GRÆN VEGABRÉF – LEIÐ TIL FRELSIS EÐA HAFTA

GRÆN VEGABRÉF – LEIÐ TIL FRELSIS EÐA HAFTA

Ég veit að margir vilja ekki sjá hvert stefnir með líf okkar, en ég hvet ykkur samt til að skoða hvaða málflutningi er verið að halda leyndum með því að „ritskoða“ og eyða út póstum, myndböndum, heilu vefsíðunum og með breytingum á mörgum upplýsingasíðum síðustu 16-18 mánuðina.

Hin sænska Margareta Skantze,[i] sem skriftar um menningarmál og hefur starfað við sænska útvarpið er ein af þeim sem ekki fær greinar sínar birtar í sænskum dagblöðum, meðal annars þessa sem fylgir hér á eftir.

Hún er ekki sú eina sem ekki fær það. Fréttamiðlarnir Morgunblaðið, Fréttablaðið, Vísir.is og Stundin.is hafa allir hafnað birtingu á greinum frá mér. Ég fór í upptöku fyrir þáttinn hennar Ásdísar Olsen, Undir yfirborðinu, í lok mars. Þáttinn átti að sýna á Hringbraut þann 11. apríl. Hann var hins vegar „tekinn úr umferð“ og ég á ekki von á að hann verði nokkrun tímann sýndur.

Hér á eftir fylgir í stórum dráttum greinin hennar Margareta, sem sýnir okkur að „bólusetningarplanið“ á sér langa sögu. Það tekur þig um 7-8 mínútur að lesa greinina.

„BÓLUEFNIГ HEFUR ENGIN ÁHRIF Á SMIT

Það eina sem sagt er að „bóluefnið“ geri, er að draga úr veikindaeinkennum ef þú smitast. Þrátt fyrir það, tala sóttvarnaryfirvöld nú þegar um að við þurfum að fá nýja „bóluefnaskammta“ einu sinni eða oftar á ári, það sem eftir er. Einnig er rætt um að „bólusetja“ öll börn gegn Covid-19, áður en þau fara aftur í skólann í haust.

AF HVERJU SPYR FÓLK SIG EKKI SPURNINGA?

Af hverju veltir fólk ekki fyrir sér þessari sérkennilegu framtíðarsýn? Svarið er væntanlega að finna í loforði um rafræn „bólusetningarvottorð“ eða GRÆN VEGABRÉF, en þetta „græna“ gerir heitið á þeim aðeins meira aðlaðandi. Þau eru kynnt sem aðgangur að lífi sem verður á ný eðlilegt, loforði um að geta á ný ferðast án hafta, fara í leikhús og á tónleika, í líkamsræktarstöðvar og veitingahús.

Framkvæmdastjórn Evrópusambandsins hefur lýst því yfir að vegabréfin verið komin í notkun þann 26. júní 2021. Sænska ríkisstjórnin vill þó vera fyrr á ferðinni með sín vegabréf. Ráðherrann sem vill tölvuvæða allt þar í landi, Anders Ygeman,[ii] vonast til að þau verði tilbúnin þann 1. júní – rétt áður en ferðamannatímabilið hefst.

HINN ALÞJÓÐLEGI BÓLUEFNAMARKAÐUR Á SÉR 30 ÁRA SÖGU

Flestir halda væntanlega að þessi „bólusetningarherferð“ sem geisar í heiminum í dag og GRÆNA VEGABRÉFIÐ tengist núverandi farsótt, en það er alls ekki rétt. Þetta ferli hófst upp úr 1980 og hefur haldið jafnt og þétt áfram síðan þá, eins og sjá má af eftirfarandi upplýsingum.

Nóvember 1986 – Ronald Regan þáverandi forseti Bandaríkjanna undirritar The National Childhood Vaccine Injury Act, lög sem veita lyfjafyrirtækjum undanþágu frá því að greiða út skaðabætur vegna skaða (aukaverkana) sem bóluefni valda fólki. Ríkið þar í landi tekur að sér ábyrgð á skaðabótagreiðslum (líkt og gerðist hér á landi í fyrra)[iii]. Með þessum lögum varð um leið mun arðbærara og áhættuminna að framleiða bóluefni en önnur lyf. Þau mörkuðu þannig upphafið að sífellt umfangsmeiri bóluefnaáætlunum.

