COVID SPURNINGAR ÁN SVARA - Guðrún Bergmann

COVID SPURNINGAR ÁN SVARA

COVID SPURNINGAR ÁN SVARA

Það eru margir sem velta vöngum yfir ýmsum reglum, lokunum og hömlum í kringum COVID-19. Þær virðast oft ekki vera á rökum reistar og því varð þessi listi til. Ég fékk hann sendan frá vini mínum, en veit ekki hver setti hann upprunalega saman.

Ég birti hann hér, því sjálf hef ég spurt mig allra þessara spurninga oftar en einu sinni. Hugsanlega hefur þú líka gert það og komist að sömu niðurstöðu og margir aðrir. Það er verið að fela eitthvað fyrir okkur.

SPURNINGALISTINN

1 – Ef grímur virka – af hverju þurfum við þá 2ja metra regluna?

2 – Ef tveggja metra reglan virkar – af hverju þurfum við þá grímur?

3 – Ef bæði grímur og 2ja metra reglan virka – af hverju þarf þá heimasóttkví?

4 – Ef allt þrennt virkar – af hverju þurfum við þá bóluefni?

5 – Ef bóluefnið er öruggt – af hverju eru þá framleiðendur með yfirlýsingu um að þeir beri enga ábyrgð á hugsanlegum skaða af bóluefninu?

6 – Ef bóluefnið er öruggt – er þá ekki rétt að prófa það á dýrum, áður en það er notað á menn?

7 – Ef bóluefnið er öruggt – hvers vegna leið þá yfir Tiffany Dover, heilbrigða þrítuga hjúkrunarkonu 17 mínútum eftir að hún fékk bóluefnið. Er Tiffany Dover látin?[i] Hvers vegna eru svona margir að fá aukaverkanir og látast eftir bólusetningu?

8 – Ef ekki hefur tekist að framleiða bóluefni gegn öðrum kórónavírusum – af hverju ættum við þá að vænta þess að það takist fyrir þennan kórónavírus?

9 – Ef SARS-CoV-2 er til – af hverju hefur þá ekki tekist að einangra vírusinn?

10 – Ef SARS-CoV-2 vírusinn hefur ekki verið einangraður – hvernig er þá hægt að þróa bóluefni gegn honum?

11 – Ef RT-PCR prófin virka – af hverju eru þá svona margar falskar jákvæðar niðurstöður?

12 – Ef Kary Mullis[ii], sem uppgötvaði RT-PCR prófið og svo heppilega vildi til að lést í ágúst 2019, sagði að ekki ætti að nota það til að greina smitsjúkdóma – hvers vegna er það þá notað til að greina SARS-CoV-2?

13 – Ef þetta er farsótt – hvers vegna eru þá svona mörg auð sjúkrahúsrúm?

14 – Ef fjöldinn allur af fólki er að látast af SARS-CoV-2 – af hverju er þá svona mikið um rangar dánarorsakir á dánarvottorðum? Eru flensuandlát nú endurskilgreind sem COVID-19 andlát?

15 – Ef SARS-CoV-2 er til – af hverju þarf þá að veita læknum fjárhagslegan hvata til að greina SARS-CoV-2?

16 – Ef hin opinbera skýring á COVID-19 er verjanleg – af hverju eru þá þeir sem véfengja hana ritskoðaðir.

RITSKOÐUN UM ALLAN HEIM

Samfélagsmiðlarnir hafa verið öflug leið til að koma skilaboðum hratt til fólks upp á síðkastið.  En í ljósi sextándu spurningarinnar er rétt að geta þess að YouTube[iii] hefur á tæpum ellefu mánuðum, eða frá því í febrúar 2020 og fram í janúar 2021, eytt út 500.000 myndböndum, þar sem fjallað var um COVID-19.

Í þessum myndböndum var dregið í efa að þessi „farsótt“ sem hefur farið um heiminn sé í raun eins alvarleg og fjölmiðlar og stjórnvöld halda fram. Í sumum af þessum myndböndum var fjallað um leiðir til að verjast smiti og styrkja ónæmiskerfið með því að taka inn bætiefni eins og C-vítamín, sink og D-vítamín, svo og að hjálpa mætti fólki sem smitaðist af COVID-19 að ná heilsu á ný með því að gefa því hydroxychloroquine.

Margir erlendir læknar hafa komið sínum sjúklingum til bata aftur með því að gefa þeim hydroxychloroquine, þar til þetta sjötíu ára gamla lyf var allt í einu tekið af lyfjaskrá víða um heim. Það eitt og sér vekur upp frekari spurningar. Tengist það hugsanlega því að þegar lyf hafa verið lengi á markaði, dettur sérleyfi á þeim niður og allir geta framleitt það. Jafnframt verður lyfið yfirleitt mjög ódýrt. Hins vegar eru ný bóluefni mjög dýr og skila lyfjafyrirtækjum því meiri hagnaði.

