10 FÆÐUTEGUNDIR SEM LÍKJAST LÍFFÆRUM

MEGINEFNI GREINARINNAR:

  • Það má finna ákveðna samlíkingu með ýmsum fæðutegundum og líffærum líkamans.
  • Bein innihalda 23% natríum og það gerir sellerí líka – enda sellerí gott fyrir beinin.
  • Skelfiskur er góður fyrir eistu karla og avókadó fyrir leg kvenna.

Greinarhöfundur: Guðrún Bergmann
Fylgstu með mér daglega á FACEBOOK eða skráðu þig á PÓSTLISTANN


10 FÆÐUTEGUNDIR SEM LÍKJAST LÍFFÆRUM

Allir hafa einhvern tímann heyrt að “við erum það sem við borðum”, en það geta verið meiri líkindi milli fæðunnar sem er góð fyrir okkur og líffæranna en þig grunar. Samkvæmt grein á vefsíðunni Woman’s Day, sem ég rakst nýlega á, eru að minnsta kosti 10 fæðutegundir sem líkjast þeim líffærum sem þær veita mesta næringu – eða er það kannski bara tilviljun?

Mér fannst þetta áhugaverður og skemmtilegur listi og vel þess virði að skoða hann. Flestar þessar fæðutegundir eru góðar fyrir allan líkamann, en með hliðsjón af listanum getum við séð hvaða fæðu má neyta til að styrkja ákveðin svæði hans.

1-GULRÆTUR: AUGU

Ef þú skerð gulrót í sneiðar er auðvelt að sjá hversu lík hún er auga manns – og ef þú skoðar sárið vel, sérðu jafnvel línur sem líkjast sjáaldrinu (ljósopinu) og lithimnunni. Gömlu munnmælin um að gulrætur séu góðar fyrir augun eru í fullu gildi, því í gulrótum er að finna mikið af vítamínum og andoxunarefnum eins og beta-karótíni, sem dregur úr líkum á hrörnun í augnbotnum, sem gjarnan leiðir til sjónleysis hjá eldra fólki.

2-VALHNETUR: HEILI

Fellingar og skorur á valhnetukjarna leiða hugann að öðru líffæri, nefnilega heilanum. Lögun hnetunnar er á vissan hátt eins og hægra og vinstra heilahvel. Því kemur ekki á óvart að stundum sé talað um valhnetur sem “heilafóður”, því í þeim er mikið af omega-3 fitusýrum, sem styrkja starfsemi heilans.

3-SELLERÍ: BEIN

Langir, grannir sellerístilkar líkjast beinum og eru líka góðir fyrir þau. Best er að borða lífrænt ræktað sellerí, en í selleríi er mikið af sílikóni, sem eru hluti af þeirri sameindagerð sem veitir beinum styrk. En það er ekki bara útlitið sem gerir sellerí líkt beinum líkamans, því bein innihalda 23% natríum og það sama á við um sellerí.

4-AVÓKADÓ: LEG

Perulaga form avókadós líkist leginu en avókadó er einmitt talið styrkjandi fyrir æxlunarfærin. Avókadó er ríkt af fólínsýru en hún dregur úr hættu á misvexti í leghálsi, sem getur verið forstig leghálskrabbameins.

5-SKELFISKUR: EISTU

Ýmsar rannsóknir benda til þess að skelfiskur (clams), sem líkist eistum í laginu, sé góður fyrir kynfæri karla. Rannsóknir í Hollandi gefa til kynna að bætiefnin fólínsýra og sink – sem mikið er af í skelfiski – geti verulega bætti gæði sæðis hjá körlum.

6-GREIPALDIN: BRJÓST

Líkindin milli kringlóttra sítrusávaxta – eins og sítrónu og greipaldins – og brjóstanna eru næstu of mikil til að teljast tilviljun. Í greipaldin eru efni sem kallast “limonoids”, en rannsóknir hafa sýnt að það hindrar framþróun krabbameinsfrumna í tilraunadýrum og brjóstafrumum úr konum.

7-TÓMATAR: HJARTA

Þegar þú skerð tómast í sundur sérðu að þetta rauða grænmeti er með fjölda hólfa sem líkjast uppbyggingu hjartans. Rannsóknir hafa leitt í ljós að lýkópen í tómötum, getur dregið úr hjartasjúkdómum, bæði hjá konum og körlum sem neyta þeirra, að ekki sé nú talað um ef bætt er við fitu eins og ólífuolíu eða avókadói, en olían og avókadóið leiða til þess að upptaka líkamans á lýkópeni allt að tífaldast.

8-RAUÐVÍN: BLÓÐ

Rauðvín, sem er ríkt af andoxunarefnum og pólýfenóli, þar á meðal hinu öfluga resveratroli, lítur út eins og blóð. Það hefur blóðþynnandi áhrif og dregur því úr líkum á blóðtöppum, sem tengjast heilablóðfalli og hjartasjúkdómum, auk þess sem það lækkar LDL kólesterólið. Þeir sem ekki neyta áfengis geta fengið Resveratrol bætiefni frá NOW, en það fæst m.a. í verslunum Nettó og ýmsum öðrum matvöru- og lyfjaverslunum.

9-ENGIFERRÓT: MAGI

Allir sem hafa einhvern tímann teygt sig eftir engiferöli, þegar þeir hafa verið slæmir í maga, vita að engifer dregur úr ógleði. Því passar svo vel að engiferrótin skuli líkjast maganum. Efnið sem gefur engiferrót þessa sterku lykt og bragð kallast “gingerol” og rannsóknir sýna að það dregur úr ógleði og uppköstum.

10-SÆTAR KARTÖFLUR: BRIS

Ílangar sætar kartöflur eru mjög líkar briskirtlinum og stuðla jafnframt að heilbrigðri starfsemi hans. Í sætum kartöflum er mikið af beta-karótíni, sem er öflugt andoxunarefni sem verndar alla vefi líkamans, þar á meðal briskirtilinn, frá eyðileggingu sem tengist krabbameinum og öldrun.

Kíktu endilega inn á síðu Women’s Day til að sjá myndir af öllum þessum fæðutegundum og hversu mikil líkindi eru milli þeirra og líffæra líkamans.

Skráðu þig á PÓSTLISTANN til að fá reglulega sendar greinar og upplýsingar um námskeið, svo og ýmis tilboð og fræðslu.

image_print
Deila áfram:

Um höfund

Guðrún Bergmann
Guðrún Bergmann
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
  • 502 Posts
  • 0 Comments
Guðrún Bergmann hefur í rúm 30 ár verið ötull talsmaður þess að velja náttúrulegar leiðir til betri heilsu og bættra lífsgæða. Sjá nánar
error

Viltu deila þessari grein?