Árið 2000 – Bill Gates ákveður að hætta að sinna rekstri Microsoft og sinna einungis góðgerðarmálum, með aðaláherslu á bóluefni. Saman stofna þau hjónin The Bill and Melinda Gates Foundation.

Apríl 2009 – Alþjóðaheilbrigðismálastofnunin breytir skilgreiningu sinni á farsótt. Þeim mælikvarða að farsótt sé hættulegur og banvænn sjúkdómur er eytt. Nú nægir að það sé mjög smitandi sjúkdómur sem fólk er ekki með ónæmi fyrir. Þáverandi framkvæmdastjóri Alþjóðaheilbrigðismálastofnunarinnar WHO, Margaret Chan, lýsti því yfir að hin „svokallaða“ svínaflensa (H1N1) væri farsótt. Mælt var með bólusetningu sem flestra. Svíþjóð er þá eitt fárra þjóða sem hlýddi fyrirmælum WHO og keypti 18 milljón skammta af Pandemrix bóluefninu fyrir 1.3 milljarða SEK (margir fengu drómasýki[iv] í kjölfar bólusetninga í Svíþjóð og Finnlandi). Farsóttin gekk yfir og Margaret Chan sagði að líta bæri á flensuna sem „eftirköst farsóttar“.

Febrúar 2010 – Á hinum árlega fundi WEF (World Economic Forum) í Davos, tilkynna Bill og Melinda Gates að næsti áratugur verði „Áratugur bóluefnanna“. Þau gefa 10 milljarða bandaríkjadala til að fylgja verkefninu eftir. (Hjónin eru hluthafar í öllum stærstu lyfjafyrirtækjum heims og Bill Gates hefur yfirlýst að hagnaður hans af fjárfestingum í þeim sé (200%) gífurlegur). Undirbúningur að framkvæmdaáætlun fyrir heiminn hefst undir forystu WHO.

Maí 2012 – 194 aðildarríki (Ísland væntanlega þar í hópi) Sameinuðu þjóðanna, samþykkja einróma The Global Vaccine Action Plan (GVAP) (Alþjóðlegu bólusetningar framkvæmdaáætlunina). Eitt af mikilvægustu markmiðum GVAP, er að þróa „næstu kynslóð bóluefna með tæknilegum lausnum“.

September 2014 The European Vaccine Plan 2015-2020 (EVAP) (Evrópska bólusetningaráætlunin) er samþykkt á svæðisfundi WHO í Kaupmannahöfn. Í áætluninni eru fimm mismunandi undirmarkmið. Mikil umfjöllun fer fram um mótstöðu fólks gegn bólusetningum. Evrópuþjóðirnar taka að sér að vinna að þróun á rafrænum aðferðum til að geta fylgst með því hverjir hafi ekki verið bólusettir, hvar þeir einstaklingar eru og í hvaða samfélagslega samhengi þá er að finna.

Árið 2018 – Þriggja ára verkefni undir heitinu Joint Action on Vaccination[v] (Sameiginlegt átak í bólusetningum) er hrint af stað til að samræma og markaðssetja bólusetningar. Svíþóð tekur þátt sem eitt af tuttugu Evrópulöndum. Verkefnið er fjármagnað af Evrópusambandinu. Eitt af forgangsverkefnunum er að takast á við mótstöðu fólks gegn bólusetningum.

Árið 2018 – Bill Gates á frumkvæðið að ID2020,[vi] en tilgangur þess er að útvega öllum jarðarbúum rafræn persónuskilríki. Verkefnið er unnið í samstarfi við Flóttamannastofnun Sameinuðu þjóðanna UNHCR, GAVI og Microsoft, og litið á það sem hluta af Agenda 2030 (Dagskrá Sameinuðu þjóðanna fyrir árið 2030). Tilraunir hefjast í Bangladesh (fátækt fólk í fátækum löndin er gjarnan notað sem „tilraunadýr“).

