EKKI SPYRJA, EKKI SEGJA FRÁ

ágúst 19, 2018 - 9:53 e.h.

Um fátt er meira fjallað meðal umhverfisverndarsinna, áhugafólks um heilbrigðan lífsstíl og lækna sem stunda heildrænar lækningar en nýlegar niðurstöður sem sýna glýfósat í ýmsu kornmeti. En glýfósat er víðar og Munich Environmental Institute fann það víð sínar rannsóknir í 14 mest seldu þýsku bjórtegundunum.

Ég skrifaði greinina ER GLÝFÓSAT Í ÞÍNUM MAT? í síðustu viku og viðbrögðina hafa ekki látið á sér standa. Greinin var ekki bara birt hér á vefsíðunni minni, heldur einnig á Smartlandi á mbl.is, þar sem gerð var frétt úr henni.

Ég hef fengið pósta og ábendingar um erlendar greinar sem fjalla um málið, svo og ábendingar og spurningar frá mörgum lesendum. Mikilvægt er að gera sér grein fyrir að illsgresiseyðirinn Roundup er notaður um ALLAN heim og reglugerðir eru takmarkaðar og þeim ekki framfylgt alls staðar. Það heldur því að öllum líkindum áfram að vera í umhverfi okkar um langan tíma enn og valda heilsufarsskaða. Því hefur lengi verið haldið fram af framleiðendum að glýfósat skaði ekki mannslíkamann, en eftir að IARC (International Agency for Research on Cancer) skilgreindi glýfósat sem líklegan krabbameinsvald er sú “öryggisímynd” ekki lengur gild. Glýfósat hefur verið tengt aukinni áhættu á krabbameinum í brjóstum, skjaldkirtly, nýrum, brisi, lifur og þvagblöðru, svo og ákveðinni tegund beinkrabbameina.

ÓERFÐABREYTT FÆÐA LÍKA Í HÆTTU

Því hefur gjarnan verið trúað að óerfðabreytt haframjöl eins og það sem General MIlls notar í Cheerios framleiðslu sína sé ekki mengað af glýfósati. Margir hafi því talið að hægt sé að forðast glýfósat í fæðunni með því að forðast erfðabreytta fæðu. Í ljós er að koma að óerfðabreytt fæða, eins og Cheerios, getur innihaldið mikið magn (1.125.3 hluta per milljarð skv. rannsókn Food Democracy Now og The Detox Project) af glýfósati, vegna þess að bændur úða glýfósati á kornið rétt fyrir uppskeru til að þurrka það,

Í norðlægari og kaldari svæðum Bandaríkjanna verða bændur oft að bíða eftir því að kornið þorni, áður en hægt er að hefja uppskeru. Frekar en bíða í eina til tvær vikur eftir því að það gerist á eðlilegan máta, komust bændur að því að með því að úða glýfósati yfir akrana, drápu þeir plönturnar og flýttu fyrir því að þær þornuðu.

EKKI SPYRJA, EKKI SEGJA FRÁ

Þurrkun á hveiti með glýfósati er sérlega algeng á árum þar sem væta er mikil og hefur aukist í Norður-Dakóta og nyrðri Mið-vesturríkjum Bandaríkjanna, svo og í Kanada og Skotlandi, en þar var fyrst byrjað að stunda þessa aðferð.

Enginn fylgist með því hversu mikið af korni er þurrkað með glýfósati, en það er þurrkað rétt fyrir uppskeruna, nokkrum vikum áður en það fer í framleiðslu á morgunkorni, brauði, kexi og öðru slíku. Ræktendur hafa lýst þessu sem “ekki spyrja, ekki segja frá” aðferð, en auk hveitis og hafra, er algengt að úða glýfósati á linsubaunir, baunir, óerfðabreyttar sojabaunir, maís, hörfræ, rúg og bókhveiti, canola (repjur), hirsi, sykurrófur, kartöflur og sólblóm.

VELDUR TRUFLUN Á STARFSEMI ÖRVERA

Glýfósat veldur mikilli truflun á starfsemi örvera og lífkeðja og hefur mest áhrif á góðgerla í þörmum okkar. Þannig fá meinvaldar (sýklar) að vaxa óhindrað og yfirtaka búsvæðin. Samkvæmt rannsókn sem birt var í Entropy, og unnin var af Stephanie Seneff, Ph.D. vísindamanni við MIT og Anthony Samsel, Ph.D. vísindamanni og ráðgjafa geta agnir af glýfósati örvað eyðileggjandi áhrif annarra kemískra efna sem berast með fæðunni og eiturefnum úr umhverfinu og truflað líkamsstarfsemina og valdið sjúkdómum.

Þeir sjúkdómar sem um ræðir (geta verið fleiri) eru: Einhverfa; Meltingarsjúkdómar eins og iðraólga, stöðugur niðurgangur, ristilbólga og Crohn’s sjúkdómurinn; Fæðufíkn og offituvandamál; Ofnæmi hvers konar; Hjarta- og æðasjúkdómar; Þunglyndi; Krabbamein; Ófrjósemi; Alzheimer’s sjúkdómurinn; Parkinson’s sjúkdómurinn, MS og fleiri.

Heimildir: Þessi grein er samantekt úr grein eftir Dr. Mercola, sem birtist á vefsíðunni RealFarmacy.com

Smellið á hlekkinn til að lesa alla greinina. Í bókinni HREINN LÍFSSTÍLL sem kom út í fyrra fjalla ég sérstaklega um glýfósat og áhrif þess á jarðveginn og líkama okkar.

Mynd: CanStockPhoto