222 ORKUHLIÐIÐ
Mikil umskipti hafa orðið í orkunni þessa vikuna. Þann 17. febrúar kveiknaði nýtt Tungl á 28 gráður í Vatnsbera. Úranus á 27 gráðum í Nauti var í 90 gráðu spennuafstöðu við þetta nýja Tungl. Úranus var jafnframt í samstöðu við fastastjörnuna Algol, en hún er táknræn fyrir það að “tapa höfðinu”. Í eiginlegri eða óeiginlegri merkingu, þá er hún táknræn fyrir þá sem falla úr valdastólum hvort sem er sem “höfuð” landa eða stjórnendur þess eða annars staðar úr valdamiklum stöðum. Nóg hefur verð af því upp á síðkastið.
SATÚRNUS OG NEPTÚNUS Í SAMSTÖÐU
Þann 20. febrúar varð svo samstaðan á milli Satúrnusar og Neptúnusar á núll gráðu og 44 mínútum í Hrút. Hún hefur verið mikið til umfjöllunar af tveimur ástæðum. Annars vegar vegna þess að þessar tvær plánetur hafa ekki verið í samstöðu á núll gráðunni í Hrút í 6300 ár – og hins vegar vegna þess að hún er á sköpunargráðunni í Hrútnum, sem er fyrsta merki stjörnumerkjahringsins – og telst því vera upp hafa að nýjum draumu fyrir veröldina okkar.
ORKUHLIÐIÐ 222
Svo er það 22. febrúar þegar það opnast nýtt orkuhlið 22.2 eða 222, en fyrir hvað er þetta orkuhlið að undirbúa okkur?
Við stöndum á enn einum þröskuldi umbreytinga, þar sem hljóðlát innri endurröðun á sér stað. Þröskuldi á milli þess sem þú hefur verið og þess sem þú ert að verða.
Ef þú hefur fundið þig innhverfari, næmari, meðvitaðri um það sem á ekki lengur við … þá ertu þegar komin inn í þessa orku. Það er verið að endurstilla þig til að þú getir búið í sjálfri þér af fullri meðvitund.
Talan 2 ber tíðni sameiningar … sameiningar milli sálar og forms. Samruna hins eilifa kjarna þíns við sjálfið sem ferðast hér um Jörðina. Þessi gátt kerfisbreyting.
Verið er að undirbúa taugakerfi þitt undir að halda meira af þinni eigin tíðni án þess að það valdi ofurálagi. Það er verið að biðja þig að taka fulla stjórn og verða fullvalda í eigin lífi. Stjórna því út frá þínum innri styrk.
ENDURSTILLINGIN
222 orkuhliðið undirbýr þig ekki fyrir atburð … heldur ástand. Stöðuga, jarðbundna tíðnisveiflu sem þú gætir hafa tengst í gegnum hápunkt andlegra upplifana en ekki getað viðhaldið í daglegu lífi. Verkefni nú er að móttaka þessa tíðni og viðhalda henni.
Að leyfa þinni sönnu tíðni að streyma í gegnum þig án varnarviðbragða. Að treysta líkamanum þínum til að halda meira ljósi. Að leyfa þér að finna fyrir þessari lifandi orku án þess að dragast ósjálfrátt saman – og reyna að verða minni á ný. Umbreytingin er að eiga sér stað … í grunntóni til veru þinnar.
UPPLAUSN HINS FALSKA SJÁLFS
Þegar gáttin nálgast byrjar sú útgáfa af þér, sem aðlagaði sig dofnaði eða fór í ákveðið hlutverk til að tilheyra, að leysast upp. Hún gæti barist á móti.
Gamlar óttahugmyndir geta komið upp á yfirborðið. Gamlar venjur geta blossað upp. Slík viðbrögð eru ekki afturför … heldur losun. Hið falska sjálf getur ekki farið yfir þennan þröskuld og því þurfum við að losa okkur við það.
Upp úr því rís sú/sá sem biðst ekki afsökunar á innsæi sínu og næmi… heldur sú/sá sem forðast að tala um innsæið … heldur einfaldlega treystir því.
Þetta orkuhlið hjálpar þér að endurheimta þitt innra vald. Þú ferð að skynja sannleikann í líkamanum áður en hugurinn truflar. Staðfestingar frá öðrum missa völd sín.
Ákvarðanir þínar skerpast, rödd þín styrkist, nærvera þín festist í sessi. Þú ert ekki að verða einhver ný/nýr. Þú ert að muna hver þú hefur alltaf verið.
SVONA UNDIRBÝRÐU ÞIG
Þú undirbýrð þig ekki með því að gera meira, heldur með því að vera meira til staðar.
Hægðu á þér. Hvíldu þig meira en venjulega. Leyfðu líkamskerfi þínu að samþætta það sem sálin þín er þegar farin að virkja.
Óþægindi sem þú kannt að finna fyrir eru ekki merki um mistök … heldur útvíkkun.
ÞRJÁR SÁLARÆFINGAR FYRIR 222 ORKUHLIÐIÐ
- Líkamsvitundaröndun
Leggðu aðra hönd á hjartað og hina á kviðinn.
Andaðu rólega inn og taktu aðeins lengri tíma í að anda frá þér.
Hugsaðu eða segðu upphátt:
“Ég er örugg/ur í þessu ljósi. Ég er örugg/ur í þessari umbreytingu.”
- Heilagt NEI
Segðu upphátt:
“Ég sleppi því sem er ekki mitt. Ég endurheimti skýrleika minn og mátt.”
- Spegilblessun
Horfðu í eigin augu og staðfestu:
“Þú ert ekki of mikið. Þú ert nákvæmlega sú/sá sem þér var ætlað að vera.”
© Guðrún Bergmann
P.S. Í svona umbreytingarferðalagi er gott að þekkja sitt eigið stjörnukort, orkuna sem við komum með til Jarðar til að vinna úr og umbreyta – og vita hvar samstaða Satúrnusar og Neptúnusar er að hafa áhrif í lífi þínu. Þú getur pantað þér stjörnukort hjá mér með því að SMELLA HÉR!
Um höfund
- Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
Síðustu færslur
Greinar2. mars, 2026FYRRI HLUTI MARS 2026
Greinar24. febrúar, 2026ÖFLUGAR AFSTÖÐUR PLÁNETANNA
Greinar22. febrúar, 2026222 ORKUHLIÐIÐ
Greinar20. febrúar, 2026SATÚRNUS OG NEPTÚNUS Í SAMSTÖÐU