FREKARI SPURNINGUM ENN ÓSVARAÐ

Þrátt fyrir allar spurningarnar hér að ofan eru nokkrar spurningar, sem mér finnst enn vera ósvarað. Ég hef leitað bæði til landlæknis og sóttvarnalæknis eftir svörum við þeim, en ekki fengið svör. Ég hefði talið að það félli undir starfssvið þeirra að svara slíkum spurningum og halda okkur upplýstum, ekki bara um hversu mörg smit hafa greinst á hverjum degi og hversu mikilvægt það sé að halda fjarlægð frá næsta manni eða ganga með grímu.

Ég setti eftirfarandi spurningar fram í opnu bréfi til sóttvarnalæknis í grein á visir.is fyrir nokkrum vikum. „Ef engum hefur tekist að einangra SARS-CoV-19, fyrir hvaða veiru er þá verið að skima fólk?“ – Jafnframt sendi ég sóttvarnalækni og landlækni tölvupóst með þessari sömu spurningu. Sóttvarnalæknir svaraði póstinum en sagðist svo önnum kafinn að hann gæti ekki sagt mér hvaða veiru væri verið að skima fyrir. Mér fannst þetta undarlegt svar, því varla hefur veiran það langt heiti að ekki væri jafn auðvelt að segja mér það og að segjast ekki hafa tíma!

Hin spurningin sem ég spurði í þessu umrædda opna bréfi var: „Hversu margir snúningar hafa verið á PCR prófunum hér á landi?“ – Ég hef heldur ekki fengið svar við þessari spurningu, en hún fór líka í tölvupósti bæði til landlæknis og sóttvarnalæknis.

PCR PRÓFIN OG WHO

Þann 14. desember síðastliðinn sendi WHO – Alþjóðaheilbrigðismálastofnunin, sem er séreignastofnun, ekki alþjóðastofnun – frá sér minnisblað um að héðan í frá ætti einungis að snúa PCR pinnunum í 40 hringi, því fleiri hringir gæfu falskar niðurstöðum um smit. Ef leitað er í þessar upplýsingar í dag kemur upp að síðan finnist ekki[iv] svo einhverra hluta vegna hefur hún „horfið“ eins og svo margar upplýsingasíður gera þessa dagana.

Vert er að geta þess að stærstu styrktaraðilar þessarar sjálfseignastofnunar eru Bill & Melinda Gates Foundation, Gavi (í eigu þeirra hjóna) og Kínverska ríkisstjórnin. Þessir aðilar móta því stefnu stofnunarinnar að miklu eða öllu leyti.

Ef yfirvöld hér hafa verið að fara eftir ráðleggingum WHO í einu og öllu hljóta þau að hafa verið að snúa PCR  prófunum of oft. Væntanlega er það þá skýringin á þeim fjölda einstaklinga, sem hafa verið greindir með „smit“ en verið einkennalausir – því það var ekkert að þeim.

KARY MULLIS OG PCR PRÓFIN

Dr. Kary Mullis, sem fékk Nóbelsverðlaun fyrir að finna upp PCR aðferðina, hafði það alveg á hreinu að PCR prófin væru ekki ætluð til sjúkdómsgreiningar[v] og sagði: „Ef þú notar PCR prófin á ákveðinn hátt, geturðu nánast fundið hvað sem er að, hjá hverjum sem er.“

Einnig var haft eftir honum: „Ef þú snýrð þeim í meira en 40 hringi til að magna upp eitt eintak af erfðavísi, þá er eitthvað mjög mikið að PCR niðurstöðunni.“

SKOÐUM MÁLIN FRÁ ÖÐRU SJÓNARHORNI

Þessi grein eins og aðrar sem ég skrifa um sama málefni, sem vissulega snýr að heilsu okkar og framtíð þjóðarinnar, er til að hvetja þig sem þetta lest til að skoða málin frá öðru sjónarhorni en fjölmiðlar og yfirvöld halda fram.

Vekur þessi grein ekki upp einhverjar spurningar hjá þér lesandi góður? Hefðir þú ekki áhuga á að fá skýr svör frá stjórnvöldum hér á landi við einhverjum af þessum spurningum? Hvað heldurðu að verið sé að fela fyrir okkur.

Ef þér finnst þessi grein áhugaverð, deildu henni þá endilega með öðrum.

Mynd: CanStockPhoto.com/rbhavana

Heimildir: 

[i] Já, Tiffany Dover er látin – sjá:  https://youtu.be/iji2IxmZ5qA

[ii] https://stateofthenation.co/?p=30880

[iii] https://www.newsbusters.org/blogs/techwatch/alec-schemmel/2021/01/28/censorious-youtube-removes-over-500000-videos-discussing

[iv] https://www.who.int/news/item/14-12-2020-who-information-notice-for-ivd-users

[v] https://off-guardian.org/2020/10/05/pcr-inventor-it-doesnt-tell-you-that-you-are-sick/

image_print

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 401 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?