæst í Kosti)
  • 1 msk (10 gr) þurrger
  • 1-1 ½ msk himalajasalt eða gróft sjávarsalt
  • 2 msk (30 gr) sykur (Eva Þórdís sleppti sykrinum – en það má t.d. nota agave síróp til að sæta sé þess óskað)
  • 3 ¾ bollar (850 g) volgt vatn
  • maísmjöl eða glútenlaust mjöl og bökunarpappír

SVONA ER DEIG LAGAРOG BRAUÐ BAKAÐ

  1. Blandið saman mjöli, geri, salti og sætuefni (ef notað er) í hrærivélarskál.
  2. Bætið volgu vatni við – vatn sem er 38°C heitt gerir það að verkum að deigið lyftir sér á um það bil 2 tímum.
  3. Blandið öllu saman með sleif eða sleikju eða hrærið með grófum þeytara, en það tekur um eina mínútu. Ekki þarf að hnoða deigið. Setjið blönduna í skál með loki, þó ekki loftþéttu loki, því það þarf að opna það aðeins. Það má líka setja plastfilmu yfir skálina.
  4. Látið blönduna lyfta sér við stofuhita í um það bil 2 tíma og setjið svo deigið í ísskáp, til að geta notað næstu 10 dagana. Hægt er að nota hluta af deiginu hvenær sem er eftir að það hefur lyft sér. Þegar deigið hefur verið í ísskáp, t.d. yfir nótt, er það ekki eins límkennt og auðveldara að vinna með það heldur en þegar það er stofuheitt. Hvora leiðin sem þú velur, þá máttu ekki slá deigið/brauðið líkt og gert er með hveitibakstur – því þess þarf ekki þegar bakað er glútenlaust brauð.

Á bökunardegi:

  1. Takið svona 500 gr af deiginu (kúlu á stærð við greipaldin) og settu það á bökunarpappír, stráðum maísmjöli eða öðru glútenlausu mjöli. Mótið rúnnaða kúlu úr deiginu og notaðu blauta fingur til að slétta yfirborð hennar. Leggið plastfilmu (ekki þétt) yfir deigkúluna og leyfðu henni að standa á borðinu í 60 mínútur. Deigið mun ekki líta út eins og það hafi lyft sér mikið á þessum 60 mínútum – en það er eðlilegt.
  2. Hitið á meðan ofninn í 230°C með bökunarsteini (pitsusteini hann er til) eða bökunarplötu í miðju hnas. Ef notaður er steinn eða plata, setjið þá tóma ofnskúffu undir til að geta sett vatn í hana.
  3. Dustið efri hluta brauðdeigsins með ríkulegu magni af mjöli. Ristið nokkra ca 1 cm djúpa skurði í deigið með beittum brauðhnífi.
  4. Setjið brauðið á bökunarpappírnum í ofninn. Hellið fljótt, en varlega, 1 bolla af heiti vatni úr krananum í ofnskúffuna og lokið ofninum, til að halda gufunni inni.
  5. Ef brauðið er sett í ofninn á bökunarpappír, takið hann þá undan brauðinu eftir 20 mínútur, en bakið brauðið í 45 mínútur samtals. Leyfið brauðinu að kólna vel (um 2 tíma) á bökunargrind. (Má líka borða volgt)
  6. Geymið það sem eftir er af deiginu áfram í ísskápnum í lokuðu íláti til að nýta næstu 10 dagana.Njóttu þess að bak glútenlaust ☺.

Ef þér fannst þessi uppskrift áhugaverð og vilt fylgjast með skrifum Guðrúnar, skráðu þig þá á póstlistann hennar.

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 503 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?