ERTU MEÐ MÍGRENI?

07/07/2017

Meginefni greinarinnar:

Mígreni er talið vera þriðja algengasta sjúkdómseinkenni í heiminum og er í sjötta sæti á lista þeirra heilsufarsvandamála sem gera fólk óvinnufært.
Nýjustu rannsóknir benda til að ýmsir ytri þættir eins og fæðutegundir, skortur á næringarefnum og streita geti verið örsök mígrenis.
Glúten er einnig talið vera eitt af því sem orsakar mígreni, en í væntanlegri bók minni HREINN LÍFSSTÍLL fjalla ég m.a. um helstu einkenni glútenóþols og glútennæmis, auk þess sem þar er að finna 26 matar- og kökuuppskriftir án glútens. Bókin fæst í forsölu til 11. júlí með 35% afslætti.
Gluten Digest Enzymes frá NOW eru meltingarensím, sem hjálpa til við niðurbrot glútens í meltingarveginum.

Fylgstu með daglegum færslum mínum á Facebook eða skráðu þig á Póstlistann

________________________________________________________________________________

ERTU MEÐ MÍGRENI?

Ertu með mígreni eða þekkirðu einhvern sem fær reglulega mígreniköst? Ég fór í gegnum langt tíma bil í lífi mínu, frá tólf ára aldri til þrjátíu og fimm ára aldurs, þar sem ég var með nánast dagleg mígreniköst. Þrátt fyrir lyfjatöku og alls konar ráð frá læknum, losnaði ég ekki við mígreniköstin fyrr en ég umbreytti mataræði mínu algerlega. Frá þeim tíma hef ég vitað að fái ég mígrenikast, tengist það einhverju sem ég hef borðað eða eituráhrifum (sterkri málningar- eða lakklykt eða öðru slíku) úr umhverfinu.

Ýmsar rannsóknir benda til þess að mígreni sé ekki bara slæmur höfuðverkur, heldur orsakist hann af röskun á taugaboðum og efnasamböndum í heilanum. Mígreni telst vera þriðji algengasti sjúkdómur í heimi og er í sjötta sæti yfir sjúkdóma sem gera fólk óvinnufært.

Talið er að í Bandaríkjunum þjáist einn af hverjum tíu af mígreni. Mígrenisjúklingar sem eru bæði konur, karlar og börn, verða oft óvinnufærir og geta hvorki sótt skóla né lifað eðlilegu lífi ef höfuðverkjaköstin eru mjög slæm. Læknar sem stunda heildrænar lækningar líta svo á að það ríki takmarkaður skilingur á því hvers vegna fólk fær mígreni, því verkjaköstin eru oftast meðhöndluð með lyfjum, þótt grunnorsök vandans geti verið af allt öðrum toga og að hægt sé að sneiða hjá orsakavaldinum með því að breyta um lífsstíl.

16 ALGENGIR ORSAKAVALDAR MÍGRENIS
Ég rakst nýlega á grein frá Dr. Peter Osbourne, þar sem hann fjallar einmitt um þessa áhrifaþætti, svo ef þú færð reglulega mígreniköst gætu upplýsingar hans komið þér á óvart. Það eru ýmsir þættir sem geta valdið mígreni-höfuðverkjum, allt frá erfðaþáttum, hormónaójafnvægi og umhverfisþáttum, en talið er að eftirfarandi fæða og umhverfisþættir hafi mest áhrif:

Skortur á næringarefnum
Ójafnvægi á hormónum í líkamanum
Ofnæmi
Glútenóþol eða glútennæmi
Áfengi – vegna áhrifa á lifur
Kinnholubólgur – grunnorsök þeirra tengist mjólkurneyslu
Koffín – í heitum og köldum drykkjum
Mjólkurafurðir – allar nema helst hrein jógúrt
Unnar matvörur og skyndibitamatur
Vöðvaverkir – einkum í hnjám
Innri streita
Sykur – í öllum sínum formum
Streituáhrif úr umhverfinu (tímapressa)
Gervisætuefni
MSG (monosodium glutamate)
Súkkulaði

SYKUR OG GERVISÆTA GETA VALDIÐ MÍGRENI
Rannsóknir hafa sýnt fram á að MSG (m.a. í kryddi) og koffín geta valdið mígrenikasti. Þeir sem nota gervisætu hafa greint frá höfuðverkjum, svima, ógleði og truflun á meltingarferlinu. Rennið yfir eftirfarandi lista og veljið frekar að nota efnin á hægri listanum til að sæta með fæðu og drykki, en gervisætuna á vinstri listanum, til að forðast mígreni eða annars slags höfuðverki.

FORÐIST ÞESSI SÆTUEFNI NOTIÐ FREKAR ÞESSI SÆTUEFNI
Acesulfame-K (Ace K, Sweet One) Agave síróp
Aspartame (Nutrasweet, Equal) Hunang
Saccharin (Sweet’N Low) Maple síróp (hreint hlynsíróp)
Sucralose (Splenda) Stevíu (hreina og unna úr stevíalaufi)
Unninn sykur (glúkósa, súkrósa, dextrósa) Sykuralkahól (Xylitol)

GETUR GLÚTEN VALDIÐ MÍGRENI?
Glúten er talið vera taugaeitur, sem getur meðal annars valdið taugaskemmdum, auk þess sem það veldur bólguviðbrögðum í líkamanum. Nýlegar rannsóknir sýna að glúten er tengt röskun á taugaboðefnum hjá þeim sem eru með glútenóþol (e. celiac disease) eða glútennæmi (e. non-celiac gluten sensitivity). Í væntanlegri bók minni HREINN LÍFSSTÍLL verða frekari upplýsingar um glútenóþol og glútennæmi og sjálfsmatslisti, sem hjálpa þér að meta hvort glúten sé að valda heilsufarsskaða hjá þér. Bókin er á forsölutilboði sem stendur með góðum afslætti.

Rannsóknir hafa sýnt að mígreni er algengara hjá þeim sem eru með glútenóþol eða glútennæmi, sem er vísbending til þeirra sem eru með mígreni að þeir geti dregið úr höfuðverkjunum með því að fjarlægja glúten úr mataræði sínu. Gangi það erfiðlega og glúten slæðist inn annað slagið, er hægt (í neyðartilvikum) að nota Gluten Digest Enzymes frá NOW, en það eru meltingarensím, sem hjálpa til við niðurbrot glútens í meltingarveginum.

Í næstu grein fjalla ég um mikilvægi þess að nota ákveðin næringarefni til að styrkja taugakerfið og taugaboðsferla og draga þannig úr líkum á mígreni höfuðverkjum.

Ef þér fannst þessi grein áhugaverð, deildu henni þá endilega með öðrum.

Skráðu þig á póstlistann minn til að fá ýmis tilboð og vikulegt fréttabréf.

Heimildir úr eftirtöldum greinum: Genetic testing for gluten sensitivity – Gluten causes nerve damage – How grains cause inflammation

Mynd með grein: Can Stock Photo/zdenkamicka