AUKAVERKANIR BÓLUEFNANNA

AUKAVERKANIR BÓLUEFNANNA

Varla fór það framhjá nokkrum sem fletti Morgunblaðinu í gær eða fylgdist með á samfélagsmiðlum að í blaðinu birtist auglýsing, þar sem bent var á ýmsar aukaverkanir tengdar Covid-bóluefnunum, sem dælt er í gríð og erg í fólk þessa dagana.

Ráðist var á Vilborgu Hjaltested greiðanda auglýsingarinnar og hún vænd um hræðslu-áróður. Sannleikanum verður gjarnan hver sárreiðastur, en væntanlega hefur Rúna Hauksdóttir Hvannberg forstjóri Lyfjastofnunar, svo og aðrir sem töldu að listinn í auglýsingunni ætti ekki við rök að styðjast, ekki kynnt sér upplýsingar og tölur á Vigibase nýlega.

Frá árinu 1978 hefur Uppsala Monitoring Center (UMC) haldið utan um alþjóðlega gagnagrunninn Vigibase [ii] fyrir WHO (Alþjóðaheilbrigðismálastofnunina) þar sem skráðar eru aukaverkanir af lyfjum. Á vefsíðu þeirra segir að tilgangur gagnagrunnsins sé að tryggja að fyrstu merki um öryggisvandamál tengd nýjum og lítt þekktum lyfjum séu greind eins fljótt og mögulega.

FJÖLGUN UM TÆPLEGA SEX ÞÚSUND Á EINNI VIKU

Þann 6. maí síðastliðinn skrifaði ég greinina NÆSTUM 20.000 AUKAVERKANIR TENGDAR AUGUM og var þá bara að fjalla um augun, engar aðrar aukaverkanir af bóluefnunum. Þá höfðu verið tilkynntar 19.916 aukaverkanir tengdar augum. Þann 13. maí voru tilkynntar aukaverkanir tengdar augum vegna Covid-19 bóluefna (Covid-19 vaccines) orðnar 25.873 og hafði þeim því fjölgað um tæplega SEX ÞÚSUND á einni viku.

Á vefsíðu Vigibase undir Vigiaccess[iii] sem er aðgangurinn að tölfræðiupplýsingunum, er að finna tilkynningar um 150 mismunandi aukaverkanir tengdar augum, en hér á eftir fylgir listi yfir þær helstu og samanburður milli fjölda tilkynning fyrir einni viku og nú.

  • Augnverkir (úr 4.616 í 5.529)
  • Óskýr sjón (úr 3.839 í 5.228)
  • Ofurviðkvæmni fyrir ljósi (úr 1.808 í 2.202)
  • Skerðing á sjón (úr 1.625 í 2.271)
  • Bólgin augu (úr 1.162 í 1.602)
  • Ofurmagn blóðs eða rauð augu (úr 788 í 1.036)
  • Pirringur í augum (úr 768 í 967)
  • Kláði í augum eða kuldakláði (úr 731 í 935)
  • Tárvot augu eða aukin táramyndun (úr 653 í 846)
  • Tvöföld sjón eða tvísýni (úr 559 í 780)
  • Álag á augu og augnþreyta (úr 459 í 537)
  • Þurr augu (úr 400 í 487)
  • Bólgur í kringum augun eða bólga í augntótt (úr 366 í 483)
  • Bólgin augnlok (úr 360 í 490)
  • Ljósglæringar í sjónsviðinu eða blossasýn (úr 358 í 427)
  • Blinda (úr 303 í 460)
  • Bjúgur í augnlokum (úr 298 í 350)
  • Blæðingar úr táruslagæðum (úr 236 í 308)
  • Hvarmakrampi eða óeðlilegur samdráttur augnvöðvanna (úr 223 í 300)
  • Augnblæðingar (úr 169 í 275)

Augnvandamál voru ekki á lista yfir aukaverkanir eftir klínískar tilraunir í fasa 1 og 2 með bóluefnin, sem hafa eingunis fengið neyðarleyfi þar sem þriðja fasa tilrauna lýkur til dæmis ekki með Pfizer/BioNTech bóluefnið fyrr en 6. apríl 2023[iv].

Lyfjastofnun Evrópu EMA veitti bóluefnunum skilyrt markaðsleyfi og FDA (Food and Drug Administration) í Bandaríkjunum veitti þeim neyðarleyfi. Það er bara hér á landi sem öllum bóluefnum gegn C-19 hefur verið veitt markaðsleyfi[v] , svo Lyfjastofnun hlýtur að hafa tekið þá ákvörðun ein og sér þótt lyfjum sé annars staðar í heiminum ekki veitt markaðsleyfi fyrr en tilraunum með þau lýkur.