Apríl 2018 – Framkvæmdastjórn Evrópusambandsins gefur út skjal undir heitinu Strengthened Cooperation Against Vaccine Preventable Diseases (Öflugra samstarf gegn sjúkdómum sem hægt er að bólusetja gegn). Það er notað sem grunnur að aðgerðaráætlun. Einn kaflinn fjallar um „óvænt upphaf farsótta“, sem gætu leitt til þess að nauðsynlegt væri að samþykkja „nýstárleg bóluefni“. Evrópskum bóluefna-framleiðendum er úthlutað lykilhlutverki í að mæta þörfum framtíðarinnar og eru þeir beðnir um að auka framleiðslu- og geymslugetu sína. Innleiðing rafrænna bólusetningarvegabréfa fyrir Evrópubúa er skráð sem eitt af lykilatriðunum. Samkvæmt aðgerðaráætluninni er talið mikilvægt að gera þau að lögum og koma í framkvæmd árið 2022.

Desember 2018 – Lýðheilsustofnun Svíþjóðar leggur stöðumat fyrir ríkisstjórnina, þar sem farið er fram á endurtekna kröfu um rafrænt upplýsingakerfi (væntanlega svipað og Heilsuvera.is er hér) og þörf á beinskeyttum upplýsingaherferðum til að fá fólk til að þiggja bóluefni.

September 2019Framkvæmdastjórn Evrópusambandsins og Alþjóðaheilbrigðis-málastofnunin WHO, standa saman að ráðstefnu um bólusetningaráætlanir í Brussel, sem kallast The Global Vaccination Summit.[vii] Fundurinn byggist upp á hringborðsumræðum, þar sem fulltrúar frá Pfizer, GAVI og Bill and Melinda Gates Foundation, sitja sem fullgildir þátttakendur. Aðalumræðuefni fundarins er að heimurinn standi frammi fyrir óhjákvæmilegri farsótt og því þurfi að styrkja öflugra samstarf við lyfjafyrirtækin.

Október 2019Event 201[viii] ráðstefnan er haldin í New York, en á henni fer fram viðbragðsæfing fyrir hugsanlega farsótt sem kórónavírus veldur, en hann á að hafa borist frá leðurblökum til svína og þaðan til manna. Ráðstefnuna sækja áberandi einstaklingar sem boðið er til hennar, stjórnmálaleiðtogar, háttsettir fulltrúar Sameinuðu þjóðanna, heilbrigðisráðherrar, leiðandi aðilar innan háskólasamfélagsins, vísindamenn og læknar. Gestgjafar ráðstefnunnar eru John Hopkins háskólinn, Bill and Melinda Gates Foundation og WEF – World Economic Forum.

Desember 2019 – Fyrstu opinberu upplýsingarnar um alvarlegan SARS-líkan lungnasjúkdóm koma frá Wuhan í Kína þann 31. desember 2019. Sýkingin er sögð eiga upptök sín í leðurblökum á opnum matarmarkaði í Wuhan. Leiðandi myndir eru sendar út um allan heim af sóðalegum sölubásum með snákum, leðurblökum og öðrum dýrum í einni kös. (Reyndar kemur fljótlega í ljós að leðurblökur eru ekki hluti af mataræði Kínverja og hafa því líklega ekki verið á þessum markaði. Myndirnar voru nefnilega frá Indlandi. Það sem einnig vantaði inn í fréttina var að Wuhan Institute of Virology (Veirufræðistofnunin í Wuhan) var við hliðina á opna matarmarkaðnum og að þar væru gerðar tilraunir með kórónavírus úr leðurblökum).

Mars 2020 – Framkvæmdastjóri WHO, Tedros Adhanom Ghebreyesus (ekki læknir), tilkynnir að COVID-19 sé skilgreint sem farsótt.

Apríl 2020Bill og Melinda Gates auka fjárframlög sín til WHO úr 100 milljón dollurum í 250 milljón dollara.

Júní 2020Framkvæmdastjórn Evrópusambandsins kynnir sameiginlega stefnu um þróun, framleiðslu og dreifingu á bóluefni gegn COVID-19.

