Þessi blómkálsflatbaka er glútenlaus og það má bæði nota hana meðan verið er í HREINT MATARÆÐI hreinsikúrnum eða þegar honum lýkur. Ef hún er vel bökuð minnir hún dálítið á ristað brauð.
Aðalinnihaldsefnið er blómkál, eitt af þessum grænmetistegundum af krossblómaætt, sem er bæði verndandi fyrir líkamann og stuðlar að góðum estrógen-efnaskiptum hans.
Upplagt er að útbúa böku eins og þessa fyrir sunnudagsbrunch og þá má skera hana í minni bita ef hún er fyrir fleiri.
Fyrir tvo:
INNHALDSEFNI:
500 gr blómkálsblóm
3 msk mulin chia fræ
3 msk kalt vatn
½ bolli möndlumjöl
góð klípa af himalajasalti
1 avókadó – eða 2 lítil lífrænt ræktuð
handfylli af þvegnu klettasalati
nokkrar þunnar sneiðar af rauðlauk
AÐFERÐ:
Hitið ofninn í 200°C og setjið bökunarpappír á ofnplötu.
Setjið blómkálsblómin í matvinnsluvél og maukið á “púls” stillingu þar til þau verða eins og hrísgrjón. Gott er að nota stóra matvinnsluvél eða gera þetta í skömmtum í minni vél.
Setjið blómkálið í stóran pott, bætið við vatni svo fljóti yfir og látið suðuna koma upp. Setjið lokið á og látið sjóða í 5 mínútur.
Sigtið vatnið frá og leyfið blómkálinu að kólna í nokkrar mínútur.
Meðan blómkálið kólnar búið þá til “chia egg” með því að blanda saman 2 msk af muldum chia fræjum og 3 msk af vatni. Leggið til hliðar og látið bíða meðan blandan þykknar.
Þegar blómkálið hefur kólnað er það sett í grisjupoka (eða þunnt viskastykki) og ALLUR vökvi kreistur út því. Þetta er mikivægt skref.
Setjið blómkálið í stóra skál, bætið “chia egginu”, möndlumjöli og aukaskeiðinni af muldum chia fræjum út í , svo og salti og blandið þar til deigið loðir vel saman.
Setjið deigkúluna á pappírinn á ofnplötunni og leggið annað blað af bökunarpappír yfir. Fletjið kúluna út í svona 1 cm þunna böku.
Bakið við 200°C í 30 mínútur eða þar til efra borð hennar er gullinbrúnt og þurrt viðkomu.
Takið bökuna úr ofninum, leggið bökunarpappír ofan á hana og snúið henni við og bakið í 15 mínútur til viðbótar.
Takið flatbökuna úr ofninum og leyfið henni að kólna.
Maukið á meðan avókadóið og bætið salti út í það.
Skerið blómkálsflatbökuna í fjóra parta og smyrjið með avókadómaukinu og skreytið með klettasalati og rauðlauk eða hverju öðru sem þið viljið hafa ofan á henni.
Líka má bragðbæta avókadómaukið með ólífuolíu, sítrónusafa eða hvítlaukssalti.
Mynd: CanStockPhoto / natafkusidey
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar11. maí, 2025EKKI VERÐUR AFTUR SNÚIÐ
Greinar8. maí, 2025WESAK TUNGLIÐ 12. MAÍ
Greinar13. apríl, 2025FULLT TUNGL Á PÁLMASUNNUDEGI
Greinar11. apríl, 2025MIKILVÆGI LIFRAR