HEILDARLISTI YFIR AUKAVERKANIR

Á Vigibase[vi] er heildarlisti yfir tilkynntar aukaverkanir af C-19 bóluefnunum, en ef smellt er á hvern flokk koma upp undirlistar með nánari skilgreiningum. Heildarlistinn lítur svona út þann 13. maí og hef ég feitletrað þær línur þar sem tilkynningar eru 50.000 eða fleiri:

  • Blóð- og vessaæðavandamál (30.271)
  • Hjartavandamál (28.762)
  • Ásköpuð, ættgeng og erfðafræðileg vandamál (253)
  • Vandamál í eyrum og völundarhúsi (21.069)
  • Innkirtlavandamál (499)
  • Augnvandamál (25.873)
  • Maga og þarmavandamál (176.424)
  • Ýmsar aukaverkanir og aukaverkanir sem koma upp á bólusetningarstað (503.512)
  • Gall- og lifrarvandamál (955)
  • Vandamál tengd ónæmiskerfinu (8.301)
  • Sýkingar og óværusmit (38.314)
  • Áverkar, eitrun og aðferðarvandamál við inndælingu (25.055)
  • Í nánari rannsókn (64.002)
  • Efnaskipta- og næringarvandamál (18.174)
  • Vöðva- og bandvefsvandamál – stoðkerfi (252.634)
  • Æxli – góðkynja, illkynja og óskilgreind (þar með talið belgir og separ) (593)
  • Taugakerfisvandamál (361.311)
  • Meðganga, sængurlega og fæðingarvandamál (692)
  • Vandamál með bóluefnin (1.370)
  • Geðræn vandamál (32.566)
  • Nýrna- og þvagvandamál (5.060)
  • Vandamál í æxlunarkerfi og brjóstavandamál (7.242)
  • Öndunarfæra-, brjósthols- og miðmætisvandamál (milli lungnafleiðra) (71.254)
  • Húð- og húðbeðsvandamál (104.280)
  • Samfélagslegar kringumstæður (3.900)
  • Meðferðir sem körfðust skurðlækninga eða lyfja (3.965)
  • Æðavandamál (36.542)

Með því að leggja þessar tölur saman hafa tilkynntar aukaverkanir verið 1.822.874 frá því um áramót eða svo. Spurning hversu margar aukaverkanir þarf að tilkynna til að bóluefnið teljist ekki öruggt til notkunar?

Þótt margar tilkynningar hafi borist, er þó almennt talið að einungis 1-4% tilkynni þær aukaverkanirnar sem þeir fá eftir bólusetningu. Tölur úr Vigibase gagnagrunninum sýna þó greinilega að aukaverkanir af bóluefnunum leggjast á mörg mismunandi kerfi líkamans.

LEITAÐU ÞÉR NÁNARI UPPLÝSINGA

Ef þú vilt kanna undirflokkana smellirðu á Vigibase og ferð beint inn á aðgangssíðu að gagnagrunninum. Neðst á síðunni smellirðu á hlekk til að komast inn á valmyndasíðu. Þar seturðu inn lyfjaheitin Comirnaty, Moderna, Vaxevria (nýja heitið á AstraZeneca óbreyttu bóluefni) eða Jansen – eða Covid-19 vaccines, til að fá tölur yfir aukaverkanir þeirra.

ÞEKKTU RÉTT ÞINN

Eftirfarandi tvær spurningar og svör við þeim eru að finna á vefsíðu landlæknis[vii].

Er einstaklingur tryggður ef aukaverkanir sem rekja má til bólusetningarinnar veldur langtíma heilsuvanda og fjarvista frá störfum (t.d evrópska sjúkraskírteinið/sjúkratryggðir á Íslandi)?
Sjúklingatryggingar gilda fyrir þessa bólusetningu skv. skilyrðum Sjúkratrygginga Íslands.

Er hægt að krefjast þess að einhver verði bólusettur?
Allar bólusetningar á Íslandi eru valkvæðar.

Með valkvæðni er átt við að ekki sé hægt að beita þrýstingi, hótunum um atvinnumissi eða öðrum aðgerðum til að fá fólk til að láta bólusetja sig. Öllum þeim aðferðum hefur samt verið beitt bæði hér á landi og víða um heim.

Því hafa allar reglur og lög, sem eiga að vernda íbúa heims fyrir læknisfræðilegum tilraunum, til dæmis með bóluefnum sem enn eru á tilraunastigi, verið brotnar, þar á meðal allar 10 greinar Nuremberg siðareglnanna[viii].

Myndir: Af auglýsingunni sem birtist í Morgunblaðinu 13. maí og CanStockPhoto / iDesign

Heimildir:

[i] https://www.who-umc.org/vigibase/vigibase/

[ii] https://www.who-umc.org/vigibase/vigibase/

[iii] http://www.vigiaccess.org/

[iv] https://clinicaltrials.gov/ct2/show/NCT04368728

[v] https://www.lyfjastofnun.is/lyfjastofnun/spurt-og-svarad/#q=covid-19 – undir lið 2

[vi] http://www.vigiaccess.org/

[vii] https://www.landlaeknir.is/um-embaettid/greinar/grein/item43978/Bolusetning-gegn-COVID-19—Algengar-spurningar-og-svor

[viii] https://breaking-news.ca/the-new-nuremberg-trials-2021-please-share-this-info/?fbclid=IwAR3hPtjmHkwaWas2HhMlWwO3j5d6HFcsN019Yv9dMVhO58-SfgX1b8qL9cY

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 502 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?