Júlí 2020 –  World Economic Forum (Davos liðið sem vill stjórna heiminum) tekur frumkvæðið að Common Pass Project[ix] (Almenna passaverkefninu), sem er rafrænt heilsuapp í samræmdu formi fyrir allan heiminn. Verkefnið er stutt af The Rockerfeller Foundation, Google, JP Morgan, BlackRock fjárfestingasamsteypunni og Sameinuðu þjóðunum. Svíþjóð gengur til liðs við verkefnið.

Október 2020 – Tedros Adhanom Ghebreyesus lýsir því yfir að hjarðónæmi náist best með bólusetningum.

Desember 2020 – Pfizer / BionTech COVID-19 bóluefnið fær tímabundið neyðarleyfi í Bandaríkjunum. The European Anti-Infection Unit (EMA Lyfjaeftirlit Evrópu) veitir Pfizer / Biontech mRNA bóluefninu Comirnaty skilyrt samþykki. Önnur bóluefni eru samþykkt með samskonar skilyrðum.

Fjöldabólusetningar hefjast. Bretland og Ísrael eru fremst í flokki. Það er einmitt frá þessum löndum sem helstu gagnrýnisraddirnar heyrast, varðandi fjöldabólusetningar og GRÆNA VEGABRÉFIÐ.

GRÆNA VEGABRÉFIÐ OG HÆTTAN Á AÐSKILNAÐARSTEFNU

Í Bretlandi hafa 1250 prestar[x], frá biskupakirkjunni, kaþólsku kirkjunni og mótmælendakirkjunni undirritað opið bréf til Boris Johnson forsætisráðherra og varað við áhrifunum af þessum fyrirhuguðu skírteinum. Þeir tjá áhyggjur sínar af því að þetta kerfi muni leiða til „læknisfræðilegrar aðskilnaðarstefnu“, þar sem aðgreindur hópur fólks sem af ýmsum ástæður vill ekki eða getur ekki látið bólusetja sig, verði útskúfaður úr stórum hluta samfélagsins.

Þeir benda á hina órökréttu eða vanhugsuðu ástæðu fyrir skírteinunum, þar sem þeir sem hafa verið bólusettir geta enn verið smitandi og því haldið áfram að dreifa sjúkdómnum. Í bréfinu, leggja þeir líka áherslu á „lögmætan ótta“ sinn um að þessi skírteini verði til frambúðar, að í þau verði bætt fleiri upplýsingum og að nýjar læknismeðferðir verði skyldubundnar.

Prestarnir telja að tillaga ríkisstjórnarinnar um að innleiða rafræn bólusetningarskírteini sé ein sú hættulegasta í allri sögu Bretlands. Gangi hún eftir, gæti það falið í sér endalok lýðræðis og upphafið á alræðisríki.

Margareta lýkur orðum sínum með því að segja að í Svíþjóð skorti umræðu um það hvort GRÆN VEGABRÉF leiði til frelsis eða hafta (þrælahalds).

P.S. Hollywood sýnir okkur alltaf inn í framtíðina með myndum sínum – en Amazon er framleiðandi þessara þátta. Hér er stutt innslag úr UTOPIA[xi]. Ég hvet þig til að skoða fleiri innslög til að fá aðeins skýrari mynd af því sem er að gerast með „bólusetningunum“.

Mynd: CanStockPhoto.com / kongvector

Heimildir:

[i] http://www.margaretaskantze.se/

[ii] https://newsvoice.se/2021/03/vaccinpass-covidreseintyg-eu/

[iii] https://www.althingi.is/altext/151/s/0463.html

[iv] https://helda.helsinki.fi//bitstream/handle/10138/300884/pdf.pdf?sequence=1

[v] https://eu-jav.com/the-eu-jav-team/

[vi] https://id2020.org/

[vii] https://www.euro.who.int/en/media-centre/events/events/2019/09/global-vaccination-summit

[viii] https://www.centerforhealthsecurity.org/event201/

[ix] https://commonpass.org/

[x] https://www.theguardian.com/world/2021/apr/17/uk-church-leaders-warn-against-dangerous-vaccine-passport-plans

[xi] https://youtu.be/IDNPdLal2Lw

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 503 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?