Glútenlaust kynlíf

Ég er nýbúin að gefa út fræðslu- og matreiðslubókina HREINT Í MATINN, en í henni eru réttir sem eru án glútens, sykurs og mjólkur. Ein helsta ástæða þess að ég skrifaði bókina, er að ég hef komist að raun um það í gegnum námskeiðin mín hversu margir eru að glíma við óþol fyrir þessum fæðutegundum. Reynslan hefur sýnt að með því að breyta mataræðinu má meðal annars laga ýmsa meltingarsjúkdóma og losna við bólgur í líkamanum.

GLÚTENLAUST KYNLÍF
Það kom mér skemmtilega á óvart og fékk mig til að brosa út að eyrum, þegar ég sá að vinur minn, Hermann Guðmundsson, forstjóri Kemi, skrifaði einn daginn á vegginn sinn á Facebook, meðan ég sat við að skrifa bókin eftirfarandi texta: „Í gamla daga þótti töff að nota áfengi og stunda kynlíf, í dag er það að borða glútenlaust og hjóla mikið. Er þetta framför?“

Ég skrifaði ekki svar við færslunni hans á Facebook, en ég get alveg staðhæft að það þarf hvorki að hætta að stunda kynlíf né fara að hjóla til að vera glútenlaus. Áfengisneyslan færist kannski úr bjór og vodka yfir í lífrænt ræktuð léttvín og glútenlausan bjór. Hvort það sé töff er auðvitað alltaf spurning, en mér finnst töff að hugsa um heilsuna.

Hvað varðar framförina er hún auðvitað mat hvers og eins. Í mínu tilviki finnst mér framförin við glútenlaust mataræði helst liggja í betri líðan og færri heilsufarsvandamálum og það er í mínum huga MIKIL framför.

Ef þér finnst töff að hugsa um heilsun og hefur áhuga á að stunda glútenlaust kynlíf, færðu HREINT Í MATINN í Eymundsson, Mál og menningu, Nettó og svo á vefsíðunni minni.

Mynd: Can Stock Photo

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 